турбуленции – Kurir.mk

11 ЛИЦА ПОВРЕДЕНИ И ПРЕНЕСЕНИ ВО БОЛНИЦА – авион од Милано налетал на силни турбуленции пред слетувањето

Дарко Андоновски — Wed, 30 Aug 2023 07:56:21 +0000

Единаесет луѓе на летот на „Делта ерлајнс“ беа пренесени во болница, откако доживеале тешки турбуленции пред да слетаат во Атланта, изјави портпаролот на компанијата за Си-Ен-Ен. Авионот, кој полетал од Милано, превезувал 151 патник и 14 членови на екипажот, кога до крајот на летот настанале турбуленции, изјави портпаролот на „Делта“. Меѓу повредените има и патници и членови на екипажот. Не се знае точниот степен на повредите. Инцидентот се случил непосредно пред слетувањето на аеродромот во Атланта, каде авионот на крајот безбедно се приземјил.

Поради големи турбуленции, седум лица се повредени во авионот на Хавај ерлајнс

Ристе Здравков — Tue, 04 Jul 2023 07:34:20 +0000

Седум лица се повредени во авион поради силни турбуленции за време на летот на „Хавај ерлајнс“ од Хонолулу до Сиднеј. Авионот превезувал 163 патници и 12 членови на екипажот во четвртокот кога „наишол на неочекувани силни турбуленции околу петтиот час од летот“, се вели во соопштението на авиокомпанијата. Лекарите на аеродромот укажале помош на тројца повредени патници кога авионот слетал во Сиднеј, соопшти авиокомпанијата. Еден патник и три стјуардеси се испратени во болниците на дополнителни прегледи, додека стјуардесите оттогаш се пуштени од болничко лекување, соопштија од авиокомпанијата во понеделникот.

Околу 20 повредени во турбуленции во авион на летот Франкфурт – Маврициус

Ивона Петрова — Thu, 02 Mar 2023 09:48:39 +0000

Околу 20 лица се повредени по тешки турбуленции на лет на авиокомпанијата „Кондор“ од Франкфурт, Германија, до Маврициус. Меѓу повредените има патници и членови на екипажот. Летот „ДЕ 2314“ ја напушти Германија синоќа. Авионот со 272 патници и 13 члена екипаж, го погодија турбуленции околу два часа пред да слета на аеродромот близу главниот град на Маврициус, Порт Луис, во Индискиот Океан. Авионот безбедно слетал рано утрово. Според гласноговорникот на „Кондор“, има и оштетувања во внатрешноста на авионот, за што допрва ќе следат проверки и проценки.

ПАТНИЦИТЕ ЖИВЕАТ ВТОР ЖИВОТ: Најмалку 36 повредени, од кои 11 сериозно, во силни турбуленции во авион на „Хаваи ерланјнс“ (ФОТО)

Дарко Андоновски — Mon, 19 Dec 2022 08:16:17 +0000

Авион на компанијата „Хаваи ерлајнс“, што летал на линијата од Феникс, Аризона, до Хонолулу, Хаваи, вчера, на 30-тина минути пред слетувањето доживеал силни турбуленции, при што биле повредени најмалку 36 лица, од кои 11 сериозно, а меѓу нив има и деца. Службите за итни случаи, вклучувајќи пожарникари, екипи на Брзата помош и Државниот спасувачки тим за пожари, биле повикани на аеродромот да одговорат на „итната ситуација со масовни жртви“ што се случи околу 11 часот, пишува Гардијан. Од повредените 20 се пренесени во Ургентен центар, од кои 11 се во тешка состојба, а девет се во стабилна состојба. Националната метеоролошка служба наведува дека е можно силните турбуленции да биле предизвикани од минувањето на авионот низ бура, бидејќи во тој момент во областа на летање биле пријавени грмотевици. Портпаролот на авиокомпанијата „Хаваи ерлајнс“ додаде дека авионот „Ербас А330“ превезувал 278 патници и 10 членови на екипажот и влегол во зоната на турбуленции додека се приближувал до островите.

Вистински хорор за време на летот Келн – Скопје: Големи турбуленции, страв и паника кај патниците (ВИДЕО)

Тале Кристо — Wed, 20 Nov 2019 16:08:55 +0000

Синоќешниот лет од Германија кон Македонија, поточно летот од Келн кон Скопје ќе им остане долго во сеќавањата на патниците од авионот. Како што пишува порталот ин7.тв за време на летот се се случиле големи турбуленции кои траеле повеќе од нормално. Силно тресење и стравот предизвика вистинска паника кај патниците кои што патуваа со авионот на една позната компанија. Како што дознава ин7 од патницо кои што биле во авионот, надвор имало силен ветер и никој од нив не се сомнева дека можеби станувало збор за некој технички пороблем на авионот. -Се вознемиривме. Турбуленциите беа силни и траеа долго. Во еден момент видов еден паднат патник на кој што стјуардесите му помагаа. Не ми се случило никогаш порано ова, открива еден од патниците во авионот за ин7.тв.

Вистината за турбуленциите: Што ги предизвикува и дали треба да се плашите?

Ивана Ефремовски — Tue, 27 Nov 2018 15:10:27 +0000

Авионските турбуленции се најголемата причина поради кои многумина се плашат од летање, но тие знаат да ги вознемират и искусните патници. Вистинското прашање е дали тие се навистина страшни како што изгледаат? Стив Олрајт, пилот во авиокомпанијата British Airways и Патрик Смит, американски пилот и автор на книгата „Cockpit Confidential“ ќе ви дадат одговор на ова прашање. Турбуленциите можат да настанат од неколку различни причини, но секоја од нив им е позната и веќе видена на овие двајца пилоти. При секое летање се очекуваат мали турбуленции, како што постојат и лоши делови и дупки на автопатот додека возите автомобил. Иако се непријатни, турбуленциите не се опасни и нема потреба да се плашите од нив – пилотите се обучени да се справат со нив. Во кој дел од авионот најмалку се чувствуваат турбуленции? Иако нема некоја значајна разлика, седиштата кои се наоѓаат во средината од авионот, поточно во центарот на тежина на леталото, чувствуваат турбуленции со најмал интензитет. Спротивно од тоа, седиштата на крајот од авионот, односно оние кои се наоѓаат најблизу до опашката, чувствуваат најсилни турбуленции. Дали авионот паѓа за време на турбуленции? Не мора да значи дека паѓа, авионот може да се искачи доколку го погоди горна воздушна струја. Во случаи на просечни турбуленции висината на авионот оди од еден до десет метри нагоре или надолу, а кај посилните турбуленции и до 40 метри.