Изградбата на мостот на реката Турија меѓу селата Просениково и Сарај е во завршна фаза

Ивана Ефремовски — Thu, 25 Feb 2021 15:39:06 +0000

Изградбата на мостот на реката Турија меѓу селата Просениково и Сарај е во завршна фаза и наскоро се очекува да биде предаден во употреба. Новиот мост е изграден по највисоки стандарди со должина од околу 25 метри и вкупна ширина од 8 метри, односно 6 метри за две коловозни ленти и по еден метар од двете страни со тротоар за пешаци. -Покрај изградбата на мостот, во овој проект беше опфатена и реконструкција на постоечката патна инфраструктура на овој локален пат во должина од околу 200 метри, односно по околу 100 метри од двете страни на мостот и регулирање на пристапните патишта кои приоѓаат кон овој локален пат, истакна градоначалникот на Струмица, Коста Јаневски при денешниот увид во завршните работи. Вкупната вредност на овој проект е околу 16 милиони денари и е финансиран од заеднички средства на општина Струмица и средства обезбедени преку Центарот за развој на Југоисточниот плански регион од Бирото за регионален развој, од каде се обезбедени 10, а остаокот од околу 6 милиони денари ги обезбеди Општина Струмица. (МИА)

Ставен под контрола пожарот кој се ширеше кон акумулацијата „Турија“

Ивона Петрова — Wed, 04 Sep 2019 10:02:07 +0000

Пожарот на планината Готен кај Радовиш кој вчера се прошири кон акумулацијата „Турија“ е ставен под контрола по интервенцијата на армиски хеликоптер, кој синоќа до 19 часот учествувал во гаснењето. – Пожарот е заобиколен од сите страни и е ставен под контрола, посебно над поранешното село Кушкулија. Се надеваме дека нема да дојде до ново проширување, изјави Никола Ристов од шумското стопанство „Беласица“ од Струмица. Пожарот е активен дваесетина денови и досега е зафатена површина од над 300 хектари претежно со деградирана шума.

турија – Kurir.mk

Изградбата на мостот на реката Турија меѓу селата Просениково и Сарај е во завршна фаза

Ставен под контрола пожарот кој се ширеше кон акумулацијата „Турија“