Возачите на Формула 1 трепкаат на истите „безбедни“ места на патеката, покажува новото истражување

Ристе Здравков — Fri, 26 May 2023 10:43:11 +0000

Колку е важен секој момент во текот на трките и возењата при големи брзини, прилично добро покажуваат податоците од новото истражување. Трепкањето е природен и брз рефлекс кој човекот и не го забележува, но за возачите на Формула 1 кои возат со брзина поголема од 350 км/ч., едно трепкање значи губење на видикот од речиси 20 метри. Земајќи предвид дека човек просечно трепка до 30 пати во 1 минута, може да се процени дека возачот би „изгубил“ околу 595 метри визуелни информации во минута токму поради трепкањето. Меѓутоа, се чини дека Ф1 возачите трепкаат на истите делови од патеката во текот на секој круг и тоа на најмалку опасните делови за „загуба на видикот“, се наведува во извештајот на списанието „Science News“. Ова откритие го потпишува научникот Ријота Нишизоно, кој го објавил истражувањето заедно со своите колеги во Јапонија. Станува збор за поранешен професионален велосипедист кој има искуства во проценување на поврзаноста помеѓу брзината и трепкањето. Нишизоно воочил значајна празнина во литературата кога станува збор за трепкањето кај активните луѓе, и покрај тоа што во екстремни услови како трки дури и мала грешка може да доведе до животна опасност. Научникот во соработка со еден тркачки тим ги опремил кацигите на тројца возачи со тракери за очи, по што тие извозеле вкупно 304 круга на 3 патеки. Научниците воочиле дека возачите не трепкале додека ја менувале брзината или правецот, но тоа го правеле на релативно „безбедните“ рамни делови од патеката. Џонатан Матис, научник од Универзитетот Нортистерн во Бостон, кој ги проучува човечките движења и кој не бил вклучен во истражувањето, рекол дека тоа овозможува некои клучни увиди во човечкото однесување. „Луѓето не го сметаат трепкањето за нешто посебно, но тоа не е само „бришење“ на очите туку и е дел од нашиот визуелен систем“, изјавил Матис.

ТРЕПКАЈТЕ ПОВЕЌЕ! Експертите ја препорачуваат ОВАА ВЕЖБА за здравје на очите – спасете го видот на време!

Ристе Здравков — Fri, 15 Jul 2022 15:37:01 +0000

За да го подобрите здравјето на очите, треба да правите одредена вежба секој ден Трепкањето е нешто што го правиме без размислување. Сепак, она што можеби не го сфаќате е дека честото трепкање е од витално значење за здравјето на очите, па дури и може да помогне да се забави стареењето на очите. Всушност, ризикот од очни болести – без разлика дали се работи за глауком, макуларна дегенерација или катаракта – се зголемува како што старееме. За да ги одржуваме нашите очи во одлична форма, заштитени и целосно хидрирани бара трепкање, но можеби тоа не го правите доволно. Д-р Шејн Канар од All About Vision ја препорачува оваа вежба со трепкање за да избегнете суви очи, напрегање на очите, па дури и заматен вид: – Затворете ги двете очи нормално, паузирајте неколку секунди, а потоа отворете. Повторно затворете ги очите нормално, паузирајте две секунди, потоа затворете ги очните капаци две секунди и отворете ги очите. Потоа ова повторете го неколку пати на ден. Шејн исто така препорачува чести паузи од екранот од истите причини. Тој предлага да го следите ова правило: на секои 20 минути, гледајте нешто оддалечено 20 метри на 20 секунди. Тоа треба да им даде на вашите очи многу потребен одмор. Од витално значење е, истакнува Шејн, да се „носат поларизирани очила за сонце“, кои треба да ги носат и децата. – Многу штетни ефекти од УВ зрачењето се појавуваат подоцна во животот, а се резултат на изложеност во детството. Исто така, сакате вашето ниво на лутеин да биде добро, што е еден од двата клучни каротеноиди кои се наоѓаат во окото.

трепкање – Kurir.mk

Возачите на Формула 1 трепкаат на истите „безбедни“ места на патеката, покажува новото истражување

ТРЕПКАЈТЕ ПОВЕЌЕ! Експертите ја препорачуваат ОВАА ВЕЖБА за здравје на очите – спасете го видот на време!