тренери – Kurir.mk

Њукасл е главна тема во англискиот фудбал – пет имиња за нов менаџер

Ристе Здравков — Fri, 08 Oct 2021 08:20:21 +0000

Компанијата Public Investment Fund вчера официјално го откупи мнозинскиот пакет акции на Фудбалскиот клуб Њукасл од досегашниот сопственик Мајк Ешли. Се разбира, прва тема со која ќе се занимаваат новите газди е менаџерската позиција на која сега е Стив Брус кој сака да се остане и да докаже дека може да ја води екипата кон врвот на Премиер лигата. Тоа веројатно не го мислат сопствениците бидејќи во јавноста излегоа пет можни кандидати кои треба да го замента Брус. На прво место е италијанскиот стручњак Антонио Конте кој е без работа откако по завршувањето на минатата сезона го напушти Интер. Наводно, за него се подготвува богата понуда која нема да може да ја одбие. Покрај Конте, со Њукасл се поврзуваат и актуелниот белгиски селектор Роберто Мартинес, потоа Френк Лампард, Еди Хауи и Стив Џерард.

По тројца тренери и ракометари на македонската репрезентација позитивни на коронавирусот

Магдалена Андонова — Mon, 02 Nov 2020 19:20:21 +0000

Во пресрет на квалификациските натпревари за обезбедување пласман на Европското првенство 2022, со репрезентациите на Финска и Швајцарија, согласно протоколот од ЕХФ и протоколот за спроведување на ракометните натпревари, Ракометна федерација на Македонија пред започнување на собирот спроведе тестирање на ракометарите и стручниот штаб на сениорската машка ракометна репрезентација за рана детекција на COVID – 19, при што позитивни тестови имаат тројца од стручниот штаб и тројца играчи, соопшти РФМ. Од тренерите позитивни на корона вирусот се: Александар Царчев – тренер на голмани, Никола Матлиески – помошник тренер и Радослав Стојановиќ – помошник тренер. Од играчите: Марио Танкоски, Мартин Велковски и Мартин Поповски. Контактите се изолирани, а ракометарите и стручниот штаб кои се позитивни немале контакт со останатите тестирани членови на репрезентацијата кои се негативни на повеќе последователни спроведени тестирања. (МИА)

Зидан се искачи на второто место меѓу тренерите на Реал по бројот на победи во првенството на Шпанија

Тале Кристо — Mon, 15 Jun 2020 11:43:38 +0000

Тренерот на Реал, Зинедин Зидан во синоќешниот натпревар од 28. коло од шампионатот на Шпанија против Еибар, прослави јубилеј 200. пат предводник на „кралскиот клуб“, како и искачување на второто место кај тренерите по бројот на победи. Французинот има 90 победи како предводник на Реал во првенството на Шпанија. Повеќе триумфи од Зидан има само Мигел Муноз кој го водеше тимот до успех – 257 пати. На третото место падна Лео Бенхакер со 89 победи.

ФОТО: Ова се годишните плати на тренерите, еден од нив е без конкуренција

Ивана Ефремовски — Sun, 01 Dec 2019 19:59:33 +0000

Порталот „Globe Soccer“ објави листа на најплатени тренери на светско ниво, а во пресметката земена е во предвид само годишната плата. На врвот се наоѓа разбирливо Пеп Гвардиола, кој годишно од Манчестер Сити добива 23 милиони евра. Штотуку се врати на тренерската позиција, Жозе Мурињо го завзема второто место со 17,5 милиони евра годишно од Тотенхем. На третото место е популарниот Чоло, односно Диего Симеоне кој за клупата на Атлетико Мадрид добива 15 милиони евра. Четвртото и петото место го завземаат познати имиња, кои работат во Кина. Рафа Бенитез од Далиан Јифанг добива плата од 13, 5 милиони евра, додека Фабио Канаваро, тренер на Гванжу, кој викендов ја освои шампионската титула е платен 12 милиони евра на годишно ниво. Следуваат Зинедин Зидан-Реал Мадрид (12 милиони), Антонио Конте – Интер (11 милиони), Тухел – ПСЖ (9 милиони), Валверде – Барселона (9 милиони), Клоп – Ливерпул (8 милиони).

Овие тренери не штедат: Пет од нив потрошиле најмногу пари за играчи во историјата на фудбалот

Ивана Ефремовски — Tue, 20 Aug 2019 19:03:14 +0000

Студија објавена од весникот „Сан“ открива кои тренери потрошиле најмногу пари за трансфери во историјата на фудбалот. Едвај има навивач да се изненади дека Жозе Мурињо е на прво место. Специјалниот потрошил 1,4 милијарди фунти за нови играчи во текот на неговата кариера. Тој привлекол вкупно 97 фудбалери во неговите тимови. Само тројца стручњаци направиле трансфери за над една милијарда фунти. Интересно е што првите четири места ги окупираат тренери, кои во одреден момент биле на чело на Челзи или Манчестер Сити, а тројца во топ-5 биле на чело на Реал (Мадрид). Еве ги и петте тренери, кои потрошиле најмногу пари за играчи во историјата на фудбалот: 1. Жозе Мурињо (Бенфика, Унијао Леирија, Порто, Челзи, Интер, Реал Мадрид, Манчестер Јунајтед) Потрошени 1,4 милијарди фунти за вкупно 97 играчи * Најскап трансфер: 89 милиони фунти за Пол Погба од Јувентус во Манчестер Јунајтед 2. Карло Анчелоти (Реџина, Парма, Јувентус, Милан, Челзи, ПСЖ, Реал Мадрид, Баерн, Наполи) Потрошени 1,11 милијарди фунти за вкупно 85 играчи * Најскап трансфер: 86 милиони фунти за Герет Бејл од Тотенхем во Реал (Мадрид) 3. Пеп Гвардиола (Барселона, Баерн, Манчестер Сити) Потрошени 1,03 милијарди фунти на вкупно 52 играчи * Најскап трансфер: 62,5 милиони фунти за Родри од Атлетико (Мадрид) во Манчестер Сити 4. Мануел Пелегрини (Универсидад де Чиле, Палестино, О’ Хигинс, Универдидад Католика, ЛСУ Кито, Сан Лоренцо, Ривер Плата, Виљареал, Реал (Мадрид), Малага, Манчестер Сити, Хебеј чајна Форчун, Вест Хем Потрошени 949,14 милиони фунти на вкупно 82 играчи * Најскап трансфер: 80 милиони фунти за Кристијано Роналдо од Манчестер Јунајтед во Реал (Мадрид) 5.Масимилијано Алегри (Алијанезе, СПАЛ, Гросето, Сасуоло, Каљари, Милан, Јувентус) Потрошени 914 милиони фунти на вкупно 87 играчи * Најскап трансфер: 98 милиони фунти за Кристијано Роналдо од Реал (Мадрид) во Јувентус.

Јувентус избира помеѓу тројца тренери

Дарко Андоновски — Fri, 10 May 2019 15:36:22 +0000

Маурицио Почетино, Џанпјеро Гасперини и Леонардо Жардим се тројцата тренери, чии имиња сериозно се поврзуваатсо тренерската позиција во Јувентус, објави „Ла Република“. Изданието додава дека раководството на италијанскиот шампион гледа во Почетино идеална замена за Масимилијано Алегри, за кого во последниве денови се шпекулира дека ќе си замине. Нешто повеќе – Почетино е алтернативата на Пеп Гвардиола, за кој италијанските медиуми претходно тврдеа дека го напушта Манчестер Сити за да ја преземе „Старата дама“. Аргентинецот го одведе Тотенхем до финалето во Лигата на шампионите по феноменалниот успех над Ајакс во Холандија. Од друга страна, Џанпјеро Гасперини е исто така меѓу опциите за нов тренер на Јувентус. Тренерот ја претвори Аталанта во една од најцврстите екипи во Серија „А“, откако во моментов тимот од Бергамо е во Топ 4 и ќе игра финале за Купот на Италија. Леандро Жардим пак, бил понуден на Јувентус од страна на познатиот фудбалски агент, Жорже Мендеш.

Тренерите бараат да се укине правилото „гол на гости“

Дарко Андоновски — Wed, 05 Sep 2018 13:53:58 +0000

Тренерите на најголемите европски клубови на состанокот во Нион побараа од УЕФА укинување на правилото „гол на гости“, односно предноста која ја добива екипата поради постигнатите голови на гостински терен. Тие побараа ова правило да се укине и во Лигата на шампионите и во Лига Европа.

- Тренерите сметаат дека постигнувањето голови на гости веќе не е тешко како во минатото. Тие сметаат дека тоа треба да се земе предвид и да се сменат нешата, истакна по состанокот генералниот секретар на УЕФА, Џорџо Маркети.

Правилото „гол на гости“ беше воведено во 1965 година во поранешниот Куп на победниците на куповите, а претставуваше алтернатива на фрлање паричка или играње повторен натпревар на неутрален терен. Поради неспоредливо подобрите материјални услови во однос на транспортoт и терените, според тренерите од денешен аспект ова е контрапродуктивно правило. Воедно тренерите побараа и преодниот рок во сите земји да завршува во исто време.

- Тие сметаат дека преодниот рок во сите земји треба да биде ист и да заврши пред натпреварувањата да почнат, наведе Маркети.

На состанокот во УЕФА присуствуваа Жозе Мурињо (Манчестер јунајтед), Масимилијано Алегри (Јувентус), Карло Анчелоти (Наполи), Хулен Лопетеги (Реал Мадрид), Томас Тухел (ПСЖ), поранешниот долгогодишен тренер на Арсенал, Арсен Венгер и многу други.