туристичка агенција – Kurir.mk

Тетовец измамен од вработен во туристичка агенција- еве ги деталите

Катерина Бојаџиева — Thu, 03 Aug 2023 20:00:05 +0000

На 01.08.2023 во 23.00 часот, 26-годишник од тетовско село пријавил дека бил измамен од вработен во туристичка агенција. Според пријавеното, на 18.05.2023 тие телефонски се договориле да му резервира три повратни авионски билети за три лица од Аргентина за што преку брз трансфер на пари му исплатил 2.450 евра. Како што е пријавено, лицето не му обезбедило билети и не сакало да му ги врати парите за резервација, а дополнително му барало уште 4.000 евра. Се преземаат мерки за расчистување на случајот.

Маж нападнат во туристичка агенција во Скопје

Ивана Ефремовски — Fri, 06 May 2022 19:14:17 +0000

На 05.05.2022 во 16:00 часот во Полициската станица Аеродром, В.С.(41) од Скопје пријавил дека во туристичка агенција на улица „Пандил Шишков“ бил физички нападнат од К.С. од Скопје поради должничко-доверителски односи. По целосно комплетирање на случајот ќе биде поднесен соодветен поднесок.

Туристичка агенција од Охрид направила измама

Ивана Ефремовски — Fri, 21 Feb 2020 15:34:39 +0000

СВР Тетово поднесе кривична пријава против Д.Р.(33) од Охрид, поради постоење основи на сомнение за сторено кривично дело „измама“. На 19.12.2019, пријавената, сопственик на туристичка агенција од Охрид, побарала од Н.С.(45) од с.Селце, тетовско, вработен во туристичка агенција во Тетово, да извади повратен авионски билет на име П.В. за 20.12.2019 на релација Скопје-Мелбурн, со лажна потврда дека е извршена уплата на средствата на чинење на авионскиот билет.

Грабеж во туристичка агенција во Тетово

Катерина Бојаџиева — Wed, 08 Jan 2020 14:49:00 +0000

Во СВР Тетово, вчера во 09.00 часот А.З.(28) од тетовско Нераште пријавил дека едно лице влегло во туристичката агенција во која работел на ул.„Иво Лола Рибар“ во Тетово и со закана му одзело пари. Се преземаат мерки за расчистување на случајот.

Повеќе од две илјади лица измамени од туристичка агенција за аранжмани во Грција

Даниел Василев — Tue, 26 Jun 2018 07:13:24 +0000

Српската туристичка агенција „САБ травел“, која пред неколку дена беше затворена, потпишала со граѓани 3.572 договори за патувања, кои требале да се реализираат до октомври оваа година, дознава „Политика“ од Министерството за трговија на Србија. Од потпишаните договори, 2.249 ангажмани биле откажани. - Прашање е на кој начин ќе бидат обесштетени, бидејќи полисата на оваа агенција, изнесува 300.000 евра, кои би требало да бидат распоредени на сите граѓани кои се измамени. Како една од неофицијалните можности се спомнува продажба на автобусите и другиот имот на таа агенција, што, и самиот сопственик предложи на состанокот во Министерството, пишува „Политика“.

Министерството за трговија уште во петокот ја затвори таа агенција и почна да ја контролира документацијата, а вчера беше поднесен предлог за одземање на лиценцата и барање за покренување прекршочна постапка. Целата афера почна кога на ден пред тргнување на 450 патници на дестинација во Грција, стигна известување дека оваа агенција, наводно поради банкрот на поединечни сопственици на куќи во Грција и нови услови за плаќање, се приморани да го откажат тргнувањето на сите нивни автобуси, но и тие патници кои користат сопствен превоз. Расим Лајиќ, министер за трговија, туризам и телекомуникации изјави за „Политика“ дека во овој момент се разгледуваат можностите за обештетување на патниците, бидејќи се работи за голем број отштетени, но и дека мора да се најде нов модел на работење на туристичките агенции во Србија. Како една од можностите тој ја наведе обврската на сопственик на агенција во иднина да гарантира и со личен имот, со цел да се избегнат вакави ситуации. МИА