три лица – Kurir.mk

Приведени три лица за објавени видеа со лажни закани за можен терористички напад во еден трговски центар во Скопје

Тале Кристо — Mon, 29 Nov 2021 14:01:37 +0000

Три лица биле приведени вчера откако објавиле видеа со лажни закани за можен терористички напад во еден трговски центар во Скопје. -По објава на два видеоклипа на „Тик ток“ со, како што е подоцна утврдено, лажни закани за можен терористички напад во еден трговски центар во Скопје на 28.11.2021 во 19 часот, веднаш се преземени соодветни мерки од страна на МВР-БЈБ-Оддел за сузбивање на организиран и сериозен криминал/Сектор за борба против тероризам, насилен екстремизам и радикализам, СВР Скопје и Сектор за компјутерски криминал и дигитална форензика и Агенцијата за национална безбедност, велат од МВР за Курир. Полицијата ги презела потребните безбедносни мерки и биле утврдени лицата – можни креатори на лажните видеа. -Известен е јавен обвинител, по чии насоки се обезбедени наредби за претрес на дом кај Н.С. во с. Студеничани и У.И. во Скопје. При претресот на втората локација најдени се дигитални уреди преку кои се објавени лажните видеа. Приведени се Н.С., У.И., како и неговиот син А.И, велат од МВР. Во службениот разговор, А.И. признал дека тој ги изработил и пласирал лажните видеа. -По документирање на случајот ќе биде поднесен соодветен поднесок до надлежното обвинителство, известуваат од МВР.

Предложени парични казни против три лица за непочитување на полицискиот час во Скопје

Тале Кристо — Tue, 22 Jun 2021 08:41:00 +0000

Основното јавно обвинителство Скопје поведе постапка и поднесе предлози за издавање казнени налози против три лица зaради кривично дело – Непостапување според здравствените прописи за време на епидемија според член 206 став 1 од Кривичниот законик, односно го сториле делото непочитувајќи го важечкиот полициски час, определен како мерка за спречување на ширењето на коронавирусот. Обвинетите, информираат од ОЈО, за време на важечката забрана биле затекнати како се движат на различни локации во градот, без да поседуваат дозвола. -Обвинителството на Основниот кривичен суд Скопје му предложи за сите обвинети да определи парични казни од по 100 дневни глоби со поединечна вредност на дневната глоба од 20 евра во денарска противвредност, се вели во соопштението од ОЈО.

Обвиниe против три лица за неовластено производство и пуштање во промет на наркотични дроги

Тале Кристо — Wed, 02 Jun 2021 12:14:01 +0000

По сеопфатна истражна постапка надлежниот јавен обвинител од Основното јавно обвинителство за гонење на организиран криминал и корупција, поднесе Обвинителен акт против еден албански, еден македонски и еден косовски државјанин. Со дејствијата опишани во Обвинителниот акт, тројцата се обвинети дека сториле кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 ст.3 в.в. ст.1од Кривичниот законик. Имено, обвинетиот Л.С. кој е недостапен на органите на прогонот, заедно со В.К., Т.С. и Р.К. опфатени во Обвинителниот акт, во периодот од 16-19 декември минатата година како повеќе лица, неовластено заради продажба пренеле 58.980 грама наркотична дрога марихуана и волумен од околу 900 милилитри хашиш масло. Наркотичната дрога била подигната од објект што го користело лиценцирано правно лице Друштво за производство, трговија и услуги 5 Летерс ДОО Скопје чија дејност е одгледување канабис за медицинска намена и производство на екстракт од канабис лоциран во с.Алданци, крушевско и истата била пренесена до изнајмен објект – викенд куќа во атарот на с.Врбоец. Обвинетиот Л.С. кој моментално е недостапен на органите на прогонот неофицијално бил назначен за управител на правниот субјект ДПТУ 5 Летерс ДОО Скопје и му биле доверени клучевите од безбедносниот сеф каде се чувала сувата материја. Еден месец пред критичниот настан неформално го ангажирал обвинетиот В.К. и го назначил како одговорно лице во фабриката за да ги контролира и координира вработените. При контрола на магацинскиот простор В.К. утврдил дека одредена количина на наркотична дрога марихуана не е внесена во евиденциите на правното лице и се договориле со Л.С. истата да ја сокријат во таванот над магацинот и во погоден момент да ја изнесат од правниот субјект со цел неовластено да ја продадат. В.К. по насоки на Л.С. ги ангажирал обвинетите Т.С. и Р.К. кои непријавени работеле во правното лице ДПТУ 5 Летерс ДОО Скопје без регулиран статус и сите заедно направиле план за безбедно изнесување на наркотичната дрога. Обвинетиот В.К. од магацинскиот простор каде се чува екстракт од канабис изнел и една тегла хашиш масло со волумен од 900 милилитри и му ја предал на обвинетиот Т.С. кој неовластено ја држел во мотелска соба во која престојувал. Наредниот ден Л.С., во непосредна близина на фабриката, во атарот на село Врбоец, закупил викенд куќа каде обвинетите требало да ја пренесат и да ја чуваат наркотичната дрога марихуана. Секој обвинет добил конкретни инструкции и задачи од обвинетиот Л.С., па за време на пауза на вработените предизвикале прекин во мониторинг системот од безбедносните камери, ја симнале марихуаната спакувана во проѕирни најлонски кеси од таванот и ја сместиле во шест големи црни најлонски вреќи, а потоа ја натовариле во ПМВ џип марка Лексус со швајцарски регистарски ознаки и ја пренеле и сместиле во изнајмената викенд куќа. По завршување на работното време Л.С. со ПМВ марка Тојота ги пренел обвинетите во викенд куќата каде обвинетиот Т.С. требало да остане да ја чува дрогата до наредниот ден кога требало да биде преземена. На 19.12.2020 година при претрес на викенд куќата од страна на овластени службени лица дрогата со вкупна нето маса од 58.980 грама е пронајдена, а лицата лишени од слобода, при претрес на други локации каде престојувале обвинетите се пронајдени помали пакувања на наркотична дрога спакувани за неовластена продажба. Имајќи го предвид начинот и мотивот на извршување на кривичното дело, неговиот меѓународен елемент во извршувањето и поврзаноста на извршителите, како и фактот што обвинетиот Л.С. не е достапен на органите на прогонот, со цел обезбедување присуство на обвинетите и спречување на повторување на кривичното дело, со Обвинителниот акт предметниот јавен обвинител поднесе и Посебен предлог со кој му предложи на Основниот кривичен суд – Скопје спрема обвинетите да ја продолжи мерката притвор.

Тројца обвинети за нарушување на полицискиот час во Скопје

Тале Кристо — Tue, 25 May 2021 09:20:29 +0000

Основното јавно обвинителство Скопје поднесе предлози за издавање казнени налози против три лица кои го сториле кривичното дело – Непостапување според здравствените прописи за време на епидемија од член 206 став 1 од Кривичниот законик. Обвинетите постапиле спротивно на прописите со кои се определуваат мерки за превенција на коронавирусот, па за време на важечкиот полициски час биле затекнати како се движат без дозвола на различни локации во градот. За сите нив надлежниот јавен обвинител му предложи на Основниот кривичен суд Скопје да определи парични казни од по 100 дневни глоби со поединечна вредност на дневната глоба од 20 евра во денарска противвредност.

Убиени три лица во Екатеринбург, напаѓачот уапсен

Тале Кристо — Mon, 17 May 2021 09:01:49 +0000

Три лица загинаа кога непознат маж со нож нападнал минувачи во близина на железничката станица во рускиот град Екатеринбург, за Е1. РУ изјавија очевидци, додека извор од регионалната влада кажал дека точниот број на жртви и околностите на инцидентот се уште се испитуваат. Засега се знае само дека во парк во близина на железничката станица во Екатеринбург дошло до конфликт и дека според првичните информации тројца мажи се убиени. Напаѓачот е уапсен, а полицајците морала да употреби оружје за време на апсењето, откако тој се обидел и нив да ги нападне со нож. -Кога полицајците пристигнале на местото на инцидентот, се обиделе да го приведат осомниченото лице, вооружено со нож, но лицето се обидело да ги нападне претставниците на МВР. Полицајците биле принудени да го употребат своето служебено оружје, изјави Валери Горелих, шеф на прес службата на Главната администрација на МВР за Свердловската област, јави Е1.

Приведени три лица од Скопје, поради непостапување според здравствени прописи

Тале Кристо — Sat, 01 May 2021 09:57:43 +0000

На 30.04.2021 во 22.05. часот на ул.„Цветан Димов“ од страна на полициски службеници од Полициска станица Бит Пазар биле лишени од слобода Б.С.(48), Н.Х.(42), двајцата од Скопје и Т.Ј.(46), од с.Марино, скопско, поради непостапување според здравствените прописи за време на епидемија. Тројцата биле приведени во полициска станица и против нив ќе биде поднесена кривична пријава по член 206 од Кривичниот законик.

Во Тетово приведени три лица, при претрес им бил најден хероин

Тале Кристо — Tue, 06 Apr 2021 13:32:42 +0000

Тројца мажи од Тетово и Пирок се приведени денеска откако полицајци при преглед им нашла дрога. Тие се уапсени при акцијата на полицијата на улицата „Љуботенска“ во градот. -Околу 11 часот и 30 минути, на улица „Љуботенска“ во Тетово, полициски службеници на СВР Тетово ги лишиле од слобода О.В.(42) и Р.Р.(40) од тетовски Пирок и Б.Љ.(40) од Тетово, затоа што при нивен преглед им бил пронајден хероин. Тие се задржани во Полициската станица Тетово и по целосно расчистување и документирање на случајот ќе им бидат изготвени соодветни поднесоци, информира Марјан Јосифоски, портпарол на СВР Тетово.

Заради три позитивни лица на коронавирус, евакуиран цел кварт во Шангај

Тале Кристо — Thu, 21 Jan 2021 13:05:35 +0000

Станбена област во центарот на кинескиот град Шангај е евакуирана денеска по утврдувањето на најмалку три случаи на Ковид-19, први во кинеската метропола од почетокот на ноември. Властите не прецизираа колку жители беа евакуирани во рамки на операцијата. Двајца од идентификуваните носители на вирусот работат во различни болници и се соседи. Автобусите се дезинфицираат, возачите со заштитни комбинезони превезуваат луѓе во центри за карантин. Неколку улици се затворени. Шангај, со 25 милиони жители, не евидентирал локална трансмисија на коронавирус од 9 ноември.

Кривични за управител на фирма и уште три лица за измама и фалсификување

Тале Кристо — Wed, 16 Dec 2020 15:01:32 +0000

Управата за финансиска полиција до Основното јавно обвинителство Скопје поднесе кривична пријава против лицето Х.О., во својство на управител на правниот субјект АТ-СИ Гроуп ДООЕЛ Скопје, лицата С.З., Ж.З., И.П. , и правниот субјект АТ-СИ Гроуп ДООЕЛ Скопје, поради основано сомнение за сторено кривично дело измама, фалсификување и уништување деловни книги и помагање. Како што соопшти Управа за финансиска полиција, пријавениот Х.О. во својство на сопственик и управител на пријавениот правен субјект АТ-СИ Гроуп ДООЕЛ Скопје, со цел да се стекне со противправна имотна корист за себе и за пријавеното правно лице, со свој потпис и печат заверил фактура и договор со невистинита содржина за наводно извршени градежни услуги за потребите на правниот субјект АКТОР АДТ Грција – Подружница Скопје, без притоа да постои реален должничко доверителски однос помеѓу двата правни субјекти. Повел Предлог за издавање решение за нотарски платен налог врз основа на неверодостајна исправа – фактура го довел во заблуда извршителот Васко Блажевски, да донесе Решение за извршување, врз чија основа во 2019 година е спроведено неосновано извршување од банкарската сметка на правниот субјект АКТОР АДТ Грција – Подружница Скопје во корист на пријавениот правен субјект АТ-СИ Гроуп ДООЕЛ Скопје, со што пријавениот Х.О се стекнал со противправна имотна корист во износ од 16.605.000 денари со кој го оштетил правниот субјект АКТОР АДТ Грција – Подружница Скопје. – Со цел да се прикријат трагите од сторените кривични дела, пријавениот Х.О., во својство на управител на пријавениот правен субјект АТ-СИ Гроуп ДООЕЛ Скопје, во име на пријавениот правен субјект потпишал и со печат заверил поединечни договори за вршење на услуги со пријавените С.З., Ж.З. и И.П. за наводно извршени услуги за превод, изработка на проекти и средување документација, врз основа на кои договори на пријавените физички лица, без воопшто да извршат било какви услуги за потребите на пријавениот правен субјект АТ СИ Гроуп ДООЕЛ Скопје, во текот на 2019 година им префрлил дел од неосновано наплатените парични средства од правниот субјект АКТОР АДТ Грција – Подружница Скопје во вкупен износ од 5.830.965 денари, кои потоа од пријавените физички лица се подигнати во готово, наведува Управа за финансиска полиција.

Уапсени три лица за продажба на бебиња преку Инстаграм

Тале Кристо — Wed, 24 Jun 2020 15:27:09 +0000

Иранската полиција уапсила три лица осомничени за обид за продавање бебиња преку социјалната мрежа Инстаграм, соопшти денеска агенцијата Исна. -Уапсени се три лица кои сакале да продадат две бебиња, изјави началникот на техеранската полиција, Хосеин Рахими. Тој прецизираше дека едното бебе било старо само 20 дена, а второт два месеца. Полицијата ги уапсила лицата откако „продажбата на бебињата ја рекламирале на Инстаграм“. Фотографиите од бебињата биле споделени на 10 до 15 налози од оваа социјална мрежа. -Бебињата биле купени за 226 до 450 евра, додека биле продавани за 1.800 до 2.250 евра, изјави Рахими, без да даде дополнителни детали. Тој додаде дека бебињата се предадени на социјалната служба.