трева – Kurir.mk

Нега на тревникот во пролет: Совети за густа, убава и светло зелена трева

Магдалена Андонова — Tue, 10 May 2022 13:50:24 +0000

Најубавата декорација на секоја градина е прекрасен тревник. Негувани, светли бои, привлекуваaт внимание и не ги остава рамнодушни ниту оние кои не се посебни љубители на градинарството. Сеењето трева и одржувањето на тревникот навистина не мора да биде комплицирана или премногу напорна или предизвикувачка задача. Сепак, тоа значи дека имате основно знаење и ги знаете триковите кои ви помагаат да ја засадите тревата на вистински начин, а потоа да ја одржувате здрава и убава. Ако го немате идеалниот тревник за кој сте сонувале, не грижете се. Со едноставни чекори ќе можете да уживате во нејзината убавина. Наводнување Наводнувањето треба да се врши редовно, односно секој ден и да не се дозволува површинскиот слој на почвата да се исуши. Кога тревата ќе се вкорени, наводнувањето може да биде поретко. Но, за да биде тревникот секогаш убав, потребно е постојано да се полева, а најдобро е да набавите прскалки, односно прскалки кои се закачуваат за цревото и кои ќе ви заштедат време околу посетата на сите делови од тревникот. Оплодување За подобар раст и подобра боја на тревата, пожелно е да се оплоди тревникот. Ова треба да се прави на секои четири до пет недели, со ѓубриво што содржи азот, фосфор и калиум. Колку често треба да се коси тревникот? Косењето трева е работа што треба да ја работите по потреба, кога тревата ќе порасне до висина од околу седум сантиметри. Ова обично значи косење двапати неделно во текот на пролетта и двапати месечно во текот на летните месеци. Шеќерен трик Белиот шеќер поволно делува на изгледот на тревата, бидејќи со неа се хранат бактериите и инсектите, па тревата останува неоштетена. Шеќерот ја зајакнува тревата и го спречува растот на плевелот, но нема да ги уништи микроорганизмите кои ја збогатуваат почвата. Постапката е како што следува: Рамномерно распоредете го шеќерот по целиот тревник, а потоа добро наводнете го. Повторете ја оваа постапка еднаш во пролет и еднаш во есен.

Време е да си засадите велигденска трева: Постапката е лесна, а резултатот прекрасен

Ивана Ефремовски — Tue, 16 Mar 2021 20:31:00 +0000

Една рака пченица, малку земја и декоративна саксија и имате сè за убаво декоративно жито кое ќе биде бујно до Велигден Ако сакате да имате убаво велигденско жито, односно бујна зелена трева, деновиве треба да се зафатите со садење на пченица. Првите денови од велигденските пости е вистинското време таа да се засади ако сакаме да имаме богата декорација на велигденските празници. Се разбира, дека можете и да ја купите готова во цвеќарниците, но задоволството е големо ако самите ја одгледате, особено што таа не бара голем напор и особено внимание. Купете малку пченица, буквално една рака, килограм хумусна земја и една саксија која планирате да ви биде централен украс на масата. Најдобро е да биде не многу длабока, но секако поширока. Во плитката саксија ставете малку земја, па на неа наредете ја пченицата која преку ноќ треба да биде потопена во вода. Одозгора покријте со уште малку земја. Секојдневно со спреј намокрувајте со вода која е на собна температура. Внимавајте додека ја садите да не ставате зрна пченица покрај рабовите на садот зошто на пченицата и треба простор за да изрти. Нека биде празен простор од околу 1 сантиметар. Наводнувајте ја умерено. Најдобро е еднаш до два пати дневно да се прска со вода. Ако сакате во средина на садот може да се остави простор во кој подоцна ќе ставите свеќа. Земете плитка чинија и во средина ставете помала чаша. Ставете ги зрната пченица околу чашата до работ на чинијата. До крајот на април ќе имате прекрасно декоративно жито кое ќе го украсите со разнобојни јајца.

Веќе не е смешно: Тревата на Шилегов со нови адреналински содржини

Ивана Ефремовски — Tue, 19 May 2020 15:14:13 +0000

„Веќе не е смешно. Ниту Петре Шилегов е веќе за мајтап. Еве ја тревата на плоштад со нови адреналински содржини. Акробатска патека до споменикот на Мајка Тереза“.

Позната состојбата на новороденчето оставено во трева во Топанско

Дарко Андоновски — Wed, 15 May 2019 08:07:46 +0000

Бебето најдено во парк во Топанско поле било родено вчера и веднаш по раѓањето, голо било оставено во тревата. Случаен минувач го слушнал плачењето на новороденчето и пријавил во полиција, пренесува Слободен Печат. Од Клиниката за детски болести велат дека, иако бебето било оставено во несоодветни услови, сега е во добра општа состојба. – По папочната врвца и состојбата може да се заклучи дека бебето е родено вчера. Донесено беше голо, но веднаш ставено во инкубатор да се загрее. Дадена е соодветна терапија и засега е во добра состојба – за Слободен Печат вели Катерина Ставриќ, директорка на Детска клиника. Таа нагласува дека досега ваков случај, штотуку родено бебе да биде оставено на улица, немале. Од полиција велат дека работат на откривање на идентитетот на мајката и околностите во кои новороденчето било оставено во тревата веднаш по раѓањето.

Девојче на училиште рекло дека нејзиниот татко одгледува “трева“, погледнете го расплетот на приказната (ВИДЕО)

Ивана Ефремовски — Tue, 09 Oct 2018 20:29:33 +0000

Дакс Холт се шокирал кога примил повик од учителката на својата ќерка Скајлар и дознал дека девојчето на училиште рекло дека "во нејзиниот дом се одгледува многу трева". Учителката по нејзината изјава се загрижила за состојбата во нивниот семеен дом, па за таа цел Дакс ја прашал својата ќерка што точно мислела под тоа дека "тој одгледува многу трева". Видеото го објавил на Јутјуб, а ситуацијата не можела да биде поинтересна од ова. "Дали навистина си кажала на училиште дека дома одгледуваме многу трева?", ја прашал Холт својата ќерка. "Да", му одговорила таа. "И што правиме ние со таа трева?", продолжил таткото. "Ја вадиме и ја фрламе на друго место", објаснило збунетото девојче и на крајот му покажала на својот татко на која точно трева мислела. Секако, Скајлар мислела на тревата во дворот од нивната семејна куќа, додека другите помислиле на марихуана.