Повеќе од една третина од жителите на САД се предупредени да не излегуваат надвор поради рекордните горештини

Дарко Андоновски — Thu, 16 Jun 2022 14:33:48 +0000

Властите во Соединетите Американски Држави апелираа до повеќе од 100 милиони Американци да не излегуваат надвор поради рекордните топлотни бранови, а експертите предупредуваат дека таквите температури може да станат вообичаени во услови на климатските промени. Според Гардијан, од вчера, дури 107,5 милиони луѓе, што е повеќе од една третина од населението, се предупредени да останат внатре, бидејќи поголемиот дел од земјата е погодена од потенцијално смртоносна комбинација на екстремно високи температури и влажност. Топлотниот бран ја зафати областа од бреговите на Мексиканскиот Залив на југ до Големите Езера на Блискиот Исток, објави Центарот за прогнози на Националната метеоролошка служба (NWS). – Ова е ден кога не само луѓето кои се склони кон болести поврзани со топлина, туку буквално сите што излегуваат надвор долго време се изложени на ризик од болести поврзани со високи температури, изјави за Си-Ен-Ен метеорологот Мет Бичер. Рекордно високи температури се измерени во САД, особено на југозапад, што ги поттикна градовите да најдат начини да се справат со, како што се вели, потенцијално смртоносна горештина. Во Лас Вегас, Невада, температурите достигнаа 43 степени Целзиусови, што е еквивалент на рекордот од 1956. NWS предупреди дека температурите може да се зголемат. Во Денвер, Колорадо, температурите надминаа 38 степени Целзиусови, што е еквивалентно на рекордот од 2013 година кога станува збор за највисоката температура и кога станува збор за најраниот ден кога живата во термометарот достигнала толку висока температура. Во Феникс, Аризона, каде жителите се повеќе се соочуваат со огромни жештини, четири последователни денови температурите достигнуваа 43 степени Целзиусови. Во тој период ноќните температури не паднаа под 27 степени. Имаше проблеми и во градовите на Средниот Запад, каде владините претставници се обидуваа да обезбедат начини за разладување за ранливите категории луѓе. Во Чикаго, каде што три жени починаа за време на топлотниот бран минатиот месец, се отворија центри за разладување откако во вторникот температурите достигнаа 38 степени. Градските власти соопштија дека 75 градски библиотеки ги отвориле вратите за граѓаните кои сакаат да се разладат поради загриженоста дека не може да се обезбеди соодветна заштита при опасните температури. Во Минеаполис, најмалку 14 училишта без климатизација беа принудени да се префрлат на онлајн настава. Научниците постојано предупредуваат дека периодичните интензивни топлотни бранови би можеле да станат вообичаени како што се продлабочува кризата со климатските промени.

Тропските горештини продолжуваат и наредната недела- во понеделник вистински температурен шок, останете дома!

Дарко Андоновски — Thu, 04 Jul 2019 10:29:28 +0000

Тропското време во земјава ќе потрае до средината на следната недела кога ќе има намалување на максималните температури за неколку степени. Денеска, пак, во попладневните часови ќе има локален развој на нестабилна облачност проследена со пороен дожд и грмежи. Поради големата енергија во атмосферата можна е и изолирана појава на поинтензивни процеси во форма на невреме со град и силен ветер, информираат од Управата за хидрометеолошки работи (УХМР). Утре во попладневните часови ќе биде врнежливо со грмежи, а локално ќе има услови за појава на поинтензивни процеси во форма на невреме. Потоа до вторник ќе преовладува претежно сончево и топло време. Минималните температури утре ќе се движат од 11 до 20 степени, а максималните од 28 до 36 степени. Во Скопје и околината слично време со утринска температура до 18 степени, а дневна до 32 степени. Во сабота минималните температури ќе се движат од 12 до 21 степен, а дневните од 29 до 37 степени, а во недела минималните температури ќе се движат од 12 до 20, а дневните од 30 до 38 степени. Во понеделник минималните температури ќе се движат од 13 до 22 степени, а дневните од 31 до 39 степени, додека во вторник минималните температури ќе се движат од 13 до 21 степен, а дневните од 31 до 38 степени. Пад од неколку степени ќе има в среда за кога се прогнозираат максимални 31 степен.

тропски горештини – Kurir.mk

Повеќе од една третина од жителите на САД се предупредени да не излегуваат надвор поради рекордните горештини

Тропските горештини продолжуваат и наредната недела- во понеделник вистински температурен шок, останете дома!