трикратно убиство – Kurir.mk

Единствената преживеана од семејството Поцеста живее во страв: До каде е истрагата за трикратното убиство во Дебар?

Ивана Ефремовски — Wed, 10 Oct 2018 10:40:42 +0000

Молк од надлежните институции и ниту еден нов детаљ помалку од два месеци по монструозното трикратно убиство во Дебар, анализира Фактор. Сите сомнежи за убиството на сопрузите Поцеста и нивната најмала ќерка се фрлени врз нивната најстара ќерка. Мотивите уште не се разјаснети. До каде е истрагата? Новина може да се прочита само кај италијанските медиуми. Последни пишувања за случајот кој ја потресе околината на Дебар и се запиша како еден од најужасните во историјата на државата е дека единствената сестра која остана од ова семејство Мукадес Поцеста не се вратила во Италија. Таа останала да живее во Македонија во страв и со полициска придружба. Двокатната куќа во гратчето Тренто остана празна и напуштена, каде што до последните денови од август живееше семејството без очигледни проблеми. Мукадес Поцеста, е сестрата на осомничената Блерта Поцеста, која живее во страв и полициска придружба. Внатре стои само автомобилот кој го возела Мукадес, пишуваат италијански медиуми.

Три лица се осомничени за тројното убиство во Дебар, еве ги деталите

Предраг Кукиќ — Wed, 05 Sep 2018 08:26:35 +0000

Основното јавно обвинителство Гостивар донесе наредба за спроведување истражна постапка против три лица под сомнение дека биле инволвирани во убиство на тричлено семејство во Дебар. Според соопштението на ОЈО, првоосомничената, жена на возраст од 28 години, е под истрага бидејќи постојат основи на сомнение дека сторила кривично дело – убиство од чл.123 ст.3 од Кривичниот законик. За другите двајца осомничени, 31-годишен маж од Гостивар и 62-годишен жител на Дебар, постои сомнение дека и помагале во извршувањето со што сториле кривично дело – убиство од чл.123 ст.3 во врска со чл.24 од Кривичниот законик. Ценејќи дека се исполнети законските услови, надлежен јавен обвинител до судија на претходна постапка достави Предлог за определување мерка притвор за сите три осомничени лица. Ваквиот предлог беше прифатен и судијата на осомничените им одреди мерка притвор во траење од 30 дена, соопштува ОЈО. Истражната постапка продолжува во насока на целосно расветлување на овој настан и обезбедување материјални докази. (МИА)

ВИДЕО: Брутално си ги ликвидирала родителите и малолетната сестра – ова е убиеното семејство од Дебар

Ивана Ефремовски — Mon, 03 Sep 2018 20:05:03 +0000

Трикратното убиство кое се случи во Дебар е главна тема и во регионот. Фактот дека осомничена за убиството е Б.П. (28) ја зголеми тензијата и револтот насекаде. Според информациите, таа ги убила своите родители и својата малолетна сестра. Медиумите ширум светот објавуваат информации, фотографии и видеа за ова грозоморно злодело. Одреден е притвор во траење од 48 часа на постарата ќерка на семејството Поцеста Б.П. (28), осомничена дека го извршила грозоморното тројно убиство во Дебар и дека таа го застрелала својот татко Агим, мајката Назмие и 14- годишната сестра Анила. -Надворешната канцеларија за криминалистички работи Дебар до Основното јавно обвинителство во врска со убиството на А.П. (54), Н.П. (53) и нивната 14-годишна ќерка во Дебар поднесе кривична пријава против Б.П. (28) од Дебар поради основано сомнение дека сторила кривично дело „убиство“, како и против Ф.Г.(31) од Гостивар и В.К. (61) од Дебар за помагање во врска со „убиство“. Б.П., Ф.Г. и В.К. се приведени, а судија на претходна постапка од Основниот суд Гостивар им одреди притвор во траење од 48 часа, информираат од МВР.