трофеи – Kurir.mk

Конте: Сакам да му помогнам на Кејн да освои трофеи во Тотенхем, тој го сака овој клуб

Тале Кристо — Tue, 24 Jan 2023 07:53:12 +0000

Тренерот на Тотенхем, Антонио Конте проговори за напаѓачот Хари Кејн. Вчера, на натпреварот од 21. коло на Премиер лигата против Фулам (1:0), англискиот напаѓач беше стрелец на победничкиот гол и го повтори рекордот на Џими Гривс, кој играше за клубот од 1961 до 1970 година. . Кејн го постигна својот 266 гол за Тотенхем. – Зборуваме за играч со фантастични способности, неверојатни вештини. Се разбира, би сакал да помогнам да се направи нешто важно, да освои нешто со Тотенхем. Тој го сака Тотенхем, клубот во неговото срце. Мислам дека треба да бидеме сонувачи. Разговарав со играчите и реков дека овој ден треба да ни биде почетна точка. Ако сакаме да бидеме сонувачи, мора да знаеме дека ФА Купот е тежок турнир. Ако го видам ова единство, ќе имаме резултати, изјави Конте. Дваесет и деветгодишниот Кејн игра за Тотенхем од 2011 година. Неговиот актуелен договор со Спарс е до 2024 година. Тотенхем се наоѓа на 5. место во поредокот на шампионатот на Англија, со 36 бодови од 21 натпревар.

Флик ги освои сите турнири во својата прва сезона како тренер

Тале Кристо — Mon, 24 Aug 2020 06:53:55 +0000

Баерн ја освои Лигата на шампионите 2019/20 совладувајќи го синоќа ПСЖ со 1:0 во финалето, додека Ханс-Дитер Флик стигна до трофејот во својата деби сезона како главен тренер.

Претходно оваа сезона, Флик го предводеше Баерн Минхен до титулите во Бундеслигата и во Купот на Германија.

Педесет и петгодишниот играч се приклучи на тренерскиот тим на Баерн летото во 2019 година и стана помошник тренер Нико Ковач, но Хрватот доби отказ во ноември.

Флик прво беше назначен за в.д. главен тренер, а потоа и одобрен на функцијата до крајот на сезоната.

Во април договорот со Флик беше продолжен до летото 2023 година.

Гвардиола: По шесте трофеи со Барселона, секоја следна година ми се чини како неуспешна

Тале Кристо — Sat, 04 Jan 2020 11:28:35 +0000

Јосеп Гвардиола, тренерот на Манчестер сити, изјави дека по 2009 година, кога успеа да освои шест трофеи со Барселона, секоја последователна сезона му се чинеше како неуспех. – Обично секоја година чувствувам дека не успеав, откако првата сезона со Барселона освоивме шест трофеи. После тоа, секоја сезона не успеав да го повторам тоа достигнување, изјави шпанскиот фудбалски стручњак. Под водство на Гвардиола, Барселона освои шест трофеи во 2009 година – Шампионатот, Купот и Суперкупот на Шпанија, Лигата на шампионите, клупското светско првенство и Суперкупот на УЕФА. После 21 коло, англиски клуб со 44 бода го завзема третото место во Премиер лигата. Клубот стигна и до осминафиналето на Лигата на шампионите, каде ќе игра со Реал Мадрид.

Роналдо ги покажа трофеите од музејот: Овие награди не можат да ги украдат

Ристе Здравков — Wed, 26 Sep 2018 09:33:23 +0000

Кристијано Роналдо по ФИФА изборот на најдобрите играчи на годината, објави фотографија од камери за надзор на музејпт „ЦР 7“. - Никој не може да ги украде овие трофеи. Има алармен систем, напиша Роналдо на Инстаграм. Шпанските медиуми ова го протолкуваа како реакција на Роналдо, на ФИФА која го критикуваше за отсуството на церемонијата на доделувањето на наградите. ФИФА пред два дена го избра Лука Модриќ за фудбалер на годината, а во најтесна конкуренција беа Мохамед Салах и Кристијано Роналдо.