тур де франс – Kurir.mk

Почина првиот Шпанец кој го освои „Тур де Франс“

Катерина Бојаџиева — Tue, 08 Aug 2023 18:34:54 +0000

Федерико Бајамонтес, првиот Шпанец кој во 1959 година триумфираше на „Тур де Франс“, почина на 95-годишна возраст, објави денеска градоначалникот на Толедо од каде потекнуваше еден од најдобрите светски велосипедисти во историјата. „Со длабока тага го оплакуваме заминувањето на Федерико Мартин Бајамонтес, орелот од Толедо, спортска личност која го издигна името на нашиот град до највисоко ниво“, објави градоначалникот Карлос Веласкез на социјалните мрежи. „Првиот Шпанец кој го освои Тур де Франс беше дел од спортската историја на нашата земја, со повеќе од 74 победи во кариерата“, додаде градоначалникот на Толедо. „Орелот од Толедо“, прекар кој му го даде еден француски новинар, прв пат се појави на „Тур де Франс“ во 1954 година и шест пати триумфираше на брдските патеки (1954., 1958., 1959., 1962., 1963., 1964.) во свои десет учества на велосипедската трка во Франција.

Хаос на Тур де Франс: Повредени велосипедисти лежат на патот, Брзата помош ги пренесува во болница (ВИДЕО)

Бошко Тасиќ — Sun, 16 Jul 2023 06:46:37 +0000

На 14-та етапа на Тур де Франс, која го означува влезот на Алпите, се случи голем карамбол во трка на која учествуваа десетици возачи. Најмалку десетина велосипедисти паднаа на влажниот асфалт. Најлошо помина Луис Ментјес кој ја скрши клучната коска. Во болница на носилки биле пренесени и Антонио Педреро и Естебан Чавез, а брзата помош во болница ги пренела останатите возачи кои се здобиле со тешки повреди. Поради ова, трката мораше да биде прекината на кратко. Исто така, нешто подоцна, на 25-от километар падна и Ромен Барде, кој исто така мораше да се откаже и да биде префрлен во болница поради повреди, исто како и Џејмс Шо, кој падна на истото место. https://twitter.com/i/status/1680189605792890880

Тешка повреда на еден од најдобрите велосипедисти

Бошко Тасиќ — Sun, 09 Jul 2023 07:34:02 +0000

Британскиот велосипедист Марк Кавендиш мораше да го прекине својот настап на „Тур де Франс“ по тешкиот пад и повредата што ја заработи во текот на осмата етапа од најпозната трка во светот. Инидентот се случи на 64 километри пред целта во Лимож, кога Кавендиш остана да лежи на асфалтот и веднаш стана јасно дека повредата не е нималку наивна. Ваквиот исход следи само еден ден откако Кавендиш го освои второто место во седмата етапа и покажа дека би можел да стигне до уште една етапна победа на Тур де Франс, со што би станал апсолутен рекордер во оваа категорија (моментно го делеше рекордот од 34 победени етапи со Еди Меркс од Белгија).

Маестрален финиш на Погачар, жолтата маичка за Вингегор

Бошко Тасиќ — Sat, 08 Jul 2023 15:36:05 +0000

Словенечкиот велосипедист Тадеј Погачар од тимот на Емирати на маестрален начин победи на шестата етапа од годинашниов Тур де Франс, којa се возеше од Тарб до Кортре, долга 145 км. Сепак, бранителот на титулата од лани, Данецот Јонас Вингегор од Џамбо-Висма, ја презеде жолтата маичка од Австралиецот Џаи Хиндли. Погачар ја оствари својата 10-та етапна победа на најпрестижната трка во светот и стана четвртиот најмлад велосипедист што ја достигнал оваа бројка. Пред него тоа им успеало само на Французите Франсоа Фабеи Бернард Ино и на Британецот Марк Кевендиш. Словенецот ја мина тешката ридска делница на Пиринеите за три часа, 54 минути и 27 секунди, односно имаше 24 секунди предност пред Вингегор, додека трет беше Норвежанецот Тобијас Халанд Јоханесен, со задоцнување од една минута и 22 секунди.

Тур де Франс првпат во историјата нема да финишира во Париз

Бошко Тасиќ — Wed, 15 Mar 2023 06:12:54 +0000

За првпат во историјата Тур де Франс нема да заврши на Елисејските полиња. На 111. издание на најпрестижната велосипедска трка во светот кое ќе се одржи следната година, последната трка ќе заврши со хронометар на Азурниот брег. Организаторите беа принудени да се откажат од традиционалниот финиш во Париз, кој ќе биде домаќин на Олимписките игри следната година. Со оглед на тоа што последната етапа на Тур де Франс на Шанзелизе е секогаш ревијална, овојпат таа ќе биде исклучително важна, бидејќи од Монако до Ница ќе се вози хронометар долг 35,2 километри, со две искачувања и спуштање од 15 километри на крајот. Тур де Франс ќе започне на 29 јуни 2024 година во Фиренца, а ќе заврши на 21 јули, пет дена пред почетокот на Олимписките игри во Париз.

“Тур де франс“ во 2024 година ќе стартува од Италија

Бошко Тасиќ — Fri, 23 Dec 2022 06:13:08 +0000

За прв пат во историјата „Тур де Франс“ ќе започне од Италија, а тоа ќе се случи во 2024 година, објавија организаторите на најпознатата друмска велосипедска трка во светот. Италија ја доби таа чест во годината кога ќе се навршат 100 години од триумфот на Отавио Ботекија, првиот Италијанец кој успеа да ја освои титулата победник на најпрестижната велосипедска трка. Трката 2024 ќе почне на 29. јуни, а првата етапа ќе се вози од Фиренца до Римини на јадранскиот брег. Втората етапа ќе биде на релација Чезенатико – Болоња, додека стартот на третата етапа ќе биде во Пјаченца, а целта во Торино. Организаторите веќе најавија дека целта на трката ќе биде поместена од Париз во Ница, бидејќи француската престолнина е домаќин на Олимписките игри таа година, кои ќе започнат на 26. јули, пет дена по завршувањето на Тур де Франс.

Тур де Франс 2024 се сели од Париз во Ница поради ОИ

Дарко Андоновски — Thu, 01 Dec 2022 20:47:08 +0000

Последната етапа од велосипедската трка Тур де Франс ќе се пресели во 2024 година од Париз во Ница, бидејќи главниот град на Франција ќе биде домаќин на Олимписките игри, соопштија денеска организаторите на трката и градот Ница. Етапата која се возеше во Париз, традиционалниот спринт на Елисејските полиња, овој пат ќе биде индивидуална трка на хронометар. Тур де Франс прв пат го напушта Париз од 1905 година, а воедно тоа ќе биде прв пат од 1989 година последната етапа да биде завршена со трка на хронометар. Париз од јули до август 2024 година ќе биде домаќин на Олимписките игри чиј домаќин беше два пати во минатото – во 1900 и 1924 година.

Вингегор го освои Тур де Франс

Бошко Тасиќ — Mon, 25 Jul 2022 05:22:23 +0000

Традицијата на Тур де Франс останува иста од година во година и 109-то издадние на најпрестижната велосипедска трка својот крај го имаше на Елисејските полиња, каде прв на завршната 21-ва етапа заврши Филипсен, но тоа не беше најважната вест. Жестоката борба која се водеше во претходните 20 исрцпувачки етапи донесе нов шампион во Франција, бидејќи Данецот Јонас Вингегор пронајде лек за извонредниот Тадеј Погачар. Словенецот беше најодбар на последните две изданија на Тур де Франс, па иако во оваа влезе како голем фаворит за хет-трик, сепак не дојде до такво нешто поради издржливоста и агресивниот пристап на планинските етапи од страна на 25-годишниот Данец. Вингегор мирно пристигна на целта со жолтатат маичка и го оствари најголемиот успех во својата кариера, што е само потврда за напорната работа и континуитет бидејќи лани заврши на второто место во генералниот пласман

Нов термин за Тур де Франс 2021 поради Олимпијадата

Тале Кристо — Wed, 29 Jul 2020 07:55:58 +0000

Меѓународната унија за велосипедизам (УЦИ) во официјалното соопштение за медиумите информира за новите датуми на Тур де Франс 2021. Терминот е променет поради совпаѓање со натпреварот во велосипедизам на Олимпијадата во Токио. Претходно, Олимписките игри 2020 беа одложени за 2021 година поради пандемијата на коронавирус. Тур де Франс 2021 година, првично закажан од 2 до 25 јули, ќе трае од 26 јуни до 18 јули.

Тур де Франс можеби ќе се одржи без публика

Дарко Андоновски — Thu, 26 Mar 2020 15:25:24 +0000

Позната по своите бројни гледачи, најголемата велосипедска трка во светот – Тур де Франс можеби оваа година ќе се одржи без публика, изјави француската министерка за спорт, Роксана Марачинеану, јави дописникот на МИА. Владата е во разговори со АСО, организаторот на трката, за судбината на најпрестижната од големите велосипедски трки. По одложувањето на Олимписките игри и Европското првенство во фудбал, спортот, вклучително и велосипедизмот , е речиси целосно во прекин. Трката без публика, би била прва во нејзината повеќе од еден век долга историја.