три гола – Kurir.mk

Солер стана првиот играч во 21 век кој постигнал три гола од пенал на еден натпревар во Ла Лига

Тале Кристо — Mon, 09 Nov 2020 08:40:56 +0000

Валенсија оствари убедлив триумф со 4:1 на домашен терен синоќа над Реал Мадрид во натпреварот од 9. коло на фудбалскиот шампионат на Шпанија. Хет-трик постигна играчот од средниот ред Карлос Солер, кој во гол претвори три пенали. Дваесет и тригодишниот Шпанец стана првиот играч во 21-от век кој реализирал три пенали на еден натпревар во првенството. Валенсија во Ла Лига досега освои 11 бода и се наоѓа на деветтото место. Реал Мадрид има 16 бода и на четврта позиција.

Мората постигна три гола против Барселона, но сите му беа поништени

Тале Кристо — Thu, 29 Oct 2020 08:19:01 +0000

Напаѓачот на Јувентус, Алваро Мората на натпреварот од 2. коло во Лигата на шампионите вчеравечер против Барселона забележа необично достигнување. Шпанецот постигна хет-трик, но сите три гола му беа поништени со ВАР технологијата, бидејќи играчот беше во офсајд. Победата на натпреварот и припадна на Барселона благодарение на головите на Усман Дембеле и Лионел Меси. Јувентус по две кола има една победа и еден пораз и е втор во Г-групата, зад Барселона која е лидер со максимални шест бода.