Игор Ангеловски ќе смета на 19 играчи, еден оди во изолација поради Ковид-19

Бошко Тасиќ — Tue, 16 Feb 2021 06:27:08 +0000

Македонскиот фудбалски селектор Игор Ангеловски повика 20 фудбалери за тренинг кампот кој ќе го одржи во наредните три дена, а во кои целта му е да пронајде нови репрезентативци кои во иднина би можеле да му се приклучат на стандардниот тим. При првата прозивка закажана сите 20 повикани играчи направиле Ковид тестови, но за жал еден бил позитивен и нема да биде дел од тренинг кампот во Скопје. Од Фудбалската Федерација на Македонија уверуваат дека сите протоколи биле испочитувани и ниту еден играч немал контакт пред да се добијат резултатите, па со исклучок на едниот играч кој оди во изолација, сите друи 19 фудбалери биле негативни. Според ова, тренинг кампот треба да продолжи со 19 играчи, а засега не се открива идентитетот на позитивниот играч кој нема да добие шанса да се докажува на закажните тренинзи, но и на контролката со Работнички која ќе се игра во среда. – На тренинг кампот повикавме 20 фудбалери. Најголемиот дел доаѓаат од клубовите од домашниот шампионат, а неколкумина од странство. Клубовите добија дозвола од ФИФА да ги задржат своите фудбалери во мартовскиот термин за репрезентативни натпревари, а тоа значи дека изборот на фудбалери ни е значително скратен, освен се разбира за оние кои ќе добијат дозвола од своите клубови. Нашата намера е евентуално да го дополниме главниот репрезентативен список со имиња на фудбалери кои ќе остават силен впечаток на тренинг кампот и на контролниот натпревар против Работнички. Се надевам дека овој тренинг камп ќе биде од корист за сите, изјави селекторот Игор Ангеловски. Повикани фудбалери: Голмани: Ристо Јанков (Работнички), Костадин Захов (Шкендија); Одбрана: Филип Најдовски (Тирана, Албанија), Томе Китановски (Македонија Ѓ.П.), Коста Манев (Академија Пандев), Есмин Личина (Македонија Ѓ.П.), Фатих Исмаили (Шкупи), Блертон Шеји (Струга Трим Љум), Ангелче Тимовски (Силекс); Среден ред: Енур Тотре (Шкендија), Ѓорги Стоилов (Академија Пандев), Марјан Радески (Академија Пандев), Матеј Цветановски (Шкупи), Агон Елези (Вараждин), Али Адем (Шкупи), Лука Станковски (Работнички); Напад: Марко Ѓорѓиевски (Раднички Пирот, Србија), Џемал Ибиши (Дубрава, Хрватска), Дашмир Елези (Шкендија), Љупчо Дориев (Шкендија),

Санчо замина со Борусија во претсезонскиот тренинг камп

Ивона Петрова — Mon, 10 Aug 2020 10:24:55 +0000

Бундеслигашот Борусија Дортмунд на официјалниот Твитер објави список на играчи кои заминаа на тренинг-кампот во Швајцарија. Во составот се наоѓа и играчот од средниот ред Џејдон Санчо, кој наскоро може да се пресели во Манчестер јунајтед. Исто така во Швајцарија отиде и 16-годишниот Џуд Белингем, кој потпиша со клубот ова лето.

тренинг камп – Kurir.mk

Игор Ангеловски ќе смета на 19 играчи, еден оди во изолација поради Ковид-19

Санчо замина со Борусија во претсезонскиот тренинг камп