трудо – Kurir.mk

Овој странски лидер е првиот кој што разговарал со новиот американски претседател Џо Бајден

Тале Кристо — Sat, 23 Jan 2021 07:56:55 +0000

Канадскиот премиер Џастин Трудо и американскиот претседател Џо Бајден планираат да се состанат следниот месец, соопшти кабинетот на премиерот по телефонскиот разговор меѓу двајцата лидери за односите меѓу двете земји, во кој се согласија да ги здружат силите во борбата против коронавирусот во Северна Америка. Белата куќа потврди дека двајцата лидери ја нагласиле „стратешката важност на американско-канадските односи“ во вчерашниот разговор, како и дека дискутирале за поширока соработка, вклучително и за борбата против пандемијата на Ковид-19 и справување со климатските промени. Потврдено е дека Трудо и Бајден повторно ќе разговараат за еден месец, а канадскиот премиер е првиот странски лидер што разговарал со Бајден од неговата инаугурација во средата.

Трудо повика на единствен фронт против Кина заради апсењето странски државјани

Тале Кристо — Fri, 15 Jan 2021 07:03:10 +0000

Канадскиот премиер Џастин Трудо ги повика земјите ширум светот да создадат единствен фронт против апсењето странски државјани во Кина. Британските медиуми јавуваат дека Трудо ова го побара откако Канада повеќепати бараше од своите партнери да извршат притисок врз Пекинг да ослободи двајца уапсени канадски државјани. -Имаме огромно ниво на координација, не само со САД, туку и со сојузниците ширум светот, со цел постојано да го поставуваме прашањето за присилната дипломатија, што Кина се почесто ја користи, рече Трудо во интервју емитувано вчера. „Кина уапси двајца мажи откако канадската полиција, по американски налог, ја уапси шефицата на финансиската служба на компанијата „Хуаевј“, Менг Ванџу. Таа се наоѓа во домашен притвор во Ванкувер додека ја води правната битка за да биде испорачана во Кина, додаваат британските медиуми.

Трудо забрани продажба на рудник за злато на кинеска државна компанија

Тале Кристо — Wed, 23 Dec 2020 14:05:44 +0000

Канада забрани кинеската државна компанија „Шандонг голд мининг“ (Ѕhаndоng Gоld Міnіng Со.) да купи рудник за злато во канадскиот дел на Артикот. Премиерот Џастин Трудо се соочува со притисок од Пекинг за зголемување на влијанието на Кина во поларниот регион, објави „Волстрит џурнал“. Тоа е второ вето на Трудо за кинеска зделка, што дополнително може да ги влоши односите помеѓу Канада и Кина. Односите помеѓу Отава и Пекинг се тензични по затворањето на Менг Вахзо, главниот финансиски директор на Хуавеј и неговата ќерка. Таа беше приведена кон крајот на 2018 година во Ванкувер под обвинение дека Хуавеј ги прекршила американските санкции кон Иран. Потоа во Кина беа приведени двајца Канаѓани, а Трудо тоа го оцени како одмазда. „Шандонг“ е една од најголемите компании за експлоатација на злато во светот, и се обидува да го купи „ТМАС Ресурс“, рудникот за злато што се протега на 200 километри на Северниот пол, за околу 150 милиони американски долари. Според канадските закони, Владата може да забрани продажба на странска државна компанија, во случај на загрозување на националаната безбедност. Трудо првпат стави вето за продажба на „Ејкон груп“ (Аесоn Grоuр) на Кина.

Трудо клекна на протест против расизмот во Отава

Тале Кристо — Sat, 06 Jun 2020 07:45:59 +0000

Канадскиот премиер Џастин Трудо вчера присуствуваше на протест против расизмот во Отава и клекна во знак на солидарност со демонстрантите. По убиството на Џорџ Флојд во Минеаполис при полициското апсење, низ САД избувнаа протести поради бруталноста на полицијата, кои на моменти беа и насилни, а имаше и слични протести во други земји, вклучително и Канада. Трудо во Отава пристигна со обезбедување носејќи црна платнена маска на лицето. Откако неколку демонстранти го повикаа да клекне, тој го стори тоа, по што тие му се заблагодарија. Тој кимна со главата и демонстрантите извикуваа „црните животи се важни“. Трудо на почетокот од неделава изјави дека Канаѓаните се ужаснати од убиството на Флојд.

Трудо ги поддржува демонстрациите против расизмот и дискриминацијата

Тале Кристо — Mon, 01 Jun 2020 17:59:13 +0000

Канадскиот премиер Џастин Трудо денеска ги поддржа мировните демонстрации против расизмот и дискриминацијата и ги осуди оние што ги создадоа проблемите. – Расизам против црнците, системска дискриминација, неправда – постои и тука, рече Трудо на почетокот на денешниот брифинг со новинари, по повод неколкудневните протести низ САД и Канада против убиството на Афроамериканецот кој беше убиен од белец полицаец во Минеаполис. – Со собирањата, Канаѓаните испраќаат порака дека нема да толерираат неправда, додаде канадскиот премиер, ветувајќи дека неговата Влада ќе ја продолжи борбата против расизмот.

Трудо и Трамп имале конструктивен разговор за трговските преговори

Ристе Здравков — Tue, 28 Aug 2018 07:54:17 +0000

Канадскиот премиер Џастин Трудо и претседателот на САД Доналд Трамп имаа конструктивна дискусија по веста за постигнатото разбирање меѓу Вашингтон и Мексико за повторни преговори за северноамериканскиот договор за слободна трговија, соопшти кабинетот на канадскиот премиер. „Лидерите го поздравија постигнатиот напредок во разговорите со Мексико и со нетрпение очекуваат нивните тимови неделава да ги продолжат преговорите за да ги доведеме до успешен крај", се наведува во соопштението од канцеларијата на Трудо. Претседателот Доналд Трамп вчера соопшти дека САД постигнале многу добар трговски договор со Мексико во рамките на ревизијата на северноамериканскиот договор за слободна трговија (НАФТА), склучен во 1994 година од страна на Мексико, Канада и САД. Сега се очекува Канада да се врати на преговарачка маса и веднаш по веста за преговори меѓу САД и Мексико, канадската министерка за надворешни работи Кристија Фриленд соопшти дека се враќа во Вашингтон, за да продолжи со преговорите кои се водат една година, прекинувајќи ја дипломатската турнеја во Европа. Фриленд, која има украински корени, ја откажа за денеска планираната посета на Киев и средбите со украински лидери.