тројца – Kurir.mk

Тројца Македонци во трка за пратеници на престојните парламентарни избори во Албанија

Тале Кристо — Wed, 17 Mar 2021 12:35:54 +0000

Тројца Македонци со потекло од Мала Преспа се најдоа на кандидатските листи за пратеници за престојните парламентарни избори во Република Албанија. Во Албанија на 25 април ќе се оддржат парламентарни избори, а Македонците ќе можат да гласаат за нивни претставници, односно Македонци кои се на три различни листи во овој избирачки процес. Имено, на листата на опозициската Демократската партија на Лулизим Баша кандидат за пратеник е Кичо Тане. На листата на Социјалистичкото движење за интеграција ќе биде Панди Јани. И на листата на Социјалистичката партија на Еди Рама ќе биде претседателот на МАЕИ Васил Стерјовски, доскорашен пратеник во албанското Собрание. И тројцата кандидати се Македонци и со потекло од Мала Преспа и за пратенички мандат ќе се тркаат во округот на Корча. Она што е интресно е што и тројцата се најдоа на последното место на овие листи, односно на 12то место.

Тројца скопјани обвинети за производство и продажба на марихуана

Тале Кристо — Fri, 06 Nov 2020 11:44:07 +0000

Обвинителен акт заработија тројца скопјани за производство и продажба на марихуана. Во куќа во Визбегово, двајца од обвинетите, дворот го прилагодиле за одгледување на канабис, а кај третиот е пронајдена марихуана, семки од канабис и хашиш. За тројцата е предложено продолжување на притворот поради можност за бегство и повторување на делото. Од Јавното обвинителство соопштија дека едниот обвинет ги ставил на располагање дворот и просториите од семејната викенд-куќа во Визбегово. Заедно со вториот обвинет ги прилагодиле просториите за одгледување на растението канабис и засадиле стебла од ова растение. Вториот обвинет, при претрес на 24 септември, бил затекнат во дворот од куќата во момент кога ги кастрел цветовите од стеблата и ги мерел по тежина за натамошно пакување. – На локацијата биле пронајдени 15 растенија канабис со поединечна висина од 19 до 80 сантиметри, девет свежо искршени гранки со лисја и врвни делови, 20 искршени и делумно соголени гранки со лисја и вршунки канабис, како и дигитална вага, соопштија од ЈО. Во домот на третиот обвинет, пак, на улица „Христо Смирненски“ биле пронајдени и одземени 99,72 грама наркотична дрога – марихуана, 33 семки од растение од растителниот род канабис, како и 2,8 милилитри хашиш смола во два шприца.

На Водно уапсени тројца странски државјани, во автомобилот им била пронајдена марихуана

Тале Кристо — Sun, 16 Aug 2020 10:23:25 +0000

На 15.08.2020 во 20.20 часот на Средно Водно во Скопје, полициски службеници од СВР Скопје ги лишиле од слобода И.О. и М.Ф., двајцата од Р.Турција, како и М.Т. од Кипар, затоа што во возилото во кое се превезувале била пронајдена марихуана. Тие биле приведени во полициска станица и по целосно документирање на случајот против нив ќе биде поднесен соодветен поднесок.