трговска војна – Kurir.mk

Извозот и увозот во Кина зголемени и покрај трговската војна со САД

Ивона Петрова — Sat, 01 Dec 2018 08:51:12 +0000

Извозот и увозот во Кина се зголемени за 15 отсто во споредба со минатата година, и покрај трговската војна со САД, објавија кинеските власти. Минатата година Кина имаше увоз и извоз вреден четири билиони долари, се наведува во соопштение од властите. Тоа значи дека оваа година обемот на надворешната трговија е околу шест билиони долари. Од јули Кина води трговска војна со САД, кои го обвинуваат Пекинг за нечесни трговски договори. Вашингтон воведе царини за кинески стоки за 250 милијарди долари, а Кина возврати со царини за американски увоз за 110 милијарди долари. МИА

Шпанија е против трговска војна со САД

Ивона Петрова — Fri, 27 Jul 2018 05:50:20 +0000

Шпанските власти се против трговска војна со САД, нагласи шпанскиот премиер Педро Санчез на заедничка прес конференција во Мадрид со францускиот претседател Емануел Макрон. – Шпанската Влада не верува во потезите со кои се воведуваат свои критериуми и политики. Ние не сакаме трговска војна, изјави Санчез. Тој ја повика американската администрација да ги укине царините за европските стоки. Макрон и Санчез се согласиле дека миграцијата е глобален предизвик. За нив, миграциската политика треба да се заснова на почитување на правата на човекот и дека е важно да се соработува со транзитните држави и со државите од каде доаѓаат мигрантите. МИА

Кина се закани дека е подготвена за трговска војна со САД

Ивона Петрова — Wed, 30 May 2018 12:36:52 +0000

Кинеските власти денеска им се заканија на САД дека се подготвени за трговска војна, доколку САД продолжат со своите царински политики. Кинеската најава доаѓа откако американскиот секретар за трговија Вилбур Рос изјави дека САД се уште ја држат отворена можноста за воведување царини на кинескиот увоз во САД вреден 50 милијарди долари. - Ги повикуваме САД да го исполнат своето ветување и да се сретнат со нас на половина пат, за да имаме заедничко решение. Инаку, Кина ќе преземе решителни и силни мерки да ги заштити своите интереси, изјави Хуа Чунјинг, портпарол на кинеското Министерство за надворешни работи. МИА

Нов обид за избегнување на трговската војна меѓу Кина и САД

Даниел Василев — Wed, 02 May 2018 17:32:51 +0000

Кинескиот вицепремиер Лиу Хе, кој се смета за водечки економски советник на претседателот Си Џинпинг, неделава ќе се сретне со висока американска делегација во Пекинг, со цел да се види дали е можно да се постигне решение со кое ќе се избегне најавеното воведување царини за челик, алуминиум и други производи. Американскиот претседател Доналд Трамп најави царини за увоз на челик и алуминиум, и бара од Кина да престане да ја презема без дозвола интелектуалната сопственост на американските компании. Кина возврати со забавување на увозот на американски земјоделски производи, и се закани со царини за американските авиони. МИА

Министерот за финансии на САД не очекува трговска војна со Кина

Матеја Петровски — Sun, 08 Apr 2018 18:19:55 +0000

Министерот за финансии на САД Стивен Мнучин денеска изјави дека постои ризик од трговска војна меѓу САД и Кина по царините во вредност од милајарди долари кои ги предложија двете земји, но истакна дека не очекува таа да се случи. -Очекувањата ни се дека нема да има трговска војна, нашата цел е да ги продолжиме разговорите со Кина ... Не очекувам да има трговска војна - може да има, но тоа воопшто не го очекувам, изјави Мнучин за телевизијата Си-Би-Ес. Тој додаде дека американскиот претседател Доналд Трамп и кинескиот претседател Си Џинпинг имаат „многу блиски односи“ и оти САД и Кина ќе продолжат да разговараат за трговските проблеми.

Прва жртва на војната: Ова може да го уништи најголемиот американски извозник

Даниел Василев — Wed, 04 Apr 2018 12:51:45 +0000

Кинеската најава за воведување на нови 25-процентни тарифи на американските авиони ќе зададе огромен удар на компанијата Боинг, која е најголем американски извозник. Тоа ќе му даде дополнителна вредност на ривалот Ербас и тоа на пазарот кој би требало да стане најголем во светот, оценува агенцијата Блумберг. Официјален Пекинг, како одговор на царините кои САД ги воведе за кинеските производи, најави царини на авиони кои тежат меќу 15 и 45 илјади килограми, меѓу кои спаѓаат и поединечни врсти на патнички авиони од серијата Боинг 737. Кина, која веќе до 2022 година би требало да ги престигне САД и да стане најголемиот светски пазар за авиони, е од клучно значење за овој производител на летала. Повеќе од 50 отсто од комерцијалните авиони кои се во употреба во Кина се произведени од компанијата Ербас, а повеќе од четвртина од испораките на компанијата во минатата година отишле во таа азиска земја. По најновите вести, акциите на Боинг паднаа за дури 5,1 отсто, односно 314,10 долари на берзата во Њујорк.