туркиш ерлајнс – Kurir.mk

11-ГОДИШНО ДЕТЕ ПОЧИНА ВО АВИОН: Принудно слетал во Будимпешта

Дарко Андоновски — Sun, 11 Jun 2023 14:49:03 +0000

Единаесетгодишно дете починало откако изгубило свест на летот на „Туркиш ерлајнс“ на летот за Њујорк од Истанбул, при што медицинските служби не можеле да го реанимираат детето откако авионот принудно слетал во Будимпешта, објави новинската агенција МТИ; пренесе СДК.мк. МТИ соопшти дека медицинската служба на аеродромот пристигнала на местото откако летот ТК003 денеска слетал во Будимпешта, но детето не можело да се спаси и покрај напорите на лекарите да го реанимираат.

„Туркиш ерлајнс“ ги откажа летовите за Украина и неколку градови во Русија и Белорусија

Ивана Ефремовски — Sat, 14 May 2022 07:25:25 +0000

Турската национална авиокомпанија „Туркиш ерлајнс“ денеска објави дека ги откажува летовите за Украина и неколку градови во Русија и Белорусија. Мерката важи до 30 јуни годинава. „Туркиш ерлајнс“ ги откажа летовите за Украина, руските градови Сочи, Ростов на Дон и Екатеринбург и белорускиот главен град Минск. Во соопштението на авиокомпанијата се наведува дека мерката е донесена во врска со тоа што Украина го затворила својот воздушен простор за цивилни летови поради руската инвазија. (МИА)

„Туркиш ерлајнс“ ја продолжи суспензијата на летови кон Украина и Молдавија до 22 март

Ристе Здравков — Mon, 07 Mar 2022 16:13:43 +0000

Националната авиокомпанија на Република Турција, „Туркиш ерлајнс“, денеска го продолжи прекинот на летовите со Украина и Молдавија поради руската војна против Украина. „Нашите летови со Украина и Молдавија до 22 март (вклучувајќи го тој датум) се откажани“, објави компанијата на „Твитер“. За промена на билетот или враќање на парите, патниците треба да се јават во својата туристичка агенција, да ја посетат веб-страницата на „Туркиш ерлајнс“ или да се јават во центарот за повици на компанијата. „Туркиш ерлајнс“ ги прекина летовите од двете земји на 24 февруари кога почна руската воена операција во Украина. „Туркиш ерлајнс“ имаше летови до шест точки во Украина, и тоа Харков, Херсон, Киев, Лавов, Одеса, Запорожје и до главниот град на Молдавија, Кишињев.

„Туркиш ерлајнс“ со специјален попуст од 40 отсто за здравствените работници од целиот свет

Тале Кристо — Tue, 09 Jun 2020 07:06:38 +0000

Турскиот национален авиопревозник „Туркиш ерлајнс“ (Turkish Airlines) нуди 40 отсто попуст за здравствените работници од целиот свет, кои несебично работат во борбата против пандемијата на Ковид-19, јави агенцијата Анадолија. Секој здравствен работник и три лица што патуваат со него ќе можат да купат билети со овој попуст преку Интернет страницата на „Туркиш ерлајнс“ или преку мобилната апликација во рамките на новата кампања, која важи за сите летови и сите видови билети. – Патниците кои се пријавиле во рамките на кампањата ќе имаат можност да ги користат услугите со попуст од 40 отсто во периодот од 8 јуни 2020 година до 31 мај 2021 година, доколку билетите бидат купени во периодот од 8 јуни до 1 август, соопшти компанијата. „Туркиш ерлајнс“ минатата недела ги обнови домашните летови по двомесечен прекин поради пандемијата, додека со меѓународни летови ќе почне од утре.

„Туркиш ерлајнс“ нема да извршува летови до 28 мај

Тале Кристо — Tue, 28 Apr 2020 19:14:02 +0000

„Туркиш ерлајнс“ соопшти денеска дека го продолжува до 28 мај прекинот на меѓународните и домашните летови воведени поради пандемија со коронавирусот. Ова беше објавено еден ден по изјавата на турскиот претседател Реџеп Таип Ердоган дека државата може да почне со ублажување на некои ограничувања по Рамазански Бајрам кон крајот на мај. Турција забрани патување во 31 најгусто населена провинција, и исто така воведе полициски час во текот на викендот. Како дел од мерките против заразата, Турција го забрани и излегувањето од дома на граѓаните над 65 и под 20 години. Државата објави 2.900 смртни случаи и 112.261 заразени.

Патник сведочи за хорор во авион на „Туркиш Ерлајнс”: За малку ќе се срушевме над Скопје!

Дарко Андоновски — Fri, 24 May 2019 19:23:25 +0000

Патниците на Туркиш Ерлајнс, доживеа невидина драма, која цел живот ќе ја паметат, на летот од Истанбул за Скопје. За неуспешниот лет на скопскиот аеродром и пренасочувањето кон приштинскиот, без да се информираат патниците, посведочи Сабри Азири во својот пост на Фејсбук. – Драма во авионот на Туркиш од Истанбул за Скопје!!! Кој бил во авионот знае каков кошмар беше! Прво авионот каснеше повеќе од 2 часа. Летот од Истанбул за Скопје беше во 19 и 30, но ние тргнавме после 22 часот. Кружеше повеќе од 45 минути над Скопје, чекајќи зелено светло да слета. Кога се потруди да се спушти на пистата веќе се гледаше пистата, ветерот беше многу силен што го носеше авионот лево десно и крилата ветерот му ги носеше горе доле. Толку силно што имавме чувство дека малку му фалаше крилото да допре на земја и да се преврти авионот. Пилотот виде дека не ќе може да слета наеднаш се потруди да се качи горе, ветерот беше толку силен што очекувавме во секој момент авионот да падне на Скопскиот аеродром. Никој ништо не не информираше дека ќе оди во правец на Приштинскиот аеродром. – напиша патникот. Азири посведочи дека авионот едвај слета на приштинскиот аеродром, пред се поради силниот ветер. – Имаше во авинот група од 25 души од карате тимот на Косово и они ни кажаа дека ќе слета во Приштина бидејќи гледаа низ прозор и го препознаа местото. Кога се потруди да слета во Приштина и таму имаше силен ветер, исто авинот го носеше ветрот и мислевме дека авионот ќе падне, кога ги пушти задните тркала мислев дека авионот ќе се подели на два дела толку силно и наеднаш падна на пистата. Кога го спушти предното тркало авионот изгуби контрола и се движеше лево десно и излезе од правецот на пистата. Мислевме дека ќе се преврти бидејќи ненормално се движеше и изгуби контрола. – напиша Азири. Патникот раскажа дека дел од патниците не се чувствувале добро. – Имаше едно дете почна да плаче и една жена изгуби свест. Одма луѓето од карате тимот ни понудија помош со вода, телефони и вифи за да можеме да ги информираме нашите фамилии. 1 час и 30 минути не не пуштија пилотите и тимот од Туркиш да излеземе од авионот бидејќи наводно немале дозвола да ги пуштат патниците. Ни беше кажано дека невремето односно ветерот е смирен и дека сакаат повторно да летаат за Скопје од Приштина. По консулатација со скоро сите патници во авионот одлучивме доброволно кој сака да се симне од авионот да се врати со такси кој сака да остане за да се врати со истиот авион. Пола од патниците останаа да се вратат со авион пола се вратија со такси. Излеговме на сама писта и ги баравме куферите да ги препознаеме и да ги земеме со нас. Сите кои летаа знам дека додека се живи ќе имаат трауми и дека сите зимаат лекови за смирување. Никогаш никому да не му се случи. – напиша патникот.