трудница – Kurir.mk

Дали трудниците смеат да јадат мед?

Ивона Петрова — Mon, 20 Mar 2023 11:45:08 +0000

Според некои стручни мислења, децата под една година не треба да јадат мед. Тоа, како што се вели, може да има бактерии особено опасни за доенчињата, пренесува порталот „Вери вел фемили“ (Very Well Family). Но, тоа го повлекува прашањето - дали и трудниците не смеат да јадат мед? - За среќа, ова слатко задоволство, во повеќето случаи, е сосем безбедно за Вас и Вашето неродено дете, објаснува гинекологот Брајан Левин. Од древноста, медот се ужива како храна, но и како домашен лек за одредени болести. Причината поради којашто некои луѓе го доведуваат во прашање медот е тоа што тој понекогаш ја содржи бактеријата „Clostridium botulinum“. Таа бактерија се размножува во цревата и може да произведе невротоксини што доведуваат до ботулизам - ретка, но сериозна болест што предизвикува слабост и парализа на рацете, нозете, стомакот и дишните органи. - Сепак, овој ризик не е опасност за повеќето деца и возрасни. Децата постари од една година и здравите возрасни - вклучително и бремените жени, можат безбедно да консумираат мед, бидејќи нивниот имунолошки систем ги штити од сите бактерии што може да ги содржи медот, појасни д-р Сенди Проктер, стручњак за исхрана и професорка на Државниот универзитет во Канзас (САД). Сепак, со оглед на тоа дека секоја жена и секоја бременост е различна, се препорачува и одделна консултација со лекар во врска со јадењето мед.

Кинески тим во Турција извлече трудница под урнатините

Дарко Андоновски — Fri, 10 Feb 2023 09:27:01 +0000

Кинески и локални спасувачки тимови синоќа извлекоа бремена жена затрупана под урнатините на зграда во јужниот турски град Антакија, три дена по катастрофалниот земјотрес што ја погоди таа земја и северна Сирија. Според Чајма Медиа Груп (China Media Group - CMG), 82-член кинески спасувачки тим, вклучително и специјалисти за потрага и спасување и медицински третман, се упати кон еден од најтешко погодените региони во Турција откако слетаа на меѓународниот аеродром во Адана во средата. „По пристигнувањето на местото на настанот, кинеските спасувачи веднаш им се придружија на нивните турски партнери во спроведувањето на планот за спасување и ја спасија жената“, изјави Жао Јанг, заменик лидер на кинескиот спасувачки тим. Тимот испратен од кинеската влада беше придружуван од неколку кинески цивилни тимови подготвени да се приклучат на меѓународните напори за спасување. Првата група од тимот на Blue Sky Rescue (BSR), професионална непрофитна организација за пребарување и спасување, пристигна во Турција во средата. Многумина од 50-члениот тим имаат меѓународно искуство за спасување.

МНОГУ Е ВАЖНО: Трудниците несериозно го сфаќаат овој совет, а истиот може да им спаси живот

Ивана Ефремовски — Tue, 27 Dec 2022 17:18:30 +0000

Кога станува збор за породувањето, едно од важните правила е дека не смеете да пристигнувате со лакирани нокти. Многу луѓе не разбираат зошто се применува ова правило и додека некои мислат дека тоа е сосема во ред, други се на мислење дека лакот за нокти не може да наштети на трудницата или на бебето. Сепак, се поставува прашањето, која е вистинската причина за ова правило и зошто е забрането да се доаѓа на породување со фарбани нокти? Вистинската причина лежи исклучиво во здравјето и безбедноста на трудницата. Лакот за време на породувањето е забранет поради една исклучително важна причина - преку бојата на ноктите се гледаат многу работи, од разни промени во телото на мајката, па се до компликации по породувањето, а за лекарите тоа е првиот знак дека со состојбата на жената, всушност, нешто не е во ред. Промените во ноктите кои може да се забележат при породувањето се важни за лекарите за навреме да ги откријат можните компликации. Кога ноктите на мајката се безбојни и природно розови, се е во ред. Но, ако има промена во бојата, па тие стануваат бели, жолти или сини - ова укажува на недостаток на кислород во телото, што е многу опасно за време на породувањето. Токму затоа е важно да не се мачкаат ноктите на родилката за да може навреме да се открие таков проблем кој може да биде пресуден за здравјето на трудницата.

Првата мисла на Ријана наутро и е „дали мора да се облечам“ – пејачката откри и во кој месец од бременоста е

Дарко Андоновски — Thu, 17 Mar 2022 14:49:54 +0000

Ријана неодамна искрено разговараше за својата бременост додека ја лансира сопствената линија производи „Фенти бјути“ во „УЛТА бјути“. Во текот на настанот 34-годишната поп-ѕвезда изјави за „Ел“: „Се будам наутро и првата мисла ми е – мора ли да се облечам?“ „Сè е предизвик, од тоа што да облечете и како ќе се шминкате. Но, јас сакам предизвици“. Ријана, која го чека своето прво дете со партнерот АСАП Роки, додаде дека е во третото тримесечје од бременоста: „Постои труднички сјај. А ги има и оние денови“. Таа објасни: „Лицето станува малку заоблено. Носот почнува да се шири. Сè е предизвик, од облекувањето и начинот на кој ќе се шминкате. Но, сакам предизвици“.

ТРАГЕДИЈА: Починаа мајката и бебето од Мариупол чија фотографија го обиколи светот

Ивона Петрова — Mon, 14 Mar 2022 07:58:04 +0000

Бремена жена и нејзиното бебе починаа откако Русија го бомбардираше породилиштето каде што требало да се породи, дознава Асошиетед прес. Сликите на жената како итно однесена во амбулантно возило на носилки го обиколија светот, прикажувајќи го ужасот на нападот врз најневините во човештвото. На видеото и фотографиите снимени во средата од новинарите на АП по нападот на болницата, се гледа како жената го гали крвавиот долен дел на стомакот додека спасувачите брзаат со неа низ урнатините во опколениот град Мариупол, а нејзиното лице го отсликува нејзиниот шок од она што штотуку се случило. Сфаќајќи дека го губи своето бебе, таа на лекарите им рекла: „Убијте ме сега! Хирургот Тимур Марин открил дека жената имала пголеми повреди на карлицата, а колкот и бил изместен. Лекарите ја породиле со царски рез, но бебето „не покажувало знаци на живот“. По губењето на бебето, докторите се фокусирале на спасување на мајката. -Повеќе од 30 минути реанимација на мајката не даде резултати, рече Марин во саботата додавајќи дека двајцата починале. Во хаосот по воздушниот напад во средата, лекарите немаа време да го дознаат името на жената пред нејзиниот сопруг да дојде да ги земе телата.

„Твоето раѓање е надеж, во ова мрачно време“ – трудница се породи во метро станицата во Киев (ФОТО)

Дарко Андоновски — Sat, 26 Feb 2022 09:27:57 +0000

Среде хаосот предизвикан од руската инвазија на Украина, додека детонациите одекнуваа низ Киев, се породи жена во метро станицата каде илјадници граѓани побараа засолниште. Додека се криела од нападот во импровизираното засолниште, синоќа, нешто пред 20.30 часот, оваа млада жена родила девојче по име Миу, а нејзиниот плач го слушнала украинската полиција која притрчала на помош. Никола Шлапак, полицаец кој бил таму во вистинско време, рекол дека и помогнале да се породи, а потоа повикнале брза помош која ги однела мајката и бебето во болница.

👶A young mother gave birth to her daughter in an underground metro station in Kyiv last night. Hannah Hopko, a Ukrainian politician, shared a picture of baby Mia online, saying: "Mia was born this night in stressful environment- bombing of Kyiv" https://t.co/Gp50i0A4Ax pic.twitter.com/SMlDd7NBsN
— The Telegraph (@Telegraph) February 26, 2022

„Твоето раѓање е надеж, во ова мрачно време“, извикуваа присутните, опишувајќи го настанот на кој биле сведоци како ништо друго освен чудо. Фотографијата од мајката на Мија (23) брзо го обиколи светот, а веста за нејзиното раѓање брзо се прошири на социјалните мрежи, пренесува „Дејли мејл“. Миа е родена во засолниште вечерва во стресна средина, за време на бомбардирањето на Киев. Додека Путин убива Украинци, ги повикуваме мајките на Русија и Белорусија да протестираат против војната меѓу Русија и Украина. Бранете ги животите и човештвото“, рече претседавачот на конференцијата Демократија во акција, Хана Хопко.

УЖАС: „Исцелител“ од Пакистан заковал шајка во глава на трудница, тврдел дека така ќе роди син

Ивана Ефремовски — Thu, 10 Feb 2022 09:01:18 +0000

Бремена жена се појавила во пакистанска болница со шајка забиена во главата од исцелител, гарантирајќи дека ќе роди машко дете, соопштија медицински извори. Трудницата дошла во болницата во Пешавар, северозападно од Пакистан, откако сама се обидела да го извади клинецот, изјавил за францускиот печат неименуван лекар кој ја примил пациентката. „Таа беше целосно свесна, но имаше големи болки. Рендгенот покажа дека клинецот бил забиен пет сантиметри во черепот, но не стигнал до мозокот“, додал докторот. Жената рекла дека е мајка на три ќерки и дека чека уште едно девојче. Традиционалните исцелители, чии практики често се вкоренети во мистицизмот, се вообичаени во Пакистан иако различни исламски училишта не ги одобруваат таквите ритуали. Во Јужна Азија раѓањето на момче често се смета за добар знак, бидејќи се верува дека тој може подобро да обезбеди финансиска иднина за своите родители отколку девојче. Полицијата соопшти дека сè уште го испрашува пациентот, надевајќи се дека наскоро ќе го „фатат исцелителот“.

ВИДЕО: Ја воодушеви публиката со кореографијата, трудница во 35. недела заигра салса

Ивона Петрова — Thu, 14 Oct 2021 08:33:15 +0000

Бременоста кај секоја жена влијае поинаку. Некои со месеци лежат во кревет, додека други се хиперактивни. Оваа трудница заблеска на танцовиот подиум во високи потпетици и фустан соодветен за танцување салса. Таа во 35-тата недела од бременоста заигра со својот партнер совршено одигрувајќи ја кореографијата. Според научниците, танцот е еден од најдобрите начин да останете активни. Ако не сте под посебен лекарски надзор, танцувањето ќе ви помогне за флексибилноста, одржувањето на мускулите и активноста на срцето и белите дробови.

Бремена жена од Авганистан префрлена на ГАК во Скопје

Ивона Петрова — Tue, 31 Aug 2021 05:36:00 +0000

Првата група од 149 граѓани од Авганистан преку Грузија синоќа пристигна на скопскиот аеродром. Првата жена што се симна од авионот е во 39-тата недела од бременоста и со возило на Итна медицинска помош е однесена на Гинеколошката клиника во Скопје. Раководителката на Итната медицинска помош Милица Бубало истакна дека според информациите, меѓу патниците имало уште четири трудници. –Солидарноста која што ја најавувавме веќе неколку дена денеска ја демонстрираме на дело и им овозможуваме топло добредојде на оние што им е најпотребна. Бројката за која што ние имаме дадено согласност досега и за кое што има барање е околу 750 граѓани пред се жени и деца на вработени во овие меѓународни организации, изјави министерот за надворешни работи Бујар Османи. На граѓаните од Авганистан, кои имаат статус на лица со привремен престој им се издава виза за привремен престој од 90 дена, а потоа треба да заминат на друга безбедна дестинација или во САД.

ТАГА ДО НЕБОТО: Популарната пејачка почина по породувањето, нејзиниот сопруг го снимаше моментот кога им ја соопшти веста на четирите деца

Дарко Андоновски — Tue, 10 Aug 2021 12:05:27 +0000

Популарната малезиска пејачка Сити Сара Рајсудин почина од последиците од ковид -19 само неколку дена откако роди момче – нејзиното четврто дете. Сити беше ставена во индуцирана кома во осмиот месец од бременоста поради ниските нивоа на кислород, за да може да се роди нејзиното бебе. Бебето е спасено, но пејачката не доби шанса да го запознае.

View this post on Instagram

A post shared by Siti Sarah Raissuddin (@sitisarahraissuddin)

Нејзиниот сопруг во изјава за медиумите рече дека последен пат разговарал со сопругата преку видео повик и дека солзи ѝ течеле по лицето. – Таа сфати што се обидуваме да ѝ кажеме – рече тој и додаде дека не знае како ќе им ја пренесе оваа вест на своите деца.

View this post on Instagram

A post shared by Siti Sarah Raissuddin (@sitisarahraissuddin)

Тамошните медиуми претходно пишуваа дека целото семејство било позитивно за ковид-19, и дека биле заразени од лице кое им помагало во домашните работи.

View this post on Instagram

A post shared by Siti Sarah Raissuddin (@sitisarahraissuddin)