трета доза вакцина – Kurir.mk

ЕМА: Третата доза на вакцината против Ковид-19 е „безбедна и ефикасна“ три месеци по ревакцинацијата

Дарко Андоновски — Thu, 09 Dec 2021 16:05:07 +0000

Европската агенција за лекови (EMA) денеска соопшти дека е „безбедно и ефикасно“ да се примат засилувачки дози на вакцините против Ковид-19 три месеци по втората доза. Тој период е намален на три месеци наспроти преходните најави за шест месеци по ревакцинацијата. – Податоците што моментално се достапни поддржуваат сигурна и ефикасно аплицирање на засилувачка доза три месеци од завршувањето на примарната вакцинација, изјави шефот за стратегијата за вакцини во ЕМА, Марко Кавалери.

НБА препорача трета доза од вакцината против Ковид-19

Дарко Андоновски — Mon, 08 Nov 2021 16:20:02 +0000

Кошаркарската НБА лига им препорача на играчите, тренерите и судиите да примат трета, бустер, доза од вакцината против Ковид-19 со посебна итност за оние, кои примиле еднократна доза од производителот Џонсон и Џонсон. Раководството на Лигата и Националната асоцијација на кошаркари, работејќи заедно врз основа на препораките на експертите за јавно здравје и заразни болести на НБА, соопштија дека оние, кои ја примиле вакцината Џонсон и Џонсон пред повеќе од два месеци треба да примат бустер доза. Дополнителна препорака, исто така, е дадена и за оние, кои се вакцинирале со Фајзер и Модерна пред најмалку шест месеци.

Од утре почнува вакцинацијата со трета доза против коронавирус, еве кои лица можат да се вакцинираат

Ивана Ефремовски — Sun, 26 Sep 2021 11:53:20 +0000

Граѓаните над 60 години, здравствените работници и лица со имунолошки болести со потврда од утре ќе можат да примат трета доза вакцина против ковид -19, потврди денеска министерот за здравство Венко Филипче. Тој посочи дека процесот на скрининг во училиштата ќе почне најверојатно за две недели. -Граѓаните над 60 години согласно временскиот период после примената втора доза на вакцина ќе добијат порака да се вакцинираат, притоа таа порака ќе биде потсетување во смисла дека нема посебен термин или пункт, може да одат каде било најблиску до местото на живеење. И понатаму ќе функционира пунктот во салата „Борис Трајковски“, во сите други поликлиники тука во Скопје и ширум државата, рече Филипче. Одговарајќи на новинарско прашање, за скринингот во училиштата министерот Филипче рече дека најверојатно ќе започне за две недели. -Ќе започнеме со обезбедување согласност од родителите и понатаму ќе ја презентираме и методологијата. Јас верувам дека припремата во текот на следнава недела ќе заврши и дека од таа недела потоа ќе го започнеме процесот на тестирање. Сакам да кажам дека целта е да се откријат евентуални асимптоматски носители на вирусот, знаејќи дека децата се најчестите асимптоматски преносители на вирусот, рече Филипче, кој денеска ја поддржа кампањата „Напред розово“. (МИА)