тренинзи – Kurir.mk

Неколку совети како да ја зголемите физичката сила

Ристе Здравков — Thu, 16 Mar 2023 09:54:05 +0000

Кофеинот е пријател на вежбањето – за време на кревањето тегови ќе ви ја зголеми силата, прагот на болка и издржливоста на мускулите. Тренингот надвор од теретана е подеднакво важен колку и тежината што ќе ја ставите на шипка. За поголеми тежини и за подобар перформанс потребно е добро да се подготвите, а тоа може да го направите на неколку едноставни начини. Визуелизирајте Секој ден треба да издвоите 15 до 20 минути за опуштање и рамислување за тоа како на следниот тренинг ќе успеете да направите сѐ што сте зацртале. Потрудете се целите да ги визуелизирате детално, вклучете ги емоциите, мирисите и звуците: што појасно ја гледате замислата, толку пореално ќе ви изгледа. Поставете цели Поставувајте си јасни цели. Само да речете „сакам поголема физичка сила“ не е доволно специфично. Но, кревање 50 кг. од прв обид звучи доволно добро и изводливо. Потрудете се вашите цели да бидат реални и не се откажувајте. Одберете ја вистинската музика Одберете енергична музика што ве мотивира, направете плејлиста и пуштете ја на најгласно кога кревате тегови. Внесете доволно кофеин Кофеинот е одличен за тренинг, за време на кревањето тегови ќе ви ја зголеми силата, прагот на болка и издржливоста на мускулите. Идеално е да го внесете во организмот половина до еден час пред да почнете со вежбање. Добро најадете се За голема сила ви треба доволно енергија и протеини за мускулите, па потрудете се час-два пред тренингот да внесете доволно здрави јаглехидрати и протеини.

Се што ви треба за линија од соништата е ЕДНА топка: 20 минути ефективни вежби за цело тело (ВИДЕО)

Ристе Здравков — Fri, 10 Feb 2023 15:50:32 +0000

Вистинско време е да започнете со тренинзи. Пилатесот е совршен начин за активирање на сите мускули во телото. Освен добра волја, се што ви треба е мала топка за вежбање. Многу е важно сите вежби да ги правите правилно. Наскоро ќе ги видите првите резултати доколку продолжите да вежбате. Погледнете го планот за тренинг:

Тер Штеген се врати на тренинзите со тимот на Барселона

Тале Кристо — Fri, 30 Oct 2020 07:56:33 +0000

Голманот Марк-Андре тер Штеген одржа тренинг со главниот тим на Барселона, се наведува на официјалната веб-страница на клубот. Голманот не влезе на теренот откако беше поразен од Баерн во четвртфиналето од Лигата на шампионите (2:8) на 14 август. Подоцна, Тер Штеген беше опериран на коленото и сè уште не е влезен на теренот. Оваа сезона голот на Барселона го брани Бразилецот Нето.

Премиер лига: На играчите нема да им биде дозволено да прават лизгачки стартови во првата фаза од продолжувањето на тренинзите

Тале Кристо — Wed, 13 May 2020 11:50:28 +0000

На фудбалерите од клубовите во Премиер лигата ќе им биде забрането да вклизуваат во почетната фаза на продолжување на тренинзите во општата група, пренесува Би-Би-Си. Според изворот, ова ќе се стори со цел да се намали ризикот од повреда на фудбалерите по долга пауза поради пандемијата на коронавирус. Оваа ставка е вклучена во списокот на препораки што се планира да бидат воведени како дел од проектот за продолжување на сезоната 2019/20. Покрај тоа, играчите ќе поминат редовни лекарски прегледи и ќе полагаат тестови за коронавирус двапати неделно, како и да тренираат во мали групи од по пет лица. Сезоната 2019/20 година во Англија беше суспендирана на 13 март поради пандемијата на коронавирус. Претходно беше објавено дека Премиер лигата планира да ја продолжи сезоната на 12 јуни.

Скандал во НБА: Се одржуваат забранетите тренинзи

Ивана Ефремовски — Tue, 05 May 2020 07:17:21 +0000

Некои играчи од НБА спроведуваат тајни тренинзи во сали кои не ги дозволува лигата, објави „Њујорк тајмс“. Изворот се повикува на еден од кошаркарите на клуб од Западната конференција, чие име не се соопштува. Во моментов, ниту еден играч или клуб не смее да тренира во клупските бази или во која било спортска сала поради пандемијата на коронавирус. (МИА)

Јувентус започнува утре со тренинзи: Роналдо вечерва доаѓа во Торино

Тале Кристо — Mon, 04 May 2020 20:31:50 +0000

Јувентус ќе го продолжи тренинг процесот утре, по скоро два месеци пауза. По тој повод, денес првата група на играчи на клубовите од Торино ги извршија потребните лекарски прегледи и тестовите за коронавирус. Фудбалерите кои престојуваа во Италија беа првите кои пристигнаа во здравствената установа на клубот. Тоа беа: Леонардо Бонучи, Федерико Бернардески, Хуан Куадрадо, Карло Пиноглио и Арон Ремзи. Пристигнувањето на Кристијано Роналдо, кој го помина последниот период во родната Мадеира, се очекува вечерва. Од друга страна, првиот италијански клуб кој продолжи со тренинзите е Сасуоло, скоро два месеци по последниот натпревар во Серија „А“ против Бреша. Фудбалерите на Сасуоло имаат на располагање три терени за секоја група од шест играчи, со што се обезбедува минимално растојание од 20 метри за време на пвежбите. После еден час тренинг, сите играчи веднаш се вратија во своите домови да се истушираат затоа што во тренинг-кампот не им беше дозволено да пристапат до соблекувалните и во салата.

НБА лигата изготви план за продолжување на тренинзите по 8 мај

Ивона Петрова — Tue, 28 Apr 2020 06:37:00 +0000

Директорите на НБА лигата подготвија план за обнова на тренинзите на играчите по 8 мај. Датумот може да се промени во зависност од состојбата со пандемијата на коронавирус во САД и Канада. Заедничките активности на тимот ќе останат забранети, а најмногу четири кошаркари ќе имаат дозволена работа во исто време, додека одржуваат физичка дистанца. Тренерите нема да можат да присуствуваат на активности, а на играчите ќе им биде дозволено да тренираат во спортски сали на нивните клубови. Сезоната во НБА лигата беше прекината на 11 март, откако центарот на Јута, Рудо Гоберт, беше позитивен на тестирањето на коронавирус. Една недела подоцна, раководството на лигата ги затвори базите на клубовите. Сè уште не е јасно кога и дали ќе продолжи сезоната 2019/20 во најсилната кошаркарска лига на светот.

Италија одлучи: Еве кога спортистите се враќаат на тренинзи

Ивона Петрова — Mon, 27 Apr 2020 06:46:26 +0000

Премиерот на Италија, Џузепе Конте најавува дека спортистите што се занимаваат со индивидуални спортови можат да се вратат на тренинзи на 4 мај, а професионалните спортски тимови можат да продолжат со тренинзите на 18 мај. Овој потег значи дека фудбалската лига во Серија А би можела да биде продолжена во јуни. Серија А е суспендирана од 9 март, кога владата нареди затворање низ целата земја. Остануваат уште 12 кола, плус четири натпревари одложени од 25 коло. Купот на Италија беше суспендиран по првиот натпревар од полуфиналето.

НБА лигата им овозможи на клубовите од 1 мај да ги отворат центрите за тренинзи

Дарко Андоновски — Sun, 26 Apr 2020 14:19:50 +0000

Раководството на НБА лигата им овозможи на клубовите од 1 мај повторно да ги користат нивните центри за обука. Ова го објави новинарот на ЕСПН, Адријан Воинаровски, на Твитер. Клубовите лоцирани во државите кои ги намалија нивните карантински мерки поради пандемијата на коронавирус ќе можат повторно да ги користат нивните сали за тренинзи. Ваквата одлука не значи дека натпреварите во редовна сезона во НБА лигата ќе продолжат. Прашањето за рестартирање на сезоната сè уште не е решено. Во исто време, центрите за обука ќе бидат отворени само за индивидуална работа, но групните активности сè уште се забранети.

Под строги правила, Баерн Минхен ќе ги продолжи тренинзите

Тале Кристо — Sun, 05 Apr 2020 08:01:46 +0000

Фудбалерите на Баерн Минхен ќе ги продолжат тренинзите во понеделник при строга согласност со правилото за социјална дистанца, изјави „Кикер“. Баварците ќе се соберат на теренот во мали групи од 4-5 играчи и ќе започнат лесен тренинг по присилната пауза поради пандемијата од коронавирусот. Другите екипи од Бундеслигата веќе тренираа изминатава недела. Германското првенство беше суспендирано кон средината на март и во овој момент датумот за продолжување на натпреварите е 30 април, но периодот веројатно ќе биде продолжен.