труп – Kurir.mk

ТРАГЕДИЈА: Пронајден машки труп во каналот од хидросистемот „Брегалница“

Ивана Ефремовски — Tue, 27 Jul 2021 13:54:39 +0000

Работници во водостопанската подружница „Брегалница“ од Кочани при редовната дневна проверка и рутинско чистење на каналите за наводнување, претпладнево пронашле машки труп во десниот магистрален канал. Телото било забележано на металната решетка во каналот што се наоѓа во кругот на Територијалната противпожарна единица во Кочани. Притоа е констатирано дека се работи за маж на околу 65-годишна возраст. За настанот веднаш била известена Полициската станица во Кочани, по што екипа од Одделението за внатрешни работи и јавен обвинител вршат увид на теренот. Засега не е познат идентитетот на лицето и дали станува збор за несреќен случај. (МИА)

УЖАС: Седум години го чувал трупот на својата мајка за да ја добива нејзината пензија

Ивана Ефремовски — Fri, 04 Jun 2021 11:21:52 +0000

Еден 47-годишен маж со српско потекло бил уапсен во вторникот во Париз, откако се пријавил во полиција дека го сокривал трупот на својата мајка за да продолжи да ја добива нејизната пензија, јави дописникот на МИА. Како што објави денеска весникот „Ле Паризиен“, во вторникот околу 7:30 часот, човекот отишол во полициска станица за да ја открие својата страшна тајна. Тој на полицаец му рекол дека неговата мајка починала во 2014 година, на 75-годишна возраст, во станот во 20-тиот арондисман, каде што живеела сама. Тој прецизира дека боледувала од рак и дека ќе умрела како резултат на оваа болест. Во бањата од станот полицијата го открила мумифицираното тело на мајката, сместено во во куфер покриен со церада. Тој користел и пена за прикривање на непијатниот мирис. Аутопсијата спроведена во средата, на 2 јуни, во форензичкиот институт во Париз, не открила траги од насилство, со што се исклучила тезата за намерно убиство. Според „Ле Паризиен“, полицијата верува дека човекот решил да ја открие својата тајна затоа што било наредено ислеување од станот и дека не знаел што да прави со мумијата. Мажот бил ослободен во средата вечерта во Париз, каде бил во полициски притвор речиси 48 часа поради прикривање на труп. Истрагите спроведени од судската полиција продолжуваат под надлежност на обвинителството во Париз. (МИА)

Труп во фаза на распаѓање пронајден во реката Лепенец кај скопско Бардовци

Тале Кристо — Sat, 06 Mar 2021 16:48:26 +0000

Труп во фаза на распаѓање бил пронајден во канал на реката Лепенец кај село Бардовци. На 05.03.2021 во 10,00 часот во СВР Скопје, З.Р.(40) од Скопје пријавил дека во с.Бардовци, скопско, во близина на сепарација, во канал на реката Лепенец било пронајдено човечко тело кое било делумно распаднато. Телото било извадено и по наредба на јавен обвинител е предадено на Судска медицина за обдукција.

ТРАГЕДИЈА КАЈ СТРУМИЦА: Пронајден труп во водите на акумулацијата „Турија“

Катерина Бојаџиева — Mon, 05 Aug 2019 18:11:53 +0000

Попладнево околу 18 часот во водите на акумулацијата „Турија“ кај Струмица е пронајден човечки труп во резервоар за гориво од товарно моторно возило.

Веста за МИА ја потврди портпаролката на СВР Струмица, Хризантема Рендевска, која инфомираше дека трупот по наредба на јавен обвинител е предаден на судска медицина за да се изврши обдукција и идентификација.

Додаде дека на местото на настанот полициски службеници од СВР Струмица и јавен обвинител продолжуваат со преземање други истражни дејства за целосно документирање и расчистување на случајот.

Пронајден човечки труп кај Љуботен

Ивана Ефремовски — Tue, 30 Apr 2019 13:14:01 +0000

Човечки труп бил пронајден во атар на скопското село Љуботен, дознава 24 Инфо. Веста ја потврдија од МВР. Трупот бил пронајден кај местото викано Башанец. Станува збор за труп кој е во поодмината фаза на распаѓање. По обдукцијата ќе биде познато како починало лицето, а се работи на идентификација на телото.

Извлечен труп од Вардар кај Камениот мост

Ристе Здравков — Sat, 15 Sep 2018 07:16:17 +0000

Од водите на реката Вардар во Скопје вчеравечер бил извлечен труп. Засега не се знае идентитетот на жртвата.

Според информациите од Противпожарната служба, вчера од 23 и 20 до 23 и 55 траела акцијата за извлекување на трупот од Вардар, под Камениот мост. Пожарната интервенирала со две возила и шест пожарникари.