тројно убиство – Kurir.mk

Тинејџер изврши тројно убиство во трговски центар во Бангкок

Катерина Бојаџиева — Tue, 03 Oct 2023 12:09:12 +0000

Во главниот град на Тајланд денеска е уапсено 14-годишно момче, за кое Би-би-си, повикувајќи се на полицијата во Бангкок, јави дека со пиштол убило три лица, а ранило други четворица. На социјалните мрежи може да се видат снимки од бегството на посетителите од шопинг центарот, што беше затворен веднаш по пријавата на нападот, како и блиската станица на метрото. На една од снимките се гледаат луѓе како се кријат во затемнета просторија од ресторан во центарот. Локалната телевизиска станица Канал 3 објави дека од тоалетите на трговскиот центар се слушаат звуци слични на истрели. Премиерот Срета Тависин изјави дека се уште чека детали за инцидентот. Портпаролот на полицијата Ачајон Краитонг изјави дека началникот на националната полиција испратил полициски екипи за контрола на областа. Вооруженото насилство е вообичаено во Тајланд. Поранешен полицаец лани уби 22 деца во градинка, а во 2020 година војник уби најмалку 29 лица и рани други 57 во напад што се случи на четири локации во и околу североисточниот град Након Рачасима.

Се трага по маж заради тројното убиство на студентки: Биле избодени до смрт, а станот опожарен за да се прикријат доказите

Катерина Бојаџиева — Sun, 03 Oct 2021 16:22:31 +0000

Руската полиција почна потера по 30-годишен маж, откако три млади студентки се убиени во градот Гаи, во југо-источниот дел на земјата, јави ДПА. Лицето се смета за осомничено за случајот со тројното убиство, јави денеска полицијата од регионот Оренбург, на повеќе од 1.200 километри југоисточно од Москва. Во соопштението се наведува дека жртви биле студенти по медицина, на возраст од 17, 18 и 19 години, кои живееле во ист стан. Две тела се откриени за време на операција на гаснење пожар, додека трето телот било пронајдено надвор од куќата во градот Гаи, додава германската агенција. Според иследниците, врз телата биле забележани траги на насилство. Според извештаите на медиумите, младите жени биле избодени до смрт, најверојатно во четвртокот, по што станот бил опожарен за да се прикријат доказите. Полицијата соопштува дека осомничениот бил ослободен од затворски камп пред само три месеци. Засега не се јасни причините за тројното убиство.

Доживотна казна затвор за тројното убиство во Дебар

Дарко Андоновски — Wed, 06 May 2020 16:19:56 +0000

По поднесен обвинителен акт од Основното јавно обвинителство Гостивар и завршување на главната расправа, Основниот суд во Гостивар донесе првостепена пресуда, со која ја осуди обвинетата Б.П. на доживотна казна затвор за тројното убиство во Дебар. За еден од обвинетите помагачи е изречена затворска казна од 10 години, а за вториот е изменето кривичното дело, па по одлука на судот, постапката за овој обвинет ќе продолжи за неовластено изработување, држење, посредување и тргување со оружје или распрскувачки материи од член 396 од Кривичниот законик. Гостиварското Обвинителство е незадоволно од одлуката на судот за двајцата обвинети, кои го помагале извршувањето на убиството, па во тој дел од пресудата ќе биде поднесена жалба. Доживотната казна затвор за тројното убиство следува по сеопфатна истражна постапка во која Обвинителството обезбеди докази, а со кои во тек на судењето докажа дека осудената, на 26.8.2018 година, во семејната куќа во Дебар, пукајќи од непосредна близина со пиштол во калибар 7,65 мм, најпрвин ги лишила од живот сопствените мајка и татко, а потоа и малолетната сестра. Еден ден пред извршувањето на кривичното дело таа телефонски стапила во контакт со второосудениот и се сретнала со него во Гостивар. Тој изнајмил возило и заедно се упатиле кон Дебар за да набават оружје. Истиот ден, во близина на градската болница во Дебар, се сретнале со третообвинетиот, кој им обезбедил пиштол и рамка со пет куршуми. По извршувањето на кривичното дело, осудената се упатила во Струга, каде што се сретнала со второосудениот и му ги дала клучевите од изнајменото возило да го врати во Гостивар по што таа со такси отишла на аеродромот во Скопје, од каде што со авион заминала за Република Италија, соопшти Обвинителството.

Го малтретирале брат му, па ги убил со калашњиков- тројно убиство го потресе регионот

Дарко Андоновски — Sun, 12 Jan 2020 08:57:36 +0000

Во самиот центар на Сплит вчера попладне дошло до пукање од автоматско оружје во кое биле убиени три лица, а хрватските медиуми денеска пренесуваат дека осомничен е 25-годишниот Филип З. Двајца од нападнатите починале на лице место, додека третиот починал подоцна во болница, од последиците на ранувањето, пренесоа хрватските медиуми. Тројното убиство се случило затоа што тројцата сега убиени го малтретирале братот на осомничениот, а тој во својот крвав поход користел „Калашњиков“. Според некои информации, мотивот за нападот би можела да биде одмаздата. Повеќе извори наведувале дека осомничениот, односно неговото потесно семејство, од претходно имале проблеми со некои од убиените. Наводно станувало збор за долгови и дрога која семејството на убиецот, конкретно еден од неговите браќа, го довел во судир со убиените. Индекс. хр наведува дека осомничениот имал во план да најде и убие уште неколку лица, но, за среќа, не ги пронашол. Далмација портал наведува дека осомничениот по апсењето молчел. Тој, според порталот, ќе биде обвинет за кривичното дело тешко убиство, за што му се заканува казна и до 50 години затвор.

Уапсени тројца соучесници во тројното убиство во Белград- три тела пронајдени во септичка јама

Предраг Кукиќ — Tue, 18 Jun 2019 10:51:35 +0000

Три лица се уапсени поради помагање во тројното убиство на Сурчин за кое осомничен е 25-одишниот Драгослав Јовановиќ. Уапсени се М.С. (1988) поради сомнение дека извршил кривично дело тешко убиство во сооучество, Л.Д. (1997) тешко убиство со помагање и Н.Ќ. 91999) кој се сомничи за кривично дело помош на сторителите после извршеното кривично дело, соопштило српското МВР. Постои сомнение дека мотив за убиството е паричен долг. На М.С., Л.Д. и Н.Ќ. им е одредено задржување од 48 часа, после што ќе бидат изнесени во Вишото јавно обвинителство во Белград. Да потсетиме, телото на Неџа Ш, неговата мајка Даринка и неговата тетка Милјана беа пронајдени синоќа во околу 23 часот во септичка јама зад трговскиот центар во Сурчин на имот кој му припаѓа на Љубомир Јовановиќ, татко на осомничениот Драгослав. Нивното исчезнување било пријавено на 10. јуни. Инаку, Јовановиќ изврши самоубиство откако во Нов Белград среде улица пукаше во својата 25-годишна сопруга Теодора, пред нивната 11-мкесечна ќерка која била во количка. Мислејќи дека ја убил, тој пукал и во себеси,, па набрзо бил пренесен во болница, каде после неколку дена има подлегнал на повредите.

Хорор во соседството: Сопругот си ја убил сопругата и нејзините родители

Дарко Андоновски — Fri, 24 May 2019 08:04:47 +0000

Во Нови Сад утрово се случил вистински масакар, во стан биле пронајдени три мртви тела со рани на главата. Станува збор за мајка, татко и ќерка, а српските медиуми пренесуваат дека тројното убиство го извршил нивниот зет на кого претходно му било изречена мерка забрана за приоѓање. Во станот биле пронајдени телата на Бранислав Пајиќ (57), неговата сопруга Нада Пајиќ (57) и нивната ќерка Мирјана Јанковиќ (32). Според првичните информации безживотните тела ги пронашол нивни роднина кој кога ја отворил вратата здогледал хорор и локна крв.

Нови детали за хоророт во Дебар: Што призна, а што премолчи жената осомничена дека ги убила своите родители и малата сестра?

Ивана Ефремовски — Sun, 09 Sep 2018 11:18:37 +0000

Триесет дена е продолжен притворот на ќерката од тројното убиство во Дебар, која се уште е главна тема и во Македонија и во медиумите од регионот, но и светот. Блерта Поцеста која е главна осомничена за убиството на мајката, таткото и помалата сестра, во нивниот дом во Дебар, тврди на полицијата дека таа не пукала. Таа призна дека го нарачала ликвидирањето, поради што притвор добија уште двајца мажи кои и помагале, но иако се најдени само нејзини траги, тврди дека таа не пукала. Сепак, полицијата според доказите е убедена дека таа ги убила родителите. Настанот го потресе Дебар, како и цела Македонија. Семејството било вратено од Италија каде со години живее и работи, а Блерта ги убила бидејќи не и дале да се омажи за Италијанец, како што изјави на полицијата. Семејството цели 17 часа лежело во крв пред да биде најдено, а сцените биле страшни. Блерта заминала во Италија, па кога и јавиле за убиството за кое наводно не знаела, се вратила пак во Дебар за да ги оплакува своите мајка, татко и сестра.

Потресно сведоштво: Жената која си ги уби родителите и сестрата во Дебар ја откри причината за трократното убиство (ФОТО)

Дарко Андоновски — Tue, 04 Sep 2018 19:49:38 +0000

„Тие не ми дозволија да се омажам за Италијанците”, кажала Блерта пред полицијата оправдувајќи го но и не признавајќи дека го убила семејството во Дебар. Таа признала дека е организатор на ликвидацијата, но не и убиец, открива венсикот на албански јазик KOHA. Според првичните сознанија на истрагата 28-годишниот Блерта Поцета го организира убиството на таткото, мајката и 13 -годишната сестра, но тврди дека не пукала лично. Но во куќата полициската форензика открила само нејзини траги, но не и од други лица, па се уште не е исклучена можноста сепак и таа да учествувала во убиството. Пиштолот со кој биле убиени бил купен од Ферди Г, момче од Гостивар. Според информациите од италијанската полција таа користела наркотични дроги и во Италија била заведена како нарко зависник. Повеќе детали во најновиот број на весникот KOHA.

МВР со детали: Притвор за ќерката која си ги уби родителите и сестрата, притворени и помагачите

Катерина Бојаџиева — Mon, 03 Sep 2018 12:28:07 +0000

Одреден е притвор во траење од 48 часа на постарата ќерка на семејството Поцеста Б.П. (28), осомничена дека го извршила грозоморното тројно убиство во Дебар и дека таа го застрелала својот татко Агим, мајката Назмие и 14- годишната сестра Анила. -Надворешната канцеларија за криминалистички работи Дебар до Основното јавно обвинителство во врска со убиството на А.П. (54), Н.П. (53) и нивната 14-годишна ќерка во Дебар поднесе кривична пријава против Б.П. (28) од Дебар поради основано сомнение дека сторила кривично дело „убиство“, како и против Ф.Г.(31) од Гостивар и В.К. (61) од Дебар за помагање во врска со „убиство“. Б.П., Ф.Г. и В.К. се приведени, а судија на претходна постапка од Основниот суд Гостивар им одреди притвор во траење од 48 часа, информираат од МВР.

Нови детали за тројното убиство во Дебар: Пиштолот пронајден на бензинска пумпа во Тетово

Катерина Бојаџиева — Mon, 03 Sep 2018 11:31:45 +0000

Постарата ќерка на семејството Поцеста од Дебар е осомничена за грозоморното убиството на нејзините родители и помалата сестра, неофицијално се дознава. 25-годишната девојка се наоѓа на распит во ОЈО. Тв21 дознава дека осомничената за трикратното убиство го извршила делото со уште тројца помошници. Едниот и обезбедил пиштол, вториот и помогнал да го изврши делото, а третиот бил задолжен да ѝ помогне со превозот. Како што неофицијално дознава телевизијата, пиштолот со кој е извршено убиството е пронајден на бензинска пумпа во Тетово. Девојката долги години живеела во Италија, пристигнала во родниот Дебар за да го изврши делото, а по убиството веднаш заминала за Италија. Повторно се вратила во земјава откако родинините телефонски и ја соопштиле веста дека се откриени телата на нејзините родители и нејзината сестра. Неофицијално, членови на семејството Поцеста биле членови на мафијашка група во Италија. Извори на Тв21 брифираат дека мотив за убиството најверојатно е одмазда бидејќи таткото сведочел против членови на групата во која членувала и неговата ќерка. Се очекува МВР и Обвинителството подоцна во денот да излезат со официјални информации. Трагичниот настан се случил на 26 август во три часот по полноќ.