тревога – Kurir.mk

Тревога за воздушен напад во Киев

Катерина Бојаџиева — Thu, 01 Jun 2023 07:36:41 +0000

Во Киев пред неколку минути се вклучила тревога за воздушен напад. Во текот на изминатата ноќ Русија изврши напади врз Киев во кои загинаа три лица, меѓу кои и едно дете, а шест лица беа повредени. - Сите воздушни цели што ги пресретнавме беа уништени од нашите сили и средства за противвоздушна одбрана, соопшти градската управа. Сепак, остатоците што паднале резултираа со жртви и повредени. Според локалните власти, Русија во нападот користела крстаречки и балистички ракети.

Тревога за воздушни напади се слуша низ цела Украина

Ивана Ефремовски — Fri, 16 Dec 2022 07:35:46 +0000

Сирените за воздушен напад утринава се активирани низ цела Украина, вклучувајќи го и главниот град Киев. Тревога е објавена во регионите Киев, Харков, Житомир, Виниција, Чернихив, Миколаев и Кировохрад. Виталиј Бунечко, регионалниот гувернер на Житомир, ги повика жителите да останат во засолништа поради „заканата од огромен ракетен напад“. Градската управа на Киев, исто така, ги повика жителите веднаш да одат во засолништа поради воздушната тревога. „Во главниот град е прогласена воздушна тревога. Ве молиме веднаш одете во прифатните центри“ се наведува во известувањето објавено на официјалниот киевски канал Телеграм. (МИА)

Лажна тревога во авион на „Емирати“, Грција подигна два борбени авиони Ф-16

Ристе Здравков — Fri, 11 Nov 2022 08:24:46 +0000

Авион на „Емирати“ со 228 патници и 18 членови на екипажот, кој синоќа тргна од атинскиот аеродром за Њујорк, мораше да се врати во Атина „на преглед“, но алармот беше лажен, изјави полициски извор. „По информациите од странските власти дека во авионот имало сомнително лице, грчката полиција наредила авионот да се врати на меѓународниот аеродром „Елефтериос Венизелос“ во Атина на проверка“, изјавила за АФП портпаролката на грчката полиција. Авионот на Емирати ЕК-210, придружуван од два борбени авиони Ф-16, се вратил назад околу 45 минути по полетувањето од аеродромот во Атина. Тој слета синоќа околу 22:00 часот по локално време (20:00 часот по средноевропско време) на меѓународниот аеродром во Атина. Полициски извор изјави дека американските власти ја предупредиле грчката полиција дека во авионот има „сомнително лице“. По извршената полициска проверка на сите патници и авиони, „не е идентификувано лицето на кое се однесуваат информациите, ниту пак други сомнителни елементи“, се вели во соопштението на грчката полиција. Авионот треба да полета за Њујорк во петок, според извори од аеродромот. Непосредно пред враќањето на овој авион, уште еден авион на Емирати на летот за Дубаи беше прегледан синоќа пред да полета од аеродромот во Атина. Властите не пронајдоа никого сомнителен и авионот на крајот полета од Атина со пет часа задоцнување, изјави извор од грчкиот аеродром,пренесе Индекс.хр.

ВИДЕО: Утринава нови експлозии во Украина, тревога за воздушен напад во Киев

Ивона Петрова — Wed, 12 Oct 2022 05:56:26 +0000

Украинската државна телевизија јави дека денеска, во раните утрински часови, се слушнале експлозии во украинските градови Николајев и Запорожје, додека во главниот град Киев се слушале сирени за воздушен напад. -Експлозиите се во Запорожје, потврди шефот на градската администрација Александар Старух, пренесува Тасс. Извештаите за експлозии во Николајев и сирените за воздушни напади во Киев доаѓаат од дописници на украинската телевизија во двата региона. Во регионите на Киев, Суми, Черкаси, Кировохрад, Николајев, Дњепропетровск, Харков и Полтава, како и во делот на регионот Запорожје, контролиран од Киев, прогласена е тревога за воздушен напад, соопшти Тасс.

❗️ #nikopol is under heavy fire.
Stay in shelters! pic.twitter.com/SWT6pf80b2 — Johan (@Helpful_Hand_SA) October 11, 2022

The enemy fired over a hundred shells at Nikopol! More than three dozen high-rise buildings and private houses were mutilated in the city.#RussiaisATerroistState #Nikopol #Ukraine️ pic.twitter.com/xBeFqjeWeT
— Наталия Зозуля (@_Zozulia) October 12, 2022

Германскиот систем за тревога од катастрофи критикуван поради задоцнето предупредување на граѓаните

Тале Кристо — Mon, 19 Jul 2021 10:42:04 +0000

Германскиот систем за предупредување од природни катастрофи е критикуван поради задоцнето предупредување на граѓаните за време на поплавите што ја зафатија западна Германија минатата недела. „Кога станува збор за заштита од катастрофи, ние сме исто толку лошо подготвени како што бевме со пандемијата“, изјави за „Рајнише пост“ Карл Лаутербах, портпарол на владејачката Социјалдемократска партија на Германија (СПД). Тој рече дека Германија треба да биде подобро подготвена за вакви случаи затоа што во иднина ќе има „и повеќе пандемии и повеќе катастрофи“ како онаа што ја погоди земјата минатата недела. Политичарот на опозициската Либерално-демократска партија (ФДП), Михаел Теурер рече дека настанал „целосен колапс на системот за тревога“ и посочи дека германските власти биле предупредени во деновите пред обилните дождови за можноста од излевање на реките од нивните корита. „Навремените предупредувања од метеоролозите не беа пренесени на населението и тука потфрли како власта, така и јавниот медиумски сервис“, рече Теурер. Дебатата во Германија се засили откако британските медиуми објавија изјави на некои експерти кои велат дека Германија повеќе пати била предупредувана од европските институции за пристигнување на огромни количини врнежи. Британскиот хидролог и една од авторките на Европскиот систем за предупредување од поплави (ЕФАС) Хана Клок изјави дека Германија била предупредена за оваа веројатност 24 часа пред да се излее реката Ахр. Подоцна, над 100 луѓе загинаа на овие простори. „Првите најави дека се подготвува катастрофа беа испратени во Германија девет дена пред излевањето на реките, а 24 часа претходно Германија доби прецизни информации за тоа каде ќе се случат поплавите“, изјави Клок за „Сандеј тајмс“. Министерството за внатрешни работи на сојузната покраина Северна Рајна-Вестфалија, една од двете најпогодени покраини од поплавите, призна дека уште минатиот понеделник, два дена пред поплавите, имало сознанија дека се гледа „екстремно невреме“ над погодената област. Шефот на Федералната канцеларија за цивилна заштита и помош во случај на катастрофи, Армин Шустер тврдеше дека „инфраструктурата за тревога“ функционира на ниво на комуникација меѓу федералните и локалните власти. „Издадовме над 200 предупредувања преку нашите апликации и медиуми“, рече Шустер. Тој додаде дека не е можно прецизно да се каже каде може да се излеат реките. Шустер се заложи за тоа повторно да се вклучи системот за тревога, што би функционирал и во случај, како што беше минатата недела, да се расипат мобилните телекомуникациски мрежи.

Во источна Кина највисоко ниво на тревога поради поплави

Тале Кристо — Sun, 19 Jul 2020 10:14:42 +0000

Властите во Кина денеска го подигнаа нивото на тревога поради поплавите во источниот дел на земјата, каде тече реката Хуај, а состојбата е сериозна бидејќи по неколкудневните обилни дождови повторно се очекува силен дожд, пренесуваат странските агенции. Илјадници километри долгата река тече низ поголемите земјоделски и индустриски центри во провинциите Хенан, Анхуеј и Џангсу, а нивото на водата на десет акумулациски езера по нејзиниот тек го надмина безбедносното ниво за дури 6,85 метри, соопшти надлежната комисија на кинеското Министерство за водни ресурси. Дел од Кина што ја опфаќа областа од градот Чункгинг, во југозападниот дел на земјата, до Шангај, кој се наоѓа на источниот брег, е зафатен со поројни дождови веќе две недели. Неколку региони долж реката Јангце, вклучувајќи го градот Вухан и провинцијата Џангкси, каде се наоѓа најголемото слатководно езеро во Кина, прогласија највисок степен на предупредување за поплави. Властите предупредуваат дека поради истовремените поплави по должината на реките Јангце и Хуај, како и во близина на езерото Тај, може да се надминат максималните капацитети на акумулациските езера.

СЗО повеќе не прогласува пандемија, останува тревогата

Ивона Петрова — Mon, 24 Feb 2020 09:33:11 +0000

Светската здравствена организација (СЗО) повеќе нема процес за прогласување на пандемија, но поради епидемијата на новиот коронавирус сè уште е во сила меѓународна тревога, изјави денеска Тарик Јашаревиќ, портпарол на организацијата. – Нема официјална категорија пандемија. Тоа е стар термин кој СЗО повеќе не го користи, иако на луѓето им е познат од 2009 година, рече Јашаревиќ. Тој потсети дека СЗО од 30 јануари прогласи состојба на тревога на меѓународно ниво. Во 2009 година, СЗО ја прогласи епидемијата на вирусот на свински грип Х1Н1 за пандемија.

Сингапур прогласи повисок степен на тревога заради коронавирусот

Ивона Петрова — Fri, 07 Feb 2020 11:04:12 +0000

Сингапур денеска прогласи повисок степен на тревога во врска со коронавирусот од Кина, пренесоа британските медиуми. Сингапурските власти ова решение го донесоа откако беа регистрирани три нови случаи на заразното заболување во градот-држава. Засега не е утврдено дека болните патувале до Кина или имале контакти со заразени луѓе. Вкупниот број на потврдени случаи на заболени во Сингапур во моментов изнесува 33. Во предупредувањето се забележува дека заболувањето е сериозно и вирусот, што го предизвикува лесно се пренесува од човек на човек.

Детали за тревогата на аеродром: Сомнителниот маж приведен, елекот на испитување

Катерина Бојаџиева — Tue, 25 Sep 2018 10:21:12 +0000

Германската полиција по апсењето на сомнителен маж соопшти дека нема опасност за луѓето на берлинскиот аеродром „Шенефелд“. - Во овој момент нема опасност по луѓето на аеродромот „Шенефелд“, објави полицијата на Твитер. Елекот што го носеше приведениот е испратен на испитување. Но, се уште не е познат идентитетот на приведениот маж. Полицијата беше алармирана откако на паркингот на аеродромот „Шенефелд“ беше забележан маж со голем багаж, облечен во елек од кој висат жици.

Тревога на аеродромот во Берлин

Ивона Петрова — Tue, 25 Sep 2018 09:52:09 +0000

На аеродромот во Берлин забележан е маж со елек од кој висат жици, поради што е алармирана полицијата. - Забележан е маж кој носи елек од кој висат жици. Исто така тој носи и голем багаж. Специјалните единиците почнаа истрага. Поради тоа затворени се паркингот, алпската куќа и подвозникот, објави германската полиција на Твитер.