третман – Kurir.mk

Белгиски лекари пронајдоа нов третман за срцеви болести

Магдалена Андонова — Wed, 31 Aug 2022 08:26:30 +0000

Во Универзитетските клиники Сен Лук во Брисел за првпат е извршена интервенција со катетер врз трилистниот залисток на срцето, јавува дописничката на МИА од Брисел. Ова го соопштија денеска од универзитетската болница во Белгија. Лекарите успеале да заменат трилистен залисток на срцето на пациент со катетер за првпат во светот. Овој третман значи нова надеж за пациентите кои се премногу слаби и кревки за да претрпат хируршка интервенција, а не реагираат на медикаментозната терапија. Трилистниот залисток е еден од четирите залистоци на срцето, а кога тој лошо функционира може да доведе до сериозни срцеви проблеми, и досега заболените се третираа само со хируршка интервенција или со лекови. Интервенцијата е извршена на 22 август, јавува белгиската новинска агенција Белга, врз 84-годишна пациентка без отворање на тораксот, туку со катетер преку препоните до срцето. Пациентката е дома, во добра состојба, соопштија од болницата.(МИА)

ЧИНИ 0 ДЕНАРИ: Трик на Ирина Шајк за совршен тен – темните кругови и отокот исчезнуваат за рекордно време

Магдалена Андонова — Fri, 18 Mar 2022 14:34:54 +0000

Третманот за лице со мраз е еден од омилените на познатите дами, а меѓу нив е и Ирина Шајк. Имено, се работи за едноставен процес на ставање мраз на лицето со раце или со помош на помагала. Оние кои го пробале велат дека е одличен и кога станува збор за смирување на воспалителните процеси. „Глаз на лицето“, односно третманот на ладење на кожата со мраз, станува се попопуларен меѓу инфлуенсерите. Благодарение на овој трик, отокот од лицето и темните кругови исчезнуваат за рекордно време. Покрај тоа, масажата ја стимулира циркулацијата, па тенот изгледа многу подобро. Исто така, добро е познато дека масажата е одлична за превенција од брчки. - Кога сум уморна или кога се будам со отечени очи, најдобар начин да го елиминирам тој проблем е да масирам со коцки мраз. Овој трик го научив од мајка ми и навистина функционира, рекла Ирина во една прилика. ШТО Е ТОА? Секако, ова не е ново откритие, но експертите, како Кендис Марино, која се грижи за изгледот на многу ѕвезди, ќе ве советува да го испробате овој третман и да го вклучите во секојдневната рутина за нега. - Ова е стар трик и со години им зборувам на луѓето, па ако имате мозолчиња, не стискајте ги, туку ставете мраз врз нив. За ова зборуваат многу професионалци, како и многу љубители на убавината. Како што сега можеме да дознаеме повеќе за тоа преку социјалните мрежи, сите знаеме дека е многу забавно, но и релаксирачко, додаде Марино и објасни дека нема докази дека овој третман наеднаш станал популарен, само што сега повеќе луѓе знаат за него. Иако не е многу покомплицирано од потопување на лицето во мраз, тоа не е таква постапка. Никол Керолин, експерт за естетски третмани, советува со рацете да го нанесувате мразот директно на лицето. Што ви е потребно за овој третман? Сè што ви треба за оваа рутина е една алатка. Доколку не сакате да ставате мраз на лицето со раце, на пазарот има некои препарати кои можете да ги користите. Така, можете да ставите популарен ролер за лице во замрзнувач 20 минути и да го користите. Ако користите мраз, можете да очекувате да се стопи, а со помош на валјак ќе го избегнете тоа. Козметичарот смета дека овој домашен третман е подостапна верзија на криотерапија, третман кој може да чини многу и трае околу 30 минути, а доколку сами ќе правите третман со мраз, треба да го држите на лицето околу 30 секунди.. Мразот можете да го користите наутро, но и кога сакате. КОИ СЕ ПРИДОБИВКИТЕ ОД ОВОЈ ТРЕТМАН? Нема доволно студии за да се потврдат придобивките, но многумина кои го пробале велат дека навистина делува. ГО НАМАЛУВА отокот Ако имате проблем со темни кругови или лицето е отечено, мразот ќе ви помогне. Ако се работи за последиците од алергиите, Марино смета дека е подобро да се користи ролер кој секогаш мора да биде чист. КОЖАТА НА ЛИЦЕТО ЌЕ БИДЕ ПОСЈАЈНА Премногу топлина може да доведе до изгореници и флеки, а знаеме дека прекумерното изложување на сонце може да предизвика рак на кожата. Природен сјај на кожата можете да постигнете со користење на мраз, но можете и да ја смирите кожата после сончање. Со тоа секако ќе ве разлади. НЕ КОРИСТЕТЕ МРАЗ НА ЛИЦЕТО ПО ТРЕТМАНИ Експертот советува да се консултирате со лекар или козметичар пред да ставите мраз на лицето доколку неодамна сте имале ласерска операција, хемиски пилинг или пластична операција. Кожата прво треба сама да заздрави.

Мало невнимание на Цеца ја разбуди фантазијата на фановите: Пејачката ја покажа долната облека на себе (ФОТО)

Ивана Ефремовски — Fri, 30 Jul 2021 07:23:09 +0000

Балканската sвезда Светлана Цеца Ражнатовиќ беше на третман во еден салон, па со објавата од таму ја разбуди фантазијата на многумина. Имено, Цеца снимала додека третманот бил во тек, а потоа камерата отиде малку нагоре. Ражнатовиќ носеше памучна долна облека од популарна марка која ја обожаваат милиони млади девојки. Пејачката можеби не планирала да ги покаже гаќичките, но мало невнимание беше доволно.

Медот може сериозно да им наштети на овие луѓе

Ивана Ефремовски — Sun, 03 Jan 2021 16:45:41 +0000

Медот е една од намирниците која често се наоѓа во бројните домашни рецепти за нега. „Златниот нектар“ благотворно делува врз организмот, штити од настинки, го зајакнува имунитетот, го помага варењето, но дали е паметно да се нанесува на лицето? Медот често се користи во маските за лице бидејќи ја хидрира кожата. Медот и неговите деривати – саќето и прополисот – навистина широко се користат во козметиката и нудат помош за сувата и оштетена кожа. Меѓутоа, постои еден проблем – оваа намирница се смета за алерген поради што не се препорачува на сите. „Медот е контраиндициран за астматичарите и тие никако не смеат да го користат во превенција од настинки и други воспалителни процеси“, објаснува руската козметичарка Венера Кајрединова. „Надворешната употреба на медот не е ништо помалку безбедна – секако, ако зборуваме за природната козметика или домашните рецепти. Нанесувањето на кожата може да доведе до сериозни алергии, дури и ако претходно не сте ги имале. Црвени флеки, перутање и осип се некои од проблемите кои медот може да ги предизвика, што е знак дека секако треба да се откажете од третманот“, додава таа.

ФОТО: Убавата Ева на морбиден третман за убавина (16+)

Курир — Sat, 14 Nov 2020 17:16:20 +0000

Можеби е против одење под нож, но актерката Ева Мендез секако се грижи за својот изглед и за одржување на младоста. Затоа таа сега се подвргнала на морбиден и навидум болен третман за убавина, кој од неодамна залуде многу славни дами. Актерката со нова фотографија на својот Инстаграм профил покажа како ја одржува младоликоста на своето лице. Имено, таа открила дека веќе некое време ја посетува својата омилена спа-оаза, која и овозможува и бројни третмани за убавина. Еден од нив, крајно болен на прв поглед, овој пат го испробала и Ева. „Ова е моето омилено место за убавина каде што ги правам сите третмани. Ова е место каде можете да се опуштите далеку од дома, додека козметичарите ве мачат со третмани. Моето среќно место. Пробав третман со мезонит. Бог да ми помогне! Ќе ве известам за резултатите“, напиша актерката под фотографијата.

View this post on Instagram

A post shared by Eva Mendes (@evamendes)

Станува збор за методот мезонит, неоперативен лифтинг на лицето. Овој метод користи специјално дизајнирани разградливи влакна за подигнување, подмладување и затегнување на кожата. Мезонитите се воведуваат под кожата со помош на игли каде се гради мрежа на влакна, на која организмот создава нов колаген. Мезонитите се наоѓаат на врвот на иглата. По вметнувањето на иглата, конецот останува под кожата и иглата се отстранува. Влакната, пак, целосно се распаѓаат за околу шест месеци. Да потсетиме, актерката годинава го прослави својот 46-ти роденден. Иако се приближува до петтата деценија од својот живот, таа сепак е една од најпосакуваните славни дами.

Европската агенција за лекови го препорача „ремдесивир“ за третман на коронавирус

Тале Кристо — Thu, 25 Jun 2020 15:46:03 +0000

Европската агенција за лекови (ЕМА) условно го одобри користењето на антивирусниот лек „ремдесивир“ од калифорнискиот фармацевтски производител „Гилеад“ за пациенти заразени со Ковид-19, што е првиот лек што добил препорака. Европскиот регулатор денеска објави дека нејзиниот одбор препорача употреба на лекот „ремдесивир“ кај возрасни лица и деца на возраст од 12 години, дијагностицирани со пневмонија за чие лекување е потребен внес на кислород. Цената на лекот во Европа сè уште не е позната. Во САД „ремдесивир“ би можел да чини и до 5.080 долари за третман, а генерички лек од индиски производител може да се продава од 66,13 до 79,35 долари. Условното зелено светло на ЕМА значи дека лекарите можат да препишат „ремдесивир“, кој во Европа ќе се вика „веклури“ кога ќе биде одобрен од Европската комисија. Условното одобрение за продажба во Европската унија дозволува терапијата да се продава кога се достапни сите податоци за дејството на лекот и неговите несакани ефекти. „Гилеад“ мора да ги достави конечните податоци до декември. Како што пренесуваат странските агенции, побарувачката за лекот се зголеми, бидејќи се покажа како ветувачки лек во клиничките испитувања. Студијата спроведена од ЕМА покажа дека пациентите со Ковид-19 се опоравуваат во просек четири дена побрзо од другите пациенти. Првично развиен како лек против хеморагична треска од ебола, „ремдесивир“ од лабораторијата на американскиот производител „Гилеад“ е првата терапија која покажа одредена ефикасност кај хоспитализирани пациенти со Ковид-19. „Гилеад“ очекува да произведе повеќе од два милиона дози до крајот на годината, двојно повеќе од првичната цел. Исто така, планира да започне поедноставни форми за примена, како инхалатор во споредба со интравенската. „Ремдесивир“ веќе е одобрен за итна употреба кај неколку тешко болни пациенти во САД, Индија и Јужна Кореја, а конечно одобрение дадоа и јапонските власти.

ФОТО: Лидија Вукичевиќ легна на кревет за масажа, мажите не знаеа каде попрво да гледаат

Ристе Здравков — Thu, 21 May 2020 13:06:29 +0000

Лидија Вукичевиќ иако длабоко гази во шестата деценија од животот, се’ уште важи за една од најубавите актерки, а својата завидна фигура редовно ја споделува преку провокативни фотографии со своите следбеници на Инстаграм. Овој пат, Лидија навистина отиде чекор подалеку. Иако до сега ја видовме во различни изданија што предизвикуваат, ваков празник за машките очи никогаш до сега не приуштила. Имено сексапилната актерка соблекла се’ од себе и останала целосно гола, а својата раскошна задница ја покрила само со едно мало пешкирче. Актерката решила да си дозволи естетски третман со кој ќе го дообликува нејзиното тело, па нема сомнение дека на мажите најмногу им се допадна оваа лежечка поза. Еротски призор, во каков што Лидија до сега ја немаме видено… Не барем јавно, па дури не и во некоја послободна филмска сцена.

Белгиски научници се поблиску до третман за коронавирусот

Тале Кристо — Sat, 14 Mar 2020 10:08:32 +0000

Екипи на универзитетот во Гент и Институтот за биотехнологија се приближуваат кон третман за коронавирусот, објавија медиумите во Белгија. Не станува збор за вакцина, бидејќи третманот не предизвикува имунолошка реакција, туку за техника која користи антитело со кое се оневозможува да делува протеинот на површината на вирусот, и со тоа се спречува вирусот да се закачи за човечките ќелии. Тимовите работат заедно со други истражувачи низ светот на овој нов третман и сметаат дека значајно се приближуваат кон убедливи резултати. Третманот би бил побрзо ефикасен отколку обична вакцина, што би им овозможило на лекарите и медицинските работници побрзо да се вратат на работа. Притоа, објаснуваат истражувачките тимови, постарите пациенти се помалку респонзивни на вакцини, а коронавирусот е најопасен токму за овие лица. Според достапните информации, тимот е сега во фаза на неутрализација на лабораториска варијанта на Ковид-10, следниот чекор е да се испитува врз жив примерок. – Важно е да истакнеме дека ни е потребна потврда на нашите резултати користејќи го вирусот кој ја предизвикува епидемијата, изјави професорот Ксавие Саленс, вирологот кој го предводи тимот. Наскоро се очекува да започнат ин-витро тестирања со вистинскиот Ковид-19 во заштитена лабораторија во градот Лувен. Тимот добил и финансиска поддршка од Фондацијата Бил и Мелинда Гејтс.

Михаил Шумахер во болница на тајни третмани

Ивона Петрова — Tue, 10 Sep 2019 07:05:50 +0000

Поранешниот шампион во Формула 1, Михаил Шумахер од вчера се наоѓа во болница во Париз. Според пишувањата на француските медиуми, тој е во оделот за кардиохирургија, а третманот кој ќе му биде извршен е таен. Во јануари годинава Михаил наполни 50 години, а не е виден во јавноста по неговата несреќа на Алпите пред пет години. Шумахер тогаш заработи тешки повреди на главата удирајќи во карпа, по што неколку месеци беше во кома. Изминативе години, не се познати многу детали околу неговата здравствена состојба и заздравувањето, а во јануари неговото семејство само кратко изјави дека тој е во најдобрите раце.

Ригорозен третман за дебели полицајци

Дарко Андоновски — Sun, 21 Jul 2019 09:10:45 +0000

На педесетмина индонезиски полицајци во провинцијата Источна Јава им е наредено да почнат со напорна програма за слабеење, бидејќи се премногу дебели и не можат да бидат ефикасни во својата работа, соопшти полицијата. Службениците со вишок килограми две недели ќе трчаат, пливаат и ќе вежбаат аеробик во полициската школа во Мојокерт, истакна портпаролот на полицијата, Франс Барунг Мангера. – Сакаме брзо да се движат додека ја извршуваат својата должност, изјави Мангера. Тој нагласи дека тие ќе одат на психолошки советувања и ќе јадат посебни оброци кои ќе им ги подготват нутриционисти.