трговски центар – Kurir.mk

Отворање на новиот трговски центар „Diamond Mall“

Ивона Петрова — Fri, 20 Oct 2023 06:00:46 +0000

Во Скопје денеска ќе биде отворено новиот трговски центар „Дајмонд мол“, инвестиција вредна 350 милиони евра. „Дајмонд мол“ е дел од мултифункционалниот проект „Diamond of Skopje“, и ќе обезбеди повеќе од 1.000 нови работни места. На свеченото отворање ќе се обратат премиерот Димитар Ковачевскии, почесниот претседател на групацијата „Лимак“ Нихат Оздемир и Хасан Мехмет Секизќок, амбасадор на Република Турција во земјава. Предвидено е присуство на претставници на дипломатскиот кор, на Владата, стопанственици и гости.

ВИДЕО: Позната актерка со автомобил влета во трговски центар

Ивона Петрова — Tue, 18 Jul 2023 10:21:51 +0000

Познатата актерка Розана Аркет доживеа сообраќајна несреќа кога со својот автомобил влета во трговски центар во Малибу. Според полицискиот извештај, актерката влетала со својот автомобил во трговскиот центар откако изгубила контрола над возилото. Аркет останала неповредена, но направила голема штета на ресторанот Lily's Malibu, кој се наоѓа во трговскиот центар. Дополнително, таа нанела штета и на паркингот на кој се наоѓале стаклените прегради. За среќа никој од гостите не е повреден.

See the aftermath of Rosanna Arquette's crash into a Malibu shopping center https://t.co/zqHTC9jfmv via @pagesix pic.twitter.com/6YgKva29MJ
— Brightly (@BrightlyAgain) July 14, 2023

Како што дознаваат медиумите, несреќата се случила бидејќи актерката не успеала да се паркира. Наводно, заборавила да префрли во рикверц и возилото одеднаш тргнало напред. Бидејќи имала слична ситуација во мај минатата година кога со автомобилот удрила во камион, и бил направен и тест за присуство на алкохол и дрога. Но, кај неа не нашле никакви недозволени супстанци.

Пукање во трговски центар во Тексас, убиено едно лице

Тале Кристо — Thu, 16 Feb 2023 07:01:33 +0000

Едно лице е убиено, а три се ранети во пукање во трговски центар во Ел Пасо, Тексас, соопшти локалната полиција. Еден осомничен е во притвор, а полицијата трага по друг можен сторител, изјави портпаролот на полицијата Роберт Гомез. Мотивот за нападот засега е непознат. Трговскиот центар „Сиело Виста“ е во непосредна близина на продавницата Волмарт, каде што вооружен маж уби 23 луѓе на 3 август 2019 година.

Тепачка во трговски центар на подрачјето на Гази Баба

Тале Кристо — Tue, 07 Feb 2023 16:50:32 +0000

На 06.02.2023 во 14.50 часот во СВР Скопје било пријавено дека во трговски центар на подрачјето на Гази Баба, по претходна расправија, бил нарушен јавниот ред и мир со физичка пресметка помеѓу Е.Е.(26) и Д.Ф.(35), двајцата од Скопје. По целосно документирање на случајот ќе биде поднесен соодветен поднесок.

ВИДЕО: Пожар во трговски центар во Подмосковље, повреден чувар

Ивона Петрова — Mon, 12 Dec 2022 10:07:51 +0000

Голем пожар избувна денеска во трговскиот центар „Стројпарк“ во Балашиха, Подмосковље, на површина од 10.000 метри квадратни. Покривот на објектот се урнал на површина од 900 метри квадратни, изјави за руските медиуми извор од итната помош. Повреден е чуварот кој се обидел да го изгасне пожарот пред да пристигнат пожарникарите. Констатирани му се повреди на горниот респираторен тракт. Вработените во трговскиот центар се евакуирани. Според локалните медиуми, прво се запалил градежен материјал кој бил на отворено, а потоа пожарот се проширил и на зградата на трговскиот центар.

The Stroypark shopping center in #Balashikha, #Moscow region is on fire. pic.twitter.com/H2o8rQKIg7
— NEXTA (@nexta_tv) December 12, 2022

Уапсен тинејџер кој уби едно лице во пукање во трговски центар во Малме

Тале Кристо — Sat, 20 Aug 2022 08:07:55 +0000

Шведската полиција уапси тинејџер осомничен дека вчера убил едно лице, а ранил друго во пукање во трговски центар во Малме. Првично беше соопштено дека во пукањето се повредени две лица, но повредениот маж од здобиените повреди починал, додека жената по инцидентот во Емпора центарот е испратена во болница, соопшти полицијата. „Нема непосредна опасност за граѓаните. Во овој момент се смета дека инцидентот е поврзан со криминалното милје“, се вели во полицискиот извештај. Убиствата во судирите меѓу кланови и банди од неодамна се во пораст во Шведска и стануваат една од главните грижи на гласачите пред претстојните избори. Годинава во Шведска се убиени 44 лица, а речиси сите се поврзани со криминал, соопшти полицијата. Минатата година во Шведска имаше 46 убиства.

КАКО НА ФИЛМ: Апсење во Трговски центар во Скопје

Тале Кристо — Wed, 06 Jul 2022 14:35:05 +0000

Денеска (06.07.2022) во 11.25 часот во трговски центар на бул.„Крсте Петков Мисирков“ во Скопје, полициски службеници од Оперативен тим потраги при СВР Скопје го лишиле од слобода Г.Ј.(44) од Скопје. Тој бил баран по централна потерница од Основен кривичен суд Скопје за издржување казна затвор од три години и шест месеци за сторено кривично дело по член 396 од Кривичниот законик. Лицето ќе биде предадено во казнено-поправна установа за издржување на казната.

Жена нападната во трговски центар во Скопје од лице вработено како обезбедување во објектот

Тале Кристо — Wed, 18 May 2022 16:18:51 +0000

На 17.05.2022 во 11.10 часот во Полициската станица Карпош, А.Т.Г.(48) од Скопје пријавила дека во маркет во трговски центар на подрачјето на Карпош, по претходна вербална расправија, била физички нападната од лице кое го обезбедувало објектот. Се преземаат мерки за расчистување на случајот.

Украина: Русите погодиле два хотела и трговски центар во Одеса со суперсонични ракети

Тале Кристо — Tue, 10 May 2022 06:16:59 +0000

Трговски центар и два хотели биле погодени вчера во руските напади во пристанишниот град Одеса. Три проектили Кинџал, новите руски хиперсонични ракети, биле истрелани од авиони и погодиле „цели на туристичката инфраструктура“, изјави Сергеј Братчук, портпарол на регионалната воена администрација на Одеса. -По ракетрниот напад хоспитализирани беа две лица, рече Братчук. Јужната оперативна команда на украинските вооружени сили потврди дека трговскиот центар бил погоден и со седум други проектили. Во нападот биле повредени пет лица, а едно лице загинало, наведе Јужната оперативна команда.

ФОТО+ВИДЕО: Полицијата го проверува Арена центар во Загреб, целосна евакуација по дојавата за бомби

Ивона Петрова — Fri, 22 Apr 2022 14:03:06 +0000

Арена Центар во Загреб е целосно евакуиран поради дојави за бомби. Вработените и посетителите го испразнија центарот по известувањето. Полицијата е на терен и работи по пријавата. -Дојавата беше за можна експлозивна направа, полицијата се уште проверува, велат од полицијата во Загреб. Трговскиот центар останува затворен до наредно информирање.

Evakuiran Arena Centar zbog dojave o bombi. Neki automobili ostali zarobljeni u garaži, gužve na cestama. #dnevnikhr
Više na --> https://t.co/QIpupPDeUL pic.twitter.com/g5C0upgBRk — DNEVNIK.hr (@DNEVNIKhr) April 22, 2022