трет пат – Kurir.mk

ПЕКОЛНАТА БОЛЕСТ И СЕ ВРАЌА ТРЕТ ПАТ – овој пат на српската пејачка и го отстранија овој дел од телото, се надевам трајно ќе ја победам болеста! (ФОТО)

Дарко Андоновски — Thu, 15 Dec 2022 10:04:41 +0000

Победничката на музичкото шоу „Никогаш не е доцна“, Бојана Бајрактаревиќ по трет пат има рак на дојката. Пејачката која ја воодушеви публиката уште од самото свое појавување во јавноста, се прослави во музичкото шоу „Никогаш не е доцна“ каде освои дури три награди во минатото. Таа некое време се бори со пеколната болест, која дури два пати ја победила, пренесуваат српските медиуми. Пејачката во овие моменти го завршила и процесот на хемотерапија (операција за отстранување на дојката), а понекогаш ова значи и отстранување на други ткива кои се наоѓаат во близина на дојката, како што се лимфни чворови и слично. -Вистина е, по трет пат имам рак на дојката. Откако ми направија отстранување на дојката, сега следува циклус на зрачење, значи се е исто како и минатиот пат. Секако не се предавам, се борам и одам понатаму. Се надевам дека овој пат трајно ќе успеам да ја победам болеста и дека лекувањето ќе даде резултат, вели Бојана. Инаку таа во меѓувреме додека одеше на лекување имаше и свои настапи подеднакво како и кога беше здрава.

ПОПУЛАРНАТА ТУРСКА ДВОЈКА ПО ТРЕТ ПАТ ЌЕ СТАНАТ РОДИТЕЛИ: За откривање на полот на бебето направија забава, а на Шехерезад и се исполни желбата (ФОТО)

Тале Кристо — Sun, 20 Jun 2021 17:27:05 +0000

Актерката Бергузар Корел, попозната како Шехерезад и нејзиниот колега и сопруг Халит Ергенч, кој го паметиме како Сулејман Величествениот, ќе станат родители по трет пат. Додека турските медиуми пишуваа дека бракот на актерската двојка е во криза, и дека тие се разведуваат, тие очекуваат принова. Шехерезада и Сулејман неодамна ја споделија среќната вест преку Инстаграм, а сега го открија и полот на бебето. Актерката организираше забава за откривање полот, па открија дека очекува девојче.

View this post on Instagram

A post shared by Berguzar Korel (@berguzarkorel)

Шехерезада објави фотографија од торта со украс во облик на бебе со розов венец, и призна дека „Господ знае колку го сакаше тоа“. Бергузар и Халит веќе ги имаат синовите Али и Хан. Двојката се венча во 2009 година и иако денес живеат во идила, нивниот брак беше проследен со неколку скандали поради наводните jeубоморни испади на актерката.

Трипуновски: Владата трет пат по ред ги лаже тутунарите и нема решение, а штетите кои ќе бидат причинети се околу 30 милиони евра

Тале Кристо — Mon, 21 Dec 2020 11:01:36 +0000

Владата трет пат по ред ги лаже тутунарите. Толку многу ги измешаа лончињата со откупот на тутунот, што сега не можат да најдат појдовна точка за решение, реагира Цветан Трипуновски од ВМРО-ДПМНЕ. Околу 25 милиони килограми тутун се цени за две класи пониско и дополнително имаме окулу 3 000 тони тутун за кои тутунарите немаат договори, ова е катастрофално и владата за ова се уште нема решение. Штетите кои од ова ќе бидат причинети се околу 30 милиони евра. 30 милиони евра од џебот на тутунарите во џебот на Заев. И додека тутунарите одат по прилепските улици барајќи откуп и нормална цена, некој си носи буџет и се расфрла со милиони кои народот ги заработил, за да може тој да глуми шеф на влада. Никаде ги нема Заев, Николовски и Димковски да излезат и да им помогнат на тутунарите, седат на топло во влада и држат празни пресконференции, како сме имале инвестиции, како се помагало, колку бил животот подобар. Излезете бе меѓу луѓето да видите колку е подобар, да беше подобар немаше да имаме илјадници тутунарите сред зиме по прилепски улици. Срам да ви е! Не е решение празна демагогија, една година кажуваме дека мора да се седне со откупувачите и да се среди проблемот кој се наѕираше уште од пролета. Но вие ништо не направивте. Затоа пак ќе речам, седнувајте и наоѓајте решение, да не се случи тутунарите без пари да ја поминат зимата, ограбени и разочарани, пишува во својата објава на Фејсбук Трипуновски.

Италијанка третпат заразена со коронавирус

Магдалена Андонова — Tue, 25 Aug 2020 12:28:08 +0000

Италијанка од Ломбардија за време на летниот годишен одмор на островот Сардинија открила дека третпат се заразила со вирусот Ковид-19. Италијанката, која била на одмор во градот Тертенија на Сардинија, поради други здравствени причини отишла во болница каде што открила дека е повторно позитивна на Ковид-19. Како што пренесуваат италијанските медиуми, таа претходно во два наврати била во болница поради вирусот, по што била излекувана, односно имала негативни резултати од тестот за коронавирус. Сега е хоспитализирана во градот Ланузеи. Според соопштението од локалните власти, пациентката ќе биде повторно тестирана, а според „антиковид“ протоколот, нејзините контакти ќе се следат за да се утврди дали има други заразени. (МИА)

Шпанија по третпат ги продолжува рестриктивните мерки

Тале Кристо — Sun, 19 Apr 2020 06:55:30 +0000

Шпанскиот премиер Педро Санчез изјави дека ќе му предложи на Парламентот да одобри трето 15-дневно продолжување на рестриктивните мерки со цел запирање на ширењето на пандемијата на новиот коронавирус. Според предлогот, рестриктивните мерки треба да бидат во сила до 9 мај. Санчез додаде дека сака ограничувањата за најмладите да бидат олеснети, така што од 27 април на децата ќе им биде дозволено да излегуваат надвор, но „со ограничувања и под услови што овозможуваат да се избегне зараза“. Шпанија започна да ги олеснува ограничувањата што ги воведе на 14 март со активирање на некои економски сектори, вклучително и производството. Сепак, мнозинството граѓани се уште се наоѓаат во своите домови, а можат да излезат надвор само за итна потреба – до продавница или аптека и лекар.