три деца – Kurir.mk

Детали за ужасот во Загреб: Татко-монструм со голи раце си ги задавил своите три деца

Ивана Ефремовски — Sat, 25 Sep 2021 08:10:21 +0000

Три деца, близнаци (момче и девојче) на седумгодишна возраст и син на возраст од четири години синоќа ги задавил со голи раце нивниот татко во луксузниот стан во кој живееле во загребската населба Млиново, по што пукал во себе. Сепак, како што известуваат хрватските медиуми, тој преживеал и бил однесен во болница, а телата на трите деца, од кои најмалото четиригодишно дете кое било пронајдено во спалната соба, како и близнаците во дневната соба, ги шокирале сите полициските службеници кои биле на местото на ова невидено злосторство. Не е познато кој пријавил во полиција дека нешто се случило во станот на трикатната урбана вила со поткровје, но полицијата и брзата помош брзо пристигнале на местото на настанот. Во спалната соба, на креветот го пронашле мртвото тело на четиригодишното дете,а близнаците, момче и девоче, во дневната соба, во која се наоѓале и нивните играчки со кои си играле претходната вечер. Како што неофицијално дознава Јутарњи. хр родителите на децата се развеле и децата најверојатно викендот требало да го поминат со својот татко, кој ги задавил со свои раце, а по тој луд чин очигледно посегнал по оружје и се обидел да пресуди сам. Засега не е познато во каква состојба е таткото. Полицијата спроведува истрага, а утрово телата на трите деца се пренесени во Институтот за судска медицина и криминологија, каде што обдукцијата ќе ја утврди причината за смртта. Јутарњи пишува дека таткото на децата е искусен финансиски консултант кој дипломирал на Donau-Universität Krems и магистрирал бизнис администрација. Работел во некои водечки австриски лизинг компании, но и на менаџерски позиции во Роберт Бош АГ, Алкател АГ и други.

Од денеска семејствата во Кина може да имаат до три деца

Дарко Андоновски — Fri, 20 Aug 2021 09:00:12 +0000

Кина им дозволи на паровите да имаат до три деца, со цел да се зголеми наталитетот. Оваа регулатива е една од неколкуте усвоени на состанокот на водечките државни заменици од Националниот народен конгрес (НПЦ), објави Би-би-си. Пекинг уште во мај објави дека ќе им овозможи на паровите да имаат најмногу три деца. Одлуката сега стана законска, заедно со неколку резолуции насочени кон зголемување на наталитетот и намалување на товарот за воспитување дете, објави агенцијата „Ксинхуа“. Меѓу резолуциите е и укинувањето на финансиската казна што двојките треба да ја платат доколку имаат повеќе деца од дозволеното, што ќе им овозможи на локалните власти да понудат породилно отсуство, да ги зголемат правата на жените на работа и да ја зајакнат инфраструктурата за предучилишна возраст. Најновите податоци покажаа дека има голем пад на наталитетот. Пред пет години, Кина ја укина децениската политика која им дозволуваше на паровите да имаат само едно дете, дозволувајќи им две деца, но тоа не помогна да се зголеми бројот на родени деца. Големите трошоци за одгледување деца во градовите ги одврати многу двојки во Кина да имаат две деца.

Мајка со три деца вратена од скопскиот аеродром – биле позитивни на коронавирус

Магдалена Андонова — Tue, 11 Aug 2020 08:15:54 +0000

Мајка со три деца кои биле тестирани во приватна клиника, сите позитивни на коронавирус, не ги послушале епидемиолозите за задолжителна самоизолација и заминале на аеродромот во Скопје, но Комисијата за заразни болести ги предупредила воздухопловните власти, па така семејството було запрено пред да се качи во авион, пишува СДК.мк. Тие додаваат дека аеродромските служби во Скопје во неделата спречиле семејството да се качи на еден од двата лета за Норвешка и да ги зарази и останатите патници. Инцидентот на Скопскиот аеродром се случил ден откако во Финска слетал авион со 157 патници од Скопје, од кои 24 биле позитивни на коронавирус.

Белгијката феномен: Клајстерс роди три деца и се враќа на тенисот

Дарко Андоновски — Mon, 10 Feb 2020 21:15:40 +0000

Ким Клајстерс (36) во 2007 година за првпат се повлече од ВТА турот кога ја роди ќеркичката Жади Еле. На тениските терени се врати во 2009 година во која триумфира на Ју-ес опен, титула што ја одбрани на наредното издание на гренд слемот во Њујорк додека во 2011 година го освои пехарот и на Австралија опен. Во 2012 година, по мечот со Боб Брајан во мешани двојки, повторно се повлече поради бременост и желба за посветување на семејството. Оттогаш ги роди и синовите Џејк и Блејк кои имаат седум, односно, три години. Меѓутоа, осум години подоцна реши пак да земе рекет во рака. Клајстер требаше да се врати на професионалниот тенис на Австралија опен, но се повреди поради што требаше да паузира до март. Но, го забрза процесот на рехабилитација, па гренд слем шампионката најави кам-бек во Дубаи. Турнирот е од серијата 500 и закажан е од 17 до 22 февруари. Зад себе има 41 ВТА титула, вклучувајќи ги и четирите на гренд слем турнирите на кои уима две победи и во конкуренција на двојки.

Обвинение за мајката и таткото на три деца кои починаа во пожар во Велес

Дарко Андоновски — Tue, 23 Apr 2019 10:43:39 +0000

Обвинение против 38-годишна жена и 46-годишен маж поднесе велешкото Јавно обвинителство до Основниот суд во Велес, бидејќи секој од нив сторил кривични дела – запуштање и малтретирање на дете. Во временскиот период во кој децата биле оставени сами, во куќата избувнал пожар во кој сите три деца го загубиле животот. Како што соопшти Јавното обвинителство, обвинетата како родител – мајка на децата на возраст од четири години, две години и една година, а обвинетиот како родител – татко на детето на возраст од една година не го заштитиле животот и здравјето на децата што е нивна должност согласно одредбите од членовите 44 и 46 од Законот за семејство. Воедно, обвинетиот како очув на другите две деца исто така бил должен да се грижи за нив со оглед на фактот дека живееле заедно и имал заштитничка позиција спрема нив, но не го заштитил нивниот живот и здравје. Двајцата обвинети на 20 јуни 2018 година грубо ја запоставиле својата должност за грижа и воспитување и ги запуштиле трите деца така што подолго време од денот ги оставиле децата сами во куќата во која живееле, а која ја сочинувала само една просторија. Од Јавното обвинителство велат дека се работи за деца кои според својата возраст не можеле да се грижат сами за себе. Со тоа што ги оставиле сами во куќата обвинетите постапиле крајно несовесно и не воделе сметка за нивниот живот и нивното здравје. Во временскиот период во кој децата биле оставени сами, во куќата избувнал пожар во кој сите три деца го загубиле животот.

ФОТО: Три деца на дански милијардер загинаа на бизарен начин

Дарко Андоновски — Mon, 22 Apr 2019 09:38:22 +0000

Данскиот милијардер Андерс Холф Повлсен (46) објави дека три од неговите четири деца загинале во терористичките напади на Шри Ланка. Данскиот милијардер е сопственик на меѓународниот синџир за трговија со облека Бестселер, кој ги опфаќа модните марки „Веро Мода“ и „Џек енд Џонс“, најголем акционер во британската онлајн компанија АСОС и втор најголем акционер во германската онлајн компанија „Заландо“. Една од ќерките на Повлсен, Алма Сторм Холф Повлсен пред неколку дена на Инстаграм објавила фотографија со своите сести Астрид, Агнес и Алфред на Шри Ланка. Не е познато кои девојчиња загинале. Според Форбс од 2018 година, Повлсен е најбогатиот Данец на светот со 7,9 милијарди американски долари. Тој е сопственик на 89 илјади хектари земјиште во Шкотска, со што е најголемиот сопственик на земјиште во таа земја, пренесува „Јутарњи лист“.

Едно лице потешко повреденo, тројца полесно во судар на две возила кај скопско Батинци, три деца поминале без повреди

Дарко Андоновски — Sat, 11 Aug 2018 09:32:46 +0000

Вчера во 20.30 часот на регионалниот пат Скопје - ХЕЦ Козјак, атар на с.Батинци, се случила сообраќајна незгода помеѓу патничко возило „Југо“ со скопски регистарски ознаки, управувано од Ј.К. (32) од с.Студеничани, скопско и патничко возило „Фолксваген Венто“ со скопски регистарски ознаки, управувано од Ј.Б. (28) од с.Цветово Скопје. Од незгодата со тешки телесни повреди со здобил сопатникот во возилото „Југо“, С.А. (22) од с.Студеничани, додека со телесни повреди се здобил возачот Ј.К. Тие со друго возило биле пренесени во Градската општа болница „Св.Наум Охридски“. По укажаната помош С.А. бил задржан на лекување, додека Ј.К. бил пуштен на домашно лекување. Од незгодата, исто така, со телесни повреди се здобиле и возачот на возилото „Фолксваген Венто“ и сопатничката А.Б. (25) од с.Цветово. По укажаната помош во Градската општа болница „8- ми Септември“, тие биле пуштени на домашно лекување. Три деца на возраст од една, шест и три години, сопатници во возилото „Фолксваген Венто“, поминале без повреди. Увид на местото на настанот извршила увидна екипа од СВР Скопје.