Трибунал – Kurir.mk

Борел: Членките на ЕУ не постигнаа договор за формирање Трибунал за Украина

Катерина Бојаџиева — Wed, 14 Dec 2022 15:23:34 +0000

Високиот претставник за надворешна и безбедносна политика на ЕУ Жозеп Борел, денеска соопшти дека земјите-членки на Унијата имаат различни позиции во однос на предлогот на Европската Комисија за формирање на Трибунал за наводни руски воени злосторства во Украина. Борел, на конференцијата на невладините организации во Брисел, рече дека на вчерашниот состанок на Европскиот Совет, заедно со Комисијата го презентирал овој предлог пред министрите за европски прашања, но дека дискусиите не дале резултат, односно дека не е постигнат договор за формирање на трибунал за Украина, пренесе ТАСС. Според Борел, станува збор за интересна дискусија која засега нема конкретен одговор, односно меѓу членките на ЕУ се води полемика дали има потреба од формирање друга организација освен Трибуналот. На 30 ноември, Европската Комисија предложи формирање фонд кој ќе вклучува 300 милијарди евра замрзнати средства на руската централна банка и 19 милијарди евра замрзнати руски приватни средства, кои ЕУ ќе ги инвестира за да го искористи профитот како компензација за Украина. Европската Комисија предложи формирање меѓународен трибунал, со поддршка на ОН, кој ќе ги гони наводните руски воени злосторства во Украина. Постојаниот претставник на Русија во ОН, Василиј Небензја, рече дека идејата е пример за она што се нарекува „меѓународен поредок заснован на правила“. „Тие ги подготвуваат овие правила, потоа ги претставуваат како универзално признати и бараат покривање на авторитетот на ОН“, рече Небензја.

Судан ќе го испорача Омар ал Башар на Трибуналот за воени злосторства

Тале Кристо — Tue, 11 Feb 2020 16:16:41 +0000

Преодните власти и бунтовничките групи во Судан се согласија да го предадат поранешниот претседател Омар ал Башир на Меѓународниот кривичен трибунал за воени злосторства, јави Би Би Си. – Правдата не може да биде постигната доколку не ги залечиме раните, изјави владиниот портпарол Мохамед Хасан Елтаиш. – Се согласивме дека за секого за кого постои налог за апсење од Трибуналот ќе биде процесуиран до Судот за воени злосторства. Ова го кажувам многу јасно, потенцираше портпаролот. Судот го бара Ал Башир, кој минатата година беше соборен од војската под обвинение за злосторства против човештвото и геноцид извршен во конфликтот во Дарфур. Откако беше соборен во април, тој е затворен во главниот град на Судан, Картум, под обвинение за корупција и убиство на демонстранти.

Платини: ФИФА и Трибуналот за спортска арбитража се мафија

Ивана Ефремовски — Sat, 18 Jan 2020 14:06:09 +0000

Поранешниот претседател на УЕФА, Мишел Платини, ги спореди ФИФА и Спортскиот арбитражен суд (КАС) во Лозана со мафијашките организации. -Мразам неправда. Не можам да издржам. ФИФА и КАС делуваат како мафијашки организации. Го видов тоа и лично се убедив. Група пријатели го прават она што сакаат, изјави легендарниот француски фудбалер за „Спорт.пл“. “. Шеесет и четири-годишниот добитник на „Златната топка“ тврди дека адвокатите на ФИФА, УЕФА и КАС се исти луѓе кои живеат во Швајцарија и постојано комуницираат едни со други. Според него, тие се најзаслужни тој да не стане претседател на Светската фудбалска централа.