туристичка дестинација – Kurir.mk

Сакеларопулу: Грција ги презема неопходните мерки за да продолжи да биде безбедна туристичка дестинација

Тале Кристо — Fri, 08 May 2020 15:25:48 +0000

Грција ги презема неопходните мерки за да продолжи да биде безбедна туристичка дестинација, изјавила грчката претседателка Катерина Сакеларопулу во телефонскиот разговор со претседателката на Грузија, Саломе Зурабишвили, јави дописничката на МИА од Атина. Како што соопштија од кабинетот на Сакеларопулу, Зурабишвили ѝ честитала на Сакеларопулу за преземањето на функцијата, ја поканила да ја посети Грузија, а двете претседателки разговарале за последиците од кризата врз економијата, додека пак акцентот бил ставен на туризмот. -Госпоѓата Сакеларопулу истакна дека нашата земја се подготвува, претпазливо и внимателно за да прими посетители од странство и ги презема неопходните мерки за да продолжи да биде безбедна туристичка дестинација, соопштуваат од кабинетот на грчката претседателка.

Пуста една од најпознатите светски туристички дестинации

Ивона Петрова — Wed, 08 Apr 2020 07:12:39 +0000

Нијагарините водопади, една од најпознатите светски туристички дестинации, веќе неколку недели се без посетители поради мерките на канадската влада, воведени за спречување на ширењето на коронавирусот. Местото во првиот пролетен месец го посетуваа околу милион туристи од целиот свет, а сега, за прв пат во долгата историја на туризмот ова место е подолго време без ниту еден посетител. Вработените во бројни хотели, мотели, ресторани, барови, кои се во близина на водопадите целосно ги прекинаа нивните активности подолг период. Сите овие лица, за времетраењето на нивниот работен ангажман, ќе можат да го искористат додатокот што канадската влада им го обезбеди на сите невработени лица, вклучително и студенти на возраст над 15 години, во висина од околу 2.000 американски долари месечно.

Оваа земја може да ја тргне Франција од тронот и да стане најпосакувана туристичка дестинација

Катерина Бојаџиева — Thu, 08 Nov 2018 10:27:46 +0000

До 2030 година Кина може да ја истисне Франција од првото место по посетеност и туризам, посочува новиот извештај на Евромонитор Интернајшнл. Туризмот моментно е меѓу најразвиените гранки на кинеската економија, а на тоа влијае и визната либерализација. Скоро 80 отсто од туристите кои влегуваат во земјата, се Азијци, а најмногу од Хонг Конг и од Тајван. Од почетокот на годинава, забележани се 4,7 милијарди патувања, а претпоставките говорат дека до 2023. тој број ќе порасне за 42,5 oтстo.

Франција на прво место, Шпанија по неа- ова се најпопуларните туристички дестинации

Катерина Бојаџиева — Tue, 16 Jan 2018 13:27:42 +0000

Франција го задржува првото место како најпопуларна туристичка дестинација, а Шпанија ќе ги смени САД како втората најпопуларна туристичка дестинација во светот, покажуваат податоците на Светската туристичка организација при ОН (UNWTO). Според извештајот на организацијата, вкупниот број на меѓународни туристички посети во светски рамки, минатата година се зголемил за 7 отсто односно на 84,2. Се очекува овој интензитет да продолжи и во 2018-та година, со стапка на раст од 4 до 5 проценти. Сепак, конечните бројки нема да бидат објавени до пролет. Во 2016-та година во САД и Шпанија пристигнале околу 76 милиони странски посетители, но минатата недела шпанскиот премиер, Мариано Рахој, рече дека земјата забележала рекордни 82 милиони посетители во 2017-та, што претставува зголемување од 8 отсто во споредба со претходната година. Во прелиминарната анализа на податоците за туризмот во 2017 година, UNWTO наведува: „Најмногу поттикнат од медитеранските дестинации со пристап до море, туризмот во Европа бележи извонредни резултати“. Минатата година, Европа забележа пораст од 8 отсто во меѓународните посети, исто како и Африка, додека пак регионите во Азија и Пацификот имаа пораст од 6 проценти, Блискиот Исток 5 и Америка 3 отсто.