Притвор за осомничен за недозволена трговија со марихуана

Магдалена Андонова — Fri, 04 Dec 2020 08:33:17 +0000

Јавен обвинител од Основното јавно обвинителство Скопје донесе Наредба за спроведување истражна постапка против 40-годишен скопјанец за кого постои основано сомневање дека сторил кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. На 2 декември, при личен преглед на осомничениот, овластени полициски службеници кај него пронашле 147,6 грама наркотична дрога – марихуана. Дрогата му била одземена, а осомничениот бил приведен. Јавниот обвинител до судијата на претходна постапка при Основниот кривичен суд Скопје достави предлог за определување мерка притвор, проценувајќи дека осомниченото лице би можело да се даде во бегство или да го повтори делото. Судијата го прифати предлогот и на осомничениот му определи притвор во траење од 30 дена.

Двајца државјани на Албанија осомничени за трговија со марихуана и за напад на полицаец во Гостивар

Магдалена Андонова — Mon, 09 Nov 2020 12:15:33 +0000

Јавен обвинител од Основното јавно обвинителство Гостивар донесе Наредба за спроведување истражна постапка против двајца албански државјани за кои постои основано сомнение дека како соизвршители сториле кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 во врска со член 22 од Кривичниот законик, како и кривично дело – Спречување на службено лице во вршење службени дејствија од член 382 став 1 од Кривичниот законик. Лицата на возраст од 21 и 19 години набавиле наркотична дрога – марихуана од Република Албанија и преку нелегален премин ја внеле во земјава со намера да ја продадат. На 6 ноември, при обид да им биде извршен личен преглед, осомничените дале отпор и ги нападнале полициските службеници, удирајќи ги со тупаници. Првиот осомничен бил совладан и лишен од слобода, а во неговата чанта биле пронајдени околу 890 грама марихуана. Вториот осомничен се дал во бегство, но во утринските часови следниот ден сам се предал во полициска станица. Јавниот обвиител до судијата на претходна постапка достави предлог за определување мерка притвор за двајцата осомничени, бидејќи постојат околности кои укажуваат на опасност од бегство, можност да го повторат делото и да влијаат врз сведоците.

трговија со марихуана – Kurir.mk

Притвор за осомничен за недозволена трговија со марихуана

Двајца државјани на Албанија осомничени за трговија со марихуана и за напад на полицаец во Гостивар