тропска бура – Kurir.mk

Во поголем дел од Флорида прогласена вонредна состојба поради тропската бура

Ивона Петрова — Sun, 27 Aug 2023 09:39:28 +0000

Вонредна состојба е прогласена во поголемиот дел од Флорида поради најавата на метеоролозите дека тропска бура наскоро би можела да го зафати тоа подрачје. Гувернерот на Флорида, Рон Де Сантис прогласи вонредна состојба на брегот на Мексиканскиот залив од Форт Мајерс до Панама Сити, пренесува Си-Ен-Ен. Има 70 отсто можност до утре да се формира тропска бура, соопшти Националниот центар за урагани.

Најмалку 98 жртви во тропската бура „Налга“ на Филипините

Ивона Петрова — Mon, 31 Oct 2022 07:37:27 +0000

Најмалку 98 лица загинаа во тропската бура „Налга“ на Филипините. Повеќе од половина смртни случаи се регистрирани во јужниот регион Бангсаморо, главно поради свлечишта предизвикани од дождот, соопшти националната служба за вонредни состојби. Над 60 лица се водат како исчезнати, а 69 луѓе се здобија со повреди. Во регионот Бангсаморо загинаа 53 лица, додека 22 се водат како исчезнати. Штетата на инфраструктурата поради обилните дождови и силните ветрови, проценета е на 13 милиони долари.

ФОТО: Тажни сцени од Филипините, поплавите однесоа 45 животи, спасувачите извлекуваат жртви од вода и кал

Магдалена Андонова — Sat, 29 Oct 2022 09:07:58 +0000

Најмалку 45 лица ги загубија животите во тропската бура Налга на Филипините, која предизвика поплави и лизгање на земјиштето во јужните провинции, соопшти денеска Агенцијата за управување со катастрофи на земјата. Првично беше објавено дека животот го загубиле 72 лица, но агенцијата го коригирала првичниот извештај и навела дека бројот на загинати е помал, но дека 18 лица се водат за исчезнати, пренесе Ројтерс. Тропската бура, со максимални ветрови со брзина од 95 километри на час, со удари до 160 километри на час, рано утринава ја погоди источната провинција Катандуанес. Бурата донесе обилни врнежи и дождови во главниот град на провинцијата, како и во окружните провинции, а потоа продолжи преку главниот остров Лузон и се упати кон Јужното Кинеско Море, соопшти државната метеоролошка служба. Во петокот, спасувачките тимови извлекоа тела од водата и насобраната кал, откако бурата Налга донесе поплави и лизгање на земјиштето. Извлечени се 11 тела, меѓу кои и деца. Повеќе од 7.000 луѓе се евакуирани од патеката на невремето како мерка на претпазливост, соопшти владината агенција за АП. - Сега ги собираме сите спасувачки тимови и ќе одржиме состанок пред да распоредиме луѓе. Во Магуинданао повеќе не врне, така што ќе ни ја олесни работата, рече претставникот на агенцијата за катастрофи Насрула Имам. Годишно, Филипините ги погодуваат во просек по 20 тропски бури.

Тропска бура во Шпанија, едно лице загина

Тале Кристо — Mon, 26 Sep 2022 17:24:00 +0000

Тропската бура „Ермина“ придружена со обилни дождови погоди неколку региони во Шпанија, при што едно лице загина, а предизвикана е голема материјална штета, соопштија денеска локалните власти. На Канарските острови веќе трет ден врне силен дожд. Шпанската метеоролошка агенција АЕМЕТ објави дека ова е најдождливиот септември досега забележан на Канарските острови. Училиштата таму беа затворени како мерка на претпазливост, додека повеќе од 600 летови беа откажани во текот на викендот. Се очекува училиштата и аеродромите на Канарските Острови да продолжат со нормална работа од у тре, кога ќе помине невремето.

Расте бројот на загинати во тропската бура на Филипините

Ивана Ефремовски — Tue, 12 Apr 2022 18:25:19 +0000

Најмалку 43 лица загинаа во поплавите и свлечиштата предизвикани од тропската бура Меги во централниот и јужниот дел на Филипините, соопштија локалните власти. Спасувачките екипи денеска трагаа по 28 лица, а потрагата била затоа што се стемнило. Невремето предизвика свлечишта, како и порои од кал и врнежи. Повеќе од 17.000 луѓе ги напуштија своите поплавени куќи каде беше исклучена струјата. Меги, позната на Филипините по локалното име Агатон, е првата голема тропска бура што ја зафати земјата која годинава често беше жртва на природни катастрофи. (МИА)

Во тропската бура на Филипините настрадаа најмалку 28 лица

Тале Кристо — Tue, 12 Apr 2022 06:51:25 +0000

Најмалку 28 лица загинаа во поплавите и свлечиштата предизвикани од тропската бура Меги во централниот и јужниот дел на Филипините, соопштија денеска властите. Најмалку 22 лица загинаа во лизгање на земјиштето во најтешко погодената провинција Лејте, а 27 се водат како исчезнати, соопштија локалните власти. Три лица ги загубија животите во провинцијата Источен Хегрос, а уште три на јужниот остров Минданао, соопшти Националната агенција за управување со катастрофи. Повеќе од 17.000 лица ги напуштија своите поплавени домови каде што е исклучена струјата. Меги, позната на Филипините по локалното име Агатон, е првата голема тропска бура што ја погоди земјата, која инаку годинава често пати е погодена од природни катастрофи.

Едно лице загина, а 17.000 ги напуштиле домовите по налетот на тропската бура Меги на Филипини

Дарко Андоновски — Mon, 11 Apr 2022 06:57:37 +0000

Најмалку едно лице загина, а повеќе од 17.000 мораа да ги напуштат своите домови поради поплавите и лизгањето на земјиштето предизвикани од првата тропска бура на Филипините оваа година. Тропската бура Меги, локално наречена Агатон, во неделата го погоди источниот брег на земјата, а обилните дождови предизвикаа поплави и лизгање на земјиштето во погодените области. Осумдесет и тригодишен маж се удави во поплавите во провинцијата Давао Де Оро, 970 километри јужно од Манила, соопштија локалните власти. Две жени беа повредени кога беа погодени од поплави во блиската провинција Букиднон, соопшти Националната агенција за катастрофи. -Имаме извештаи за повеќе жртви, но го чекаме официјалниот попис и извештаите на нашите регионални колеги, изјави Марк Тимбал, портпарол на Националната агенција за катастрофи. Агенцијата соопшти дека 17.892 луѓе биле принудени да ги напуштат своите домови во 17 провинции погодени од бурата Меги, додека повеќе од 1.100 патници останале заглавени во пристаништата во погодените области откако крајбрежната стража го прекина морското патување. Меги оттогаш ослабе до тропска депресија, а максималната сила на ветерот сега е 55 километри на час и на удари од 75 километри на час, соопшти метеоролошката служба.

Тропската бура „Ана” усмрти најмалку 34 лица

Тале Кристо — Tue, 25 Jan 2022 13:48:09 +0000

Тропската бура „Ана” усмрти најмалку 34 лица во Мадагаскар и три во Мозамбик, а ја прекина струјата во Малави, соопштија денеска властите во трите земји. Невремето, кое се формира над источниот брег на најголемиот африкански остров Мадагаскар, донесе поројни дождови кои предизвикаа поплави и свлечишта во главниот град Антананариво. Во последниот извештај на Агенцијата за управување со катастрофи на Мадагаскар се вели дека 34 лица загинале, а речиси 65.000 останале без покрив над главата од минатата недела. Неколку ниски населби во главниот град и понатаму се во состојба на готовност, а во текот на ноќта почна итна евакуација. Од другата страна на Индискиот Океан, невремето во понеделникот стигна до континентална Африка, носејќи поројни дождови и силни ветрови во централниот и северниот дел на Мозамбик. Властите во Мозамбик во вторникот соопштија дека три лица загинале, а најмалку 66 се повредени. Според Националниот институт за управување со ризик од катастрофи, досега се погодени повеќе од 3.800 луѓе, а во текот на ноќта се уништени клиника и 16 училници. ОН предвидуваат дека невремето ќе предизвика големи поплави, ќе раселат луѓе и ќе ја оштети инфраструктурата. Невремето потенцијално ќе влијае на „многу ранливите популации веќе погодени од претходни природни катастрофи и конфликти во северен Мозамбик”, се вели во ажурирана информација на Канцеларијата на Обединетите нации за координација на хуманитарни прашања. Владата и агенциите на ОН проценуваат дека 500.000 луѓе би можеле да бидат погодени во провинциите Нампула, Замбезија и Софала во Мозамбик.

ВИДЕО: Њујорк зафатен од бурата Елза, откорнати дрвја и поплавени улици

Ивона Петрова — Sat, 10 Jul 2021 07:47:29 +0000

Тропската бура Елза, проследена со поројни дождови и силен ветер, го погоди американскиот град Њујорк и Нова Англија. Невремето предизвика поплави на улиците и нарушување на сообраќајот, најмногу на железничкиот, како и откорнати дрвја. Бурата го зафати градот Њујорк, еден ден откако беа поплавени градските улици и метро станиците. Се очекува денеска бурата да донесе поројни дождови на брегот на сојузната држава Мејн, а потоа да ја зафати Канада.

Фото: Градовите на југот од Флорида погодени од тропската бура Ета

Магдалена Андонова — Tue, 10 Nov 2020 12:22:51 +0000

Градовите на југот од Флорида се погодени од налетот на тропската бура Ета, јавува утрово агенцијата „АП“. Едно од најпогодените урбани подрачја е Форт Лодердејл. Многу домови се поплавени а водата не се повелекувала до часови. Тропската бура Ета пристигна вчера до јужните острови на Флорида во САД после поминувањето низ Централна Америка и Мексико каде зад себе остави десетици настрадани и преку 100 исчезнати лица. Властите во Флорида ги затвориле плажите, местата за тестирање на Ковид-19, го запрен е и сообраќајот а од луѓето се бара да не излегуваат на улиците. Ета имала максимална јачина на ветрот од 100км/ч.