тунели – Kurir.mk

ВИДЕО: Израелците упаднаа во тајните тунели на Хамас

Ристе Здравков — Tue, 31 Oct 2023 10:23:07 +0000

Израел соопшти дека неговите сили нападнале вооружени милитанти на Хамас во огромната мрежа на тунели на исламистите под Газа, откако премиерот Бенјамин Нетанјаху ги отфрли повиците за прекин на огнот за да се олесни хуманитарната криза во палестинската енклава. Тунелите се клучна цел за Израел бидејќи ги проширува копнените операции во Газа за да го уништи движењето Хамас по неговиот вооружен напад пред три недели, во кој израелските власти велат дека загинале повеќе од 1.400 луѓе.

Over the last day, during ground operations:

🔻Numerous Hamas terrorists have been eliminated.

🔻The IAF struck terrorist targets and infrastructure.

🔻IDF combat forces struck approximately 300 targets, including:

• Anti-tank missiles posts.
• Rocket launch posts.
•… pic.twitter.com/RymFDCFrw1
— Israel Defense Forces (@IDF) October 31, 2023

„Во текот на изминатиот ден, израелските одбранбени сили (ИДФ) погодија приближно 300 цели, вклучително и противтенковски и ракетни места за лансирање под земја, како и воени комплекси во подземни тунели кои припаѓаат на терористичката организација Хамас“, објави ИДФ.

Hamas. We are in Gaza and we're here for you. pic.twitter.com/L4HJxxmo1G
— The Mossad: Satirical, Yet Awesome (@TheMossadIL) October 31, 2023

Милитантите одговорија со противтенковски проектили и митралези, се додава. „Војниците ги убија терористите и ги насочија воздухопловните сили да напаѓаат цели и терористичка инфраструктура во реално време“, соопшти ИДФ. Очевидци изјавија дека израелските сили во понеделникот го нападнале главниот пат север-југ на Газа и го нападнале градот Газа од два правци. Израел соопшти дека неговите сили ослободиле жена војник од заробеништво на Хамас. Хамас, вооружената исламистичка група која владее со Газа, досега ослободи четворица цивили од 239-те заложници што Израел вели дека биле заробени на 7 октомври. Се верува дека многу од заложниците се во мрежата на тунели на Хамас. Бригадите Ал-Касам, вооруженото крило на Хамас, соопштија дека милитантите се судриле рано утрово со израелските сили кои „ја нападнале јужната оска на Газа и целеле четири возила со проектили Ал-Јасин 105“. Ројтерс не можеше да ги потврди извештаите за борби.

Israeli fighter jets attack the city of Khan Yunis in southern Gaza. pic.twitter.com/aLAfSwD6yu
— Quds News Network (@QudsNen) October 31, 2023

Здравствените власти во Газа соопштија дека 8.306 лица, меѓу кои 3.457 малолетници, се убиени во израелските напади од 7 октомври. Претставници на ОН соопштија дека повеќе од 1,4 милиони од цивилното население во Газа од околу 2,3 милиони останале без покрив над главата. Зголемениот број на жртви резултираше со повици од САД, најголемиот сојузник на Израел, други земји и ОН за пауза во борбите за да се овозможи поголема хуманитарна помош да стигне до енклавата. Нетанјаху доцна во понеделникот рече дека Израел нема да се согласи со прекин на непријателствата со Хамас во Газа и дека ќе продолжи со своите планови за уништување на групата. „Повиците за прекин на огнот се повици до Израел да му се предаде на Хамас, да му се предаде на тероризмот, да му се предаде на варварството. Тоа нема да се случи“, рече Нетанјаху во телевизиско обраќање. Воени експерти рекоа дека израелските сили полека се движат во копнената офанзива делумно за да ја задржат отворена можноста милитантите на Хамас да преговараат за ослободување на заложниците. Релативната претпазливост со која израелските трупи зазедоа и обезбедија делови од територијата во првите денови од постојаните копнени операции во Газа е во спротивност со постојаните воздушни напади врз медитеранската енклава во изминатите три недели, како и со претходните израелски копнени офанзиви. Израелската војска соопшти дека погодила повеќе од 600 цели на милитантите во последните денови во Газа, каде на палестинските цивили очајно им треба гориво, храна и чиста вода. Канцеларијата за хуманитарна помош на ОН (OCHA) соопшти дека во понеделникот „од непознати причини“ е прекинато водоснабдувањето преку цевковод од Израел до јужниот дел на Газа, а најавената поправка на друг цевковод до централна Газа не е извршена. „Во моментот на пишување, Газа не добива вода од Израел“, соопшти канцеларијата на својата веб-страница. Многу помалку камиони со хуманитарна помош стигнаа до опколената енклава отколку што беше потребно, рекоа официјални лица на ОН, а јавниот ред е нарушен од луѓе кои упаднаа во магацините на ОН во потрага по храна. Како резултат на тоа, четири центри за дистрибуција на помош на ОН и еден магацин престанаа да работат, објави во понеделникот Агенцијата за бегалци на Обединетите нации (UNRWA). „Тоа е катастрофа над катастрофа. Здравствените потреби растат и нашата способност да ги задоволиме тие потреби рапидно опаѓа“, рече регионалниот шеф на СЗО за итни случаи Рик Бренан, повторувајќи ги меѓународните повици за прекин на огнот за да се овозможи поголема хуманитарна операција. Тони помош се трупаат на граничниот премин Рафах, кој го дели Египет од Газа, во очекување на израелска инспекција, според американски официјален претставник кој сакаше да остане анонимен. Според ОН, само 117 камиони со помош пристигнале меѓу 21 октомври и понеделник наутро во Газа, која е под израелска блокада од 2007 година кога Хамас ја презеде власта. Израелското Министерство за одбрана во вторникот соопшти дека во понеделникот пристигнале уште 39 камиони. Конфликтот доведе до протести ширум светот за поддршка на Палестинците и антисемитски и исламофобични инциденти.

Џабе фалење, пропаднаа и тунелите на Шилегов

Ристе Здравков — Thu, 10 Sep 2020 12:27:04 +0000

Од големи ветувања очекувања до големи неуспеси и разочарувања. Така накратко може да се опише мандатот на градоначалникот на Град Скопје, Петре Шилегов. Тунели, мостови, булевари, решавање на сообраќаен хаос, чист воздух беа најголемите ветувања на Шилегов кои скопјани со нетрпение ги очекуваа, а не ги добија. Неуспех до неуспех, а уште еден во низата се помпезно најавуваните тунели под Кале. Вчера тунелите „пропаднаа“. Проектот ќе мора да почека некои други времиња или друг градоначалник кој ќе го сработи. Град Скопје го раскина договорот со фирмата „Мега инженеринг“, бидејќи не ги испочитувала роковите за старт на градежните работи. Договорот беше потпишан во јуни минатата година, а градежните работи имаа рок од 6 месеци кои наводно заради сложеноста на проектот се продолжија за уште 6 месеци, но и по година од договорот не е ни започнат. За потсетување, ова не е прв неуспех за истиот проект, претходно во февруари 2019 година беше поништен тендерот за избор на фирма која требаше да ги проектира тунелите. Дали станува збор за неподобноста на компаниите или постојат и други бирократски и позадински кочници, тоа допрва треба да се дознае. Тоа што се знае е дека Шилегов вети, а не испорача тунели. Планот беше делницата да ја спои пластичарската улица во Чаир со булеварот Свети Климент Охридски во Центар, каде требаше да се пробива тунел под Калето, а потоа мост Вардар кај Владата. Ова наводно требаше да ги реши гужвите во скопскиот сообраќај. За жал ќе се почека. Почетокот на реализација беше најавен лично од Шилегов уште на 24 септември 2018 кога тој вети дека во септември 2019 скопјани ќе може да го очекуваат стартот на проектот. Дојде септември 2020 единствено што видовме е пропаднат проект кој ќе чека подобри времиња и подобар градоначалник.

Тунелите на автопатот кај Демир Капија утре ќе останат без струја

Ивана Ефремовски — Tue, 26 Feb 2019 08:50:10 +0000

Утре во периодот од 9:30 часот до 10:00 часот ќе има прекин во напојувањето со електрична енергија во тунелите на автопатот кај Демир Капија. Како што соопштуваат од ЈП „Македонија Пат“ прекинот во снабдувањето со струја е поради изведување електричарски работи од страна на екипи на ЕВН

Внимателно возете, без струја тунелите на патот Демир Капија – Смоквица

Ивона Петрова — Wed, 03 Oct 2018 08:21:01 +0000

Напојувањето со електрична енергија на тунелите на патот Демир Капија - Смоквица од страна на Демир Капија денеска и во наредните неколку денови ќе биде во прекин. Напојување ќе има само од страна на Удово. Ова го соопшти ЈП Македонија пат по известување од ЕВН Македонија. Доколку дојде до прекин во напојување од двете страни, како што се посочува, сообраќајот на автопатот Демир Капија - Смоквица во двете насоки ќе се одвива под посебни услови во тунелите.

Почнува постапката за изградба на тунелите под Кале

Ивона Петрова — Mon, 24 Sep 2018 13:48:36 +0000

Градоначалникот на Скопје Петре Шилегов на денешната прес-конференција со видеопрезентација го најави почетокот на постапката за проектирање на капиталниот градежен зафат „Тунелите под Кале“. - Целта на Град Скопје со овој проект е да го поврзе булеварот „Св. Климент Охридски“ со Пластичарска улица во Чаир. Булеварот ќе биде издигнат на височина од шест до девет метри. Потоа, од зградата на Владата сообраќајот ќе се одвива по нов мост преку реката Вардар кој ќе биде долг 173 метри, а широк 20 метри и ќе има четири сообраќајни ленти. Мостот ќе продолжува како вијадукт долг 262 метри се до влезот во тунелот под Калето, рече Шилегов. Нагласи дека Скопје првпат ќе добие тунел долг 250 метри, а широк 20 метри. Од тунелот сообраќајот ќе продолжи на кружен тек издигнат пет метри над Пластичарската улица. Со овој проект Град Скопје го оформува вториот сообраќаен прстен во метрополата. Тоа ќе овозможи брз влез и излез на возилата од центарот и од северната страна на градот. Рутата ќе ја користат и автобусите на јавниот превоз. - Со подземни тунели под Кале и нов мост преку Вардар ги спојуваме двете страни на Скопје. Голем дел од планираните транзитни и градски магистрали во градот не се реализирани, што претставува сериозна тешкотија за нормално одвивање на сообраќајот. Продолжувањето на булеварот „Св. Климент Охридски“, со мост над реката Вардар, со тунел под Скопското кале и поврзување со булеварот „Никола Карев“ (Пластичарска улица) ќе ја зголеми мобилноста и протокот на возила и ќе има позитивни еколошки ефекти од намалената емисија на гасови и бучава, рече Шилегов. Според одредени анализи, секојдневно на мостот „Гоце Делчев“ транзитираат од 80 до 90 илјади возила. Со ова решение ќе се растовари сообраќајот во западниот дел од градското подрачје. Оската југ-запад ќе стане пофункционална, а се очекува голем дел од возилата кои транзитираат кон северните делови на градот да се движат по новоизградената сообраќајница. Шилегов објасни дека постои можност за изведба на сообраќајницата во фази. Прва фаза - булевар „Св. Климент Охридски“ од пред крстосницата со булеварот „Илинден“ со изградба на мост и вијадукт до тунелот, втора фаза - тунелот како посебен и трета фаза - булеварот „Св. Климент Охридски“ и крстосницата со булеварот „Никола Карев“. - Со проектот „Тунели под Кале“ ставаме крај на сообраќајниот метеж во централното градско подрачје. Го растоваруваме сообраќајот на Бит-Пазар, Цветан Димов и на мостот „Гоце Делчев“. До саканата дестинација ќе се пристигнува за најмалку пет до 20 минути побрзо за разлика од сега. Тоа придонесува за заштеда на време и на гориво, а намалениот обем на сообраќај значи и почист воздух во Скопје – нагласи градоначалникот Шилегов.

Ирваси и овци се кријат во тунели поради високите температури, издадено предупредување за возачите во Норвешка

Ивона Петрова — Mon, 06 Aug 2018 17:35:17 +0000

Властите во Норвешка ги предупредиле денес возачите да внимаваат на ирваси и овци кои засолниште од високите температури наоѓаат во тунелите. Норвешката Агенција за јавни патишта соопштила дека минатиот месец дошло до судир меѓу мотоциклист и ирвас, додека медиумите јавуваат дека од 10 јули имало 44 вакви судири, најголем дел фатални за животните. Несреќите најчесто се случувале на арктичкиот дел на Норвешка каде во последните недели се забележани високи температури, пренесува АП. Во Норвешка има околу 220.000 ирваси и над 800.000 овци.