трета доза на вакцина – Kurir.mk

Беким Сали утре ќе се вакцинира со трета доза на вакцина против коронавирусот

Дарко Андоновски — Thu, 27 Jan 2022 14:35:51 +0000

Министерот за здравство, д-р Беким Сали утре (петок, 28.01) во 13 часот ќе се вакцинира со трета доза вакцина против коронавирус, во рамки на заедничката акција со студентите на Медицински, Стоматолошки и Фармацевтски факултет. Станува збор за иницијатива на студентите од овие факултети, во насока на промоција на имунизацијата како најдобра јавноздравствена превентивна мерка. Настанот ќе се одржи во просториите на Економски факултет при УКИМ, со почеток во 13 часот.

Пендаровски прими трета доза вакцина против КОВИД-19

Дарко Андоновски — Sat, 11 Dec 2021 09:40:55 +0000

Претседателот Стево Пендаровски денеска, заедно со вработените во Кабинетот ја примија третата доза вакцина против коронавирусот. -Да бидеме одговорни, да го заштитиме своето здравје и здравјето на другите, пишува Пендаровски на својот фејсбук-профил. Тој додава дека масовната вакцинација е најсигурен и најбезбеден начин за справување со КОВИД-19.

Комисија на ФДА препорача трета доза вакцина за постари лица и изложени на ризик

Дарко Андоновски — Sat, 18 Sep 2021 07:51:31 +0000

Независната советодавна комисија на американската Управа за храна и лекови (ФДА) изгласа препорака за трета доза на вакцина против Ковид -19 за Американци на возраст од 65 години и постари, како и за лица со висок ризик од тешки болести, откако со големо мнозинство е одбиена препораката за нејзина поширока примена. Комисијата, исто така, препорача ФДА да ги вклучи во одлуката здравствените работници и другите луѓе со висок ризик од професионална изложеност на коронавирусот, како на пример просветните работници. – Ова е важен чекор напред во обезбедувањето подобра заштита на Американците од Ковид-19. Подготвени сме да им обезбедиме дополнителни дози на оние кои ги исполнуваат условите, кога процесот ќе заврши кон крајот на следната недела, соопшти Белата куќа Се очекува ФДА наскоро да донесе одлука за трета доза на вакцината, што не е поврзано со препораката на советодавната комисија, но ја зема предвид. Научната заедница во САД во изминатите денови е поделена околу потребата за трета доза и околу прашањето кој треба да ја прима, додека Светската здравствена организација не се согласува богатите земји да им даваат трета доза на своите жители, додека сиромашните држави немаат доволно вакцини ниту за прва доза.

СЗО и ФДА: Трета доза вакцина против Ковид засега не е оправдана

Ивана Ефремовски — Mon, 13 Sep 2021 17:16:47 +0000

Администрацијата на дополнителни дози на вакцина против Ковид-19 за целата популација засега не е оправдана, оценија во понеделникот експерти од СЗО и американската агенција за лекови ФДА. -Вакцините, кои ги има во ограничени количини, ќе спасат најмногу животи ако се дадат на луѓе со висок ризик од тежок облик на Ковид и кои се уште не се вакцинирани, пишуваат експерти во британското медицинско списание „Лансет“. -Актуелните податоци не покажуваат потреба од повторно вакцинирање на целата популација, каде што ефикасноста против тешките форми сè уште е висока, истакнува групата меѓународни експерти, која вклучува експерти од Светската здравствена организација и ФДА, како и неколку истражувачки организации од целиот свет. Можноста за дополнителна, најчесто трета доза за целата популација е предмет на жестока дебата. Експертите чија статија беше објавена во Лансет, сметаат дека дека, дури и ако нивото на антитела се намали со текот на времето кај вакцинираните луѓе, тоа не значи дека вакцините се помалку ефикасни против тешки форми на болеста. Тие нагласуваат уште еден вид на имунолошкиот одговор, клеточен имунитет, што е потешко да се измери. Покрај тоа, тие препорачуваат развој на дополнителни вакцини специјално дизајнирани за отпорни варијанти што може да се појават во иднина, наместо да се даваат дополнителни дози од постоечките вакцини. (МИА)

Од глава до пети цела во црно – српската пејачка во „опасно“ мини здолниште ја прими третата доза во друштво на градоначалникот на Белград

Дарко Андоновски — Fri, 27 Aug 2021 08:49:01 +0000

Српската пејачка Наташа Беквалац утрово на белградскиот саем каде 20 минути доцнеше ја прими третата доза против коронавирусот. Таа целото време беше пратена од градоначалникот на Белград Горан Васиќ со кого цело време се смееја пред камерите. Беквалац се појави во црно од глава до пети, а на себе носеше мини здолниште и високи црни штикли. Штом ја прими и третата доза од вакцината која се нарекува „бустер“ таа одвои време за медиумите и беше позитивна цело време.

Од денеска во Србија достапна трета доза вакцина против Ковид-19

Дарко Андоновски — Tue, 17 Aug 2021 07:47:01 +0000

Третата доза вакцини против Ковид-19 од денеска ќе биде достапна во Србија. Српската влада објави постапка за примање на третата доза, а граѓаните може да изберат која вакцина сакаат да ја примат. „По 180 дена од примањето на втората доза, сите вакцинирани граѓани ќе можат да ја добијат третата (бустер) доза, и ќе бидат поканети преку СМС и е-пошта со линк што ќе ги одведе до порталот за е-управа, каде ќе добијат подетални информации “. „Таму, ќе можат сами да видат дали припаѓаат на категориите на населението на кои им се препорачува да ја примат третата доза на вакцината“, се наведува во соопштението на Владата на Србија. Се додава дека, без оглед дали припаѓаат на групите за кои се препорачува третата доза, секој може да добие дополнителна доза по желба, шест месеци од примена втора доза и по добивање на повик од е-Управа. Според последните податоци, седум лица починале во Србија во последните 24 часа, а евидентирани се 1.288 нови случаи на инфекција. Од почетокот на епидемијата, официјално се потврдени 733.332 случаи на коронавирус, а 7.174 луѓе починале, според податоците од страницата covid19.rs. Во моментов има 868 луѓе во болниците и 26 пациенти со Ковид-19 на респиратор. Лекарите наведуваат дека Србија влегла во нов бран на епидемијата и дека болниците се полнат, и предлагаат заострување на веќе постоечките мерки.

Макрон: Трета доза од вакцина против Ковид-19 е потребна за повозрасни лица и ранливи групи

Дарко Андоновски — Thu, 05 Aug 2021 13:50:23 +0000

Францускиот претседател Емануел Макрон денеска најави дека на ранливите групи и повозрасните луѓе најверојатно ќе им треба трета доза на вакцина против Ковид-19, со што Париз и Берлин не се откажуваат од довакцинација и покрај предупредувањето од Светската здравствена организација. – Веројатно ќе биде потребна трета доза, но не за сите веднаш, туку во секој случај за најранливите и највозрасните, изјави Макрон. Неговата Влада се обидува да ја забрза програмата за вакцинација во Франција, бидејќи земјата се соочува со четвртиот бран на коронавирус и со улични протести против политиката за справување со Ковид-19. Шефот на Светската здравствена организација (СЗО), Тедрос Аданом Гебрејесус вчера повика да се почека со довакцинација барем до крајот на септември. Германија и Франција ќе продолжат со довакцинирање на населението од септември, игнорирајќи го повикот на СЗО да почекаат додека не се вакцинираат повеќе луѓе во светот. Франција и Германија досега вакцинирале 64,5 проценти, односно 62 отсто од населението со барем една доза, додека 49 проценти од Французите и 53 отсто од Германците се ревакцинирани.