тунис – Kurir.mk

ТРАГЕДИЈА ВО ТУНИС: Пет лица загинаа, седум се водат како исчезнати откако се преврте брод

Ивана Ефремовски — Mon, 14 Aug 2023 17:43:53 +0000

Најмалку пет лица загинаа, а седум се водат како исчезнати откако денеска се преврте брод со мигранти кај брегот на Тунис, изјави портпаролот на судот Фаузи Масмуди. Тој за Ројтерс изјави дека во чамецот имало 35 лица, главно Тунижани, од кои 23 лица биле спасени. Масмуди изјави дека чамецот се превртел помалку од еден час по тргнувањето.

Две лица загинаа, 30 се повредени во железничка несреќа во Тунис

Катерина Бојаџиева — Wed, 21 Jun 2023 08:59:47 +0000

Во железничка несреќа во Тунис, две лица загинаа, а 30 се повредени, јавија локалните медиуми. Несреќата се случила вчеравечер кога воз на релација меѓу тунискиот приморски град Сфакс и Тунис излетал од шините. Здравствените власти соопштија дека во несреќата загинале возачот и неговиот помошник.

Во вооружениот инцидент во Тунис загинаа пет лица

Дарко Андоновски — Wed, 10 May 2023 13:22:17 +0000

Бројот на жртвите од вчерашниот напад што се случи во близина на синагога во Тунис се искачи на пет. Во вооружениот инцидент загинаа три лица од обезбедувањето и двајца верници, од кои едниот бил француски државјанин. Нападот се случи среде годишниот аџилак на островот Џерба, кој привлекува стотици Евреи од Европа и Израел. Нападот го изврши чувар на поморски објект во Џерба, кој прво пукал врз свој колега, а потоа неселективно отворил оган кон безбедносниот персонал лоциран во близина на синагогата. Напаѓачот, пред да биде застрелан од полицијата, повреди четворица припадници на обезбедувањето и четворица верници.

Тунис: Тројца убиени, четворица ранети во пукање во близина на синагога

Тале Кристо — Wed, 10 May 2023 05:54:22 +0000

Во напад во близина на синагога во Тунис вчера загинаа двајца офицери за безбедност и двајца посетители, соопштија властите. Нападот се случи среде годишниот аџилак на островот Џерба, кој привлекува стотици Евреи од Европа и Израел. Нападот го извршил чувар на поморски објект во Џерба, кој со своето оружје пукал во колега и му ја ограбил муницијата пред да се упати кон синагогата, се вели во соопштението на Министерството за внатрешни работи. Напаѓачот пукал неселективно кон безбедносниот персонал лоциран во близина на синагогата, при што ги уби двајцата посетители и уште еден службеник за обезбедување. Повредени се петмина полицајци и четворица посетители. Безбедносните сили потоа го застрелаа, соопшти Министерството за внатрешни работи. Туниското Министерство за надворешни работи соопшти дека еден од посетителите бил Французин, а другиот Тунижанец. Засега не е соопштен мотив за нападот.

Кај Тунис потона брод со мигранти, најмалку 20 лица се водат како исчезнати

Ивана Ефремовски — Sat, 08 Apr 2023 14:49:26 +0000

Најмалку 20 мигранти се водат како исчезнати откако нивниот брод денеска потона во близина на брегот на Тунис. Крајбрежната стража спасила 17 лица, од кои двајца се во критична состојба, изјави судијата од тунискиот крајбрежен град Сфакс, Фаузи Масмуди. Мигрантите се обиделе да стигнат до Италија со брод преку Средоземното Море. (МИА)

Тунис спаси 14.000 мигранти за три месеци

Катерина Бојаџиева — Fri, 07 Apr 2023 15:39:11 +0000

Туниската национална гарда денеска соопшти дека спасила повеќе од 14.000 мигранти, главно од субсахарска Африка, во првите три месеци од оваа година. Од 1 јануари до 31 март, крајбрежната стража спасила 14.406 луѓе, од кои 13.138 од субсахарска Африка, останатите од Тунис, се вели во соопштението на Националната гарда. Речиси сите спасувања се случиле во областите на Сфакс, вториот град во Тунис и Махдија, во централно-источниот брег на земјата. За време на тие операции, Националната гарда уапси 63 лица и заплени 135 чамци и 12 возила што се користат за транспорт на мигранти. Повеќето африкански мигранти доаѓаат во Тунис, од каде се обидуваат да стигнат до Европа по море. Брегот на Тунис се наоѓа на помалку од 150 километри од италијанскиот остров Лампедуза.

Во бродолом крај брегот на Тунис загинаа 14 мигранти

Ивона Петрова — Thu, 09 Mar 2023 17:17:32 +0000

Најмалку 14 мигранти загинаа, а 54 се спасени по потонувањето на брод со кој се обидувале да стигнат до Европа, јавуваат туниските власти. Бродоломот се случил вечерва во близина на брегот на Тунис, недалеку од тамошниот регион Сфакс. Бродовите на крајбрежната стража спречија 14 други бродови со вкупно 435 мигранти да го преминат Средоземното Море. Најголем дел од мигрантите се од субсахарска Африка, но има и Тунижани. Туниските власти во последните неколку недели апсат поединци, главно субсахарски мигранти, кои се наоѓаат на територијата на Тунис и немаат документи за престој.

Во вториот круг од парламентарните избори во Тунис излезност од само 11,3 отсто

Ивана Ефремовски — Mon, 30 Jan 2023 06:52:20 +0000

Гласачите во Тунис масовно го бојкотираа вчерашниот втор круг од парламентарните избори во земјата, бидејќи на гласање излегоа само 11,3 отсто од осумте милиони граѓани со право на глас, покажуваат прелиминарните резултати на Државната изборна комисија. Американските медиуми потсетуваат дека оваа бројка на излезени гласачи е приближно слична на онаа од првиот круг од изборите, што беше одржан минатиот месец. На гласањето не излегоа огромен број незадоволни граѓани од состојбата во земјата, а влијателната исламистичка партија Енада и другите опозициски движења ги бојкотираа изборите, кои, според американските медиуми, се сметаа за важен тест за претседателот и демократијата во земјата. Арапскиот свет овие избори во Тунис ги гледа како последен обид на претседателот Каис Саид да ја консолидира моќта, да ги „скроти“ исламистичките ривали и да ги придобие кредиторите и инвеститорите, што му се потребни за да се спаси уништената економија, додава американската агенција. Со вака слабиот одѕив сега се доведува во прашање легитимноста на идниот парламент и може да се комплицираат плановите на претседателот Саид. Државната изборна комисија се очекува в среда да ги објави првичните официјални резултати. (МИА)

Поранешниот туниски премиер Ларајед во затвор под сомнение дека испраќал џихадисти во Сирија

Тале Кристо — Tue, 20 Dec 2022 07:24:47 +0000

Поранешниот туниски премиер Али Ларајед е во затвор под сомнение дека испраќал џихадисти во Сирија, објавија неговите адвокати. Одлуката ја донел истражен судија кој се занимава со истраги за тероризам. Според официјални извори, околу 6.000 Тунижани заминале во Сирија и Ирак во изминатата деценија за да им се приклучат на џихадистичките групи како што е Исламска држава. Многумина од нив се убиени, а други избегаа и се вратија во својата татковина. Ларајед е висок претставник на исламистичката опозициска партија „Ан Нахда“ и непријател на претседателот Каис Сајед. Во соопштението формацијата ги отфрли обвинувањата против поранешниот премиер како политички напад со цел прикривање на „катастрофалниот неуспех на изборите“. На саботните парламентарни избори што ги распиша претседателот гласаа само 11,2 отсто од Тунижаните. Повеќето политички партии го бојкотираа гласањето, тврдејќи дека тоа е трик наменет за зајакнување на моќта на Сајед. Откако стана јасно дека одѕивот на гласачите е исклучително низок, голем број големи партии, вклучително и „Ан Нахда“, рекоа дека претседателот е нелегитимен и треба да поднесе оставка. Формацијата на Ларајед го обвинува Сајед дека извршил државен удар, узурпирајќи голем број овластувања од минатата година. Претседателот ги отфрли критиките за слабиот одѕив. „Ситуацијата е слична на конечниот резултат на еден меч кој се објавува на крајот од првото полувреме“, рече Сајед и повика да се пресмета излезноста на гласачите по вториот круг. Според новиот Изборен законик, бројот на места во еднодомниот Парламент е намален од 217 на 161. Само 21 место беше пополнето во првиот круг во саботата, што значи дека ќе има втор круг во повеќето изборни единици.

Нула на пауза – Австралија на едно полувреме од осминафинале

Ристе Здравков — Wed, 30 Nov 2022 16:05:51 +0000

Двата натпревари од Д групата во одлучувачкото 3. коло на Светското првенство во Катар на полувреме се без голови. Франција со комбиниран тим игра 0-0 против Тунис, додека истиот резултат по 45 минути е и на мечот меѓу Данска и Австралија. Со овие резултати друштво на Франција во осминафиналето ќе и прави репрезентацијата на Австралија и тоа најмногу поради триумфот во мечот против Тунис од 0-1. Данците доколку сакаат да се пласираат во нокаут фазата ќе мора да победат на овој меч. Тунис исто така има свои шанси. Африканската репрезентација мора да победи против Франција, но со поголема разлика од еден гол доколку Австралија и Данска одиграат реми, или со поголема победа од Данска доколку скандинавците победат против Австралија.