тупак – Kurir.mk

Златен прстен на Тупак продаден за милион долари

Ивона Петрова — Wed, 26 Jul 2023 11:19:53 +0000

Прстен од злато, со рубини и дијаманти, што рап-легендата Тупак Шакур го носел на неговото последно јавно појавување, беше продаден за милион долари на аукција во Њујорк вчера. Победничката понуда беше многу над проценката на „Сотби'с“ пред продажба што се движеше меѓу 200.000 и 300.000 долари. Со ова, предметот стана највредниот хип-хоп артефакт некогаш продаден, соопшти аукциската куќа. Тупак го носеше прстенот на „Ем-ти-ви видеомузичките награди“ на 4 септември 1996 година. Раперот од Њујорк, САД, беше застрелан од неидентификуван напаѓач во пукање од автомобил во Лас Вегас девет дена подоцна, на 13 септември. Тој имаше 25 години. Раперот сам го дизајнирал прстенот во тек на неколку месеци, се вели во описот. А, неговата кума Јасмин Фула го ставила ова парче накит на наддавање. По шест месеци од убиството на Шакур беше убиен и друг рапер од Источниот брег - Кристофер „Ноториоус БИГ“ Валас. Многумина веруваат дека биле убиени како дел од непријателството меѓу музичките рап-брендови, „Дет роу“ (Death Row) со седиште во Лос Анџелес и „Бед бој ентертејнмент“ (Bad Boy Entertainment) од Њујорк. Но, некои музички историчари велат дека тој „јаз меѓу Западниот и Источниот брег“ е преувеличен од комерцијални причини. Инаку, минатата недела Полицискиот оддел на Лас Вегас изврши претрес на домот на Дуејн Кит Дејвис, поради можна поврзаност со убиството на Тупак.

Нови докази? Полицијата издаде налог за претрес во случајот со убиството на Тупак

Ивона Петрова — Wed, 19 Jul 2023 06:47:16 +0000

Полицијата во Невада потврди дека оваа недела издала налог за претрес во врска со нерасчистеното убиство на раперот Тупак Шакур, објави Би-Би-Си. Според Би-Би-Си, детективите ја пребарале куќата во Хендерсон, предградие на Лас Вегас, каде што Шакур беше убиен во септември 1996 година. Куќата која беше пребарувана е на помалку од 32 километри од Лас Вегас каде што беше застрелан Тупак. Полицијата не дала дополнителни објаснувања за овој случај, а не се знае дали истрагата за убиството на пејачот е во тек и дали е доставена наредба за претрес. Никој не е уапсен и никој не е во притвор. Полицискиот поручник Џејсон Јохансон изјави за Las Vegas Review Journal дека детективите повторно работат на случајот. „ -Тоа е случај кој остана нерешен и се надеваме дека еден ден ќе го промениме тоа, изјави Јохансон за весникот. Шакур, чие уметничко име беше стилизирано како 2Pac, го издаде својот деби албум во 1991 година и продолжи да ниже хитови како California Love, All Eyez on Me, Changes и I Ain't Mad at Cha. Тој почина на 13 септември 1996 година, една недела откако беше застрелан четири пати во неговиот автомобил додека чекаше на семафор. Тупак имаше 25 години во моментот на неговата смрт.

Тупак е жив?! Се снима филм за тоа

Катерина Бојаџиева — Wed, 12 Feb 2020 10:24:39 +0000

Рик Бос, режисер од Лос Анџелес е убеден дека Тупак е жив. Уште повеќе, тој има намера целата приказна да ја преточи во филм. Раперот Тупак е убиен на 7 септември 1996 година во Лас Вегас, со четири истрели од огнено оружје. Оттогаш во цел свет тлеат теориите околу тоа дека тој не е навистина мртов, a сè тоа можеби најмногу го потпали телохранителот на Тупак, кој пред медиумите раскажуваше како му помогнал да ја лажира својата смрт и да отиде на Куба. Во меѓувреме, луѓе од цел свет се јавија со своја приказна како го виделе раперот жив. Сè ова го поттикна Бос да сними филм за оваа тема. Насловот гласи „2Pac: The Great Escape From UMC”. –Во филмот ќе видиме како Тупак заминува од Вегас и својот живот го продолжува во Ново Мексико. Секако дека некои ќе речат дека сум напишал фикција, но ова не е фикција. Ова се факти што доаѓаат од проверени извори, истакна Бос. Занимливо е тоа што глумецот кој е одбран да го толкува ликот на Тупак- Ричард Гарсија не се сложува со режисерот и верува дека раперот, сепак е убиен 1996 година.

Мадона загуби, интимните писма на Тупак одат на аукција: Еве што пишува во нив за нивните односи (ФОТО)

Ивана Ефремовски — Thu, 06 Jun 2019 07:50:52 +0000

Мадона го загуби судскиот спор, со кој сакала да ја запре продажбата на предмети од убиениот легендарен рапер Тупак Шакур, меѓу кои и писмото што и го пратил од затвор. Мадона се жалеше на претходната одлука на судот за продажба на личните предмети на раперот, убиен пред 23 години. Но, таа ја изгуби и жалбата на претходната одлука. Судот во Њујорк реши дека Мадона нема правен основ да ја тужи поранешната пријателка Дарлен Лутц и компанијата на која таа и доверила да ги продава предметите на Тупак. По ваквата одлука јавноста сигурно ќе дознае некои интимни детали, кои Мадона сакала да ги скрие од јавноста. Најинтересно меѓу предметите е писмото што од затвор и го пратил нејзиниот поранешен партнер, Тупак. Во писмото, напишано на рака, Тупак ги објаснува причините за раскинувањето, во кое напишал дека една од главните причини е што Мадона има бела боја на кожата. „Прво морам да ти се извинам, зашто не сум ти пријател каков што знам дека можам да бидам. Тебе да те видат со црнец, тоа на ниеден начин не би ти ја загрозило кариерата. Меѓутоа, како што верував претходно, мислев дека со тоа ќе ги „издадам“ поголемиот број луѓе кои ме создадоа. Никогаш не мислев да те повредам...Како што можеш да забележиш од тогаш созреав и ментално и психички. Веќе не ми е важно како ме гледаат другите. Те молам, обиди се да ја сфатиш мојата поранешна позиција на млад човек со ограничено искуство во врска со многу познат секс симбол... Ти го нудам своето пријателство, овој пат многу посилно. Ако си за, можеме да разговараме за тоа, но со ова не можев повеќе да чекам. Морав веднаш да ти кажам ...Во случај нешто да ми стане..., напиша Тупак во писмото од затворот до Мадона.