Лигата на нации почна со триумф на Полска

Тале Кристо — Wed, 01 Jun 2022 19:30:47 +0000

Во воведниот натпревар од новата сезона во Лигата на нации, фудбалската репрезентација на Полска во дуел во рамки на групата 4 од А дивизијата го совлада Велс на домашен терен со 2-1 (0-0). Полска пропушти неколку изгледи шанси за водство во првиот дел, а казната за промашувањата дојде во 52 минута кога Вилијамс му донесе водство на Велс. Сепак, Полска го сврте резултатот во своја корист со два гола во завршните 18 минути на дуелот во Вроцлав преку Камински (75 минута) и Свидерски (85). Велс настапи без своите најдобри фудбалери, одморајќи ги за финалето од мундијалскиот бараж в недела против победникот од вечерашното полуфинале меѓу Шкотска и Украина.

У14: Втор триумф на македонските кошаркари на турнирот во Романија

Тале Кристо — Mon, 30 May 2022 14:29:41 +0000

Македонската машка кошаркарска репрезентација до 14 години ја забележа втората победа на меѓународниот турнир во романскиот град Плоешти, совладувајќи го денеска Косово со 77-68. По триумфот над Турција во второто коло, македонските кошаркарски надежи одиграа уште еден квалитетен натпревар и на полувреме имаа солидна предност од 40-29. Косово го доби третиот период со 22-18, за да намали на 51-56, но „црвено – жолтите“ беа подобри во финишот во кој ја одбранија предноста и стигнаа до втората победа на собирот во Романија. Ѓорѓевиќ беше најефикасен во македонските редови со 20. поени, додавајќи и осум скокови, додека Цветковски постигна 17 кошеви. Претходно денеска, македонската женска репрезентација до 14 години загуби од Косово со 63-22.

триумф – Kurir.mk

Лигата на нации почна со триумф на Полска

У14: Втор триумф на македонските кошаркари на турнирот во Романија