Турската амбасада изрази благодарност за искажаната солидарност од земјава по земјотресот

Ивона Петрова — Mon, 13 Feb 2023 19:00:16 +0000

Турската амбасада во Скопје изрази најсрдечна благодарност до претседателот Стево Пендаровски, Собранието, Владата, јавните институции и општините на земјава, како и до бизнис заедницата, Црвениот крст, невладините организации, образовните институции, медиумите, уметниците и целиот народ за искажаната моќна солидарност по катастрофалниот земјотрес што минатата недела ја погоди Турција. - Република Северна Македонија ги мобилизираше сите свои капацитети во насока на поддршка на спасувачките активности во регионите погодени од катастрофалниот земјотрес кој се случи на 6 февруари во Турција, како и за собирање и пренесување на материјална и финансиска помош за настраданите, се наведува во соопштението на Турската амбасада. Во соопштението се посочува дека народот на Северна Македонија, по настанатата катастрофа, во дух на солидарноста, како и вековното братство и пријателство, се соедини со турскиот народ. - Ова единство и сплотеност помеѓу нашите народи искажано во овој исклучителен период, претставува едно скапоцено наследство кое ќе им го пренесеме на идните генерации, се додава во соопштението.

Турска амбасада во Македонија: Ќебињата и облеката кои се донираат треба да бидат нови и со декларација

Ивана Ефремовски — Fri, 10 Feb 2023 08:01:28 +0000

Согласно најновите препораки од Амбасадата на Турција, донациите во текстил за земјотресот во Турција мора да бидат нови и со декларација. Македонските граѓани кои донираат ќебиња и облека не треба да носат стари, односно веќе користени парчиња. Дополнително, материјалите треба да бидат пакетирани и на нив, на турски јазик јасно да биде напишан видот на материјалната помош. Граѓаните на социјалните мрежи реагираат на ваквото барање од Амбасадата бидејќи тие веќе донирале ќебиња и облека, кои сега не знаат како и дали ќе биде однесена таму каде што е потребна.

турска амбасада – Kurir.mk

Турската амбасада изрази благодарност за искажаната солидарност од земјава по земјотресот

Турска амбасада во Македонија: Ќебињата и облеката кои се донираат треба да бидат нови и со декларација