турски државјани – Kurir.mk

Затекнати седум турски државјани како извршуваат градежни работни без потребните документи

Ивана Ефремовски — Fri, 28 Jul 2023 13:50:59 +0000

На 27.07.2023, полициски службеници од Одделението за прекуграничен криминал, миграции, странци и реадмисија Скопје при Регионалниот центар за гранични работи Север во содејство со инспектори од Државниот инспекторат за труд извршиле контрола на градежен објект на подрачјето на Аеродром, Скопје. При контролата биле затекнати седум турски државјани како извршуваат градежни работни активности без регулиран привремен престој за странец по основ на вработување и без соодветна дозвола издадена од Агенцијата за вработување. По доставено барање за поведување прекршочна постапка против сите седум лица по член 217 став 1 и став 2 од Законот за странци, Основниот суд Скопје им изрече глоби од 250 евра и им издаде решенија за враќање на странец.

Турски државјани нелегално граделе во Македонија, еве каква казна следува

Ивана Ефремовски — Wed, 12 Apr 2023 18:57:03 +0000

На 11.04.2023 од страна на ИСР Битола при РЦ за ГР Југ во заедничка акција со Државниот инспекторат за труд, на градилиште во Битола се затекнати три лица турски државјани, како извршуваат градежни работи без да поседуваат работни дозволи. Од страна на ИСР странските државјани се приведени, против нив се поднесени прекршочни пријави и изведени пред Судија за прекршоци. Од страна на Државниот инспектор за труд се превземени соодветни мерки против изведувачот на градежните работи.

Апсење на охридскиот аеродром – еве како сакале да влезат двајца турски државјани во нашата земја

Дарко Андоновски — Mon, 28 Mar 2022 10:58:00 +0000

Двајца турски државјани со фалсификувани визи приведени на охридскиот аеродром информираат од МВР. На 27.03.2022 во 13:00 часот на Граничниот премин – Аеродром „Св.Апостол Павле“ во Охрид, при извршена пасошка контрола, било констатирано дека патните исправи и британските визи на две лица на возраст од 31 и 23 години, двајцата од Република Турција, биле фалсификувани. Со нив бил извршен службен разговор и било утврдено дека визите ги набавиле преку турска агенција за што платиле повеќе од 500 фунти, велат од МВР. Тие, додаваат од МВР, биле приведени и предадени на полициски службеници од Регионалниот центар за гранични работи Запад за понатамошна постапка.

Турски државјани и фирма од Тетово осомничени за обид да избегнат плаќање акциза

Дарко Андоновски — Thu, 12 Aug 2021 09:45:27 +0000

Основното јавно обвинителство Тетово донесе Наредба за спроведување истражна постапка против двајца државјани на Република Турција и едно правно лице со седиште во Тетово, кои се осомничени за кривично дело – Избегнување на плаќање акциза согласно член 279-б став 1 и став 5 соодветно, а во врска со член 19 (во обид) од Кривичниот законик. Осомничените, управител и одговорно лице во тетовското правно лице, се обиделе да пуштат во промет акцизни добра без акцизна дозвола, со што би избегнале плаќање на акциза во вкупен износ од 792.514 денари. На 6 март, на царинската испостава „Блаце“ осомничените пријавиле за увозно царинење 29.800 килограми бруто маса адитив, а на царинската испостава „Скопје 1“ уште 29.750 килограми бруто маса адитив. Двете пратки од испраќач од Обединетите Арапски Емирати имале приложена царинска декларација која се однесува на препарати против детонација, препарати за спречување оксидација, за спречување на таложење смола, подобрувачи на вискозитет, антикорозивни препарати и други адитиви за минерални масла. По извршена контрола и земени мостри од пријавената стока, било утврдено дека се работи за различна стока од наведената во царинската декларација, односно дека станува збор за масла добиени од нафта, средни и тешки масла за други намени. Јавниот обвинител оцени дека во конкретниот случај постои опасност од бегство, можност за влијание врз сведоци и повторување на делото, па до судијата на претходна постапка во Основниот суд Тетово достави предлог за определување мерка притвор за двајцата осомничени странски државјани. Судијата го прифати предлогот и им определи притвор во траење од 30 дена, кој за едниот осомничен е веќе ефективен, додека за другиот ќе се реализира по неговото пронаоѓање и лишување од слобода.

Поднесено обвинените против четири турски државјани на Турција поради фалсификување на негативни ПЦР тестови

Магдалена Андонова — Wed, 09 Jun 2021 11:54:37 +0000

Основното јавно обвинителство Скопје поднесе Обвинителен предлог против четири лица, државјани на Република Турција за кривично дело – Фалсификување исправа од член 378 став 1 од Кривичниот законик. Обвинетите на 4 јуни 2021 година, на граничниот премин „Меѓународен аеродром Скопје“, при чекирање за лет кон Истанбул, употребиле како вистински лажни лажни сертификати за негативни ПЦР тестови за SARS-CoV-2 вирусот, иако знаеле дека не се тестирале во наведенaтa лабораториja и дека не им бил издаден таков сертификат.

Поднесено обвинение против тројца државјани на Турција – прикажувале фалсификувни ПЦР тестови

Магдалена Андонова — Wed, 03 Mar 2021 12:36:58 +0000

Основното јавно обвинителство Скопје денеска до Основниот кривичен суд Скопје поднесе обвинителни предлози против тројца државјани на Република Турција за кривично дело – Фалсификување исправа согласно член 378 став 1 од Кривичниот зaконик. На 1 март, при процедурите за проверка на пасошот на Меѓународниот аеродром Скопје, тројцата обвинети прикажале лажни потврди за негативен тест за SARS-CoV-2 вирусот. Иако воопшто не се тестирале, обвинетите се обиделе да ја напуштат државава со потврди за кои знаеле дека не се издадени од наведените лаборатории.

Фалсификувале ПЦР тестови – обвинети тројца турски државјани

Магдалена Андонова — Mon, 01 Mar 2021 15:15:04 +0000

Основното јавно обвинителство Скопје денеска поднесе обвинителни предлози и против тројца државјани на Република Турција за кривично дело – Фалсификување исправа од член 378 став 1 од Кривичниот законик. Обвинетите, на пасошка контрола при излез од државава, на граничниот премин на Меѓународниот аеродром Скопје, прикажале лажни потврди за негативни ПЦР тестови за SARS-CoV-2 вирусот, кои наводно биле издадени од една лабораторија во Скопје. Потврдите ги прикажувале како вистински, иако знаеле дека воопшто не се тестирале во наведената лабораторија и дека не поседуваат серитфикат за негативен ПЦР тест.

На грчкиот остров Хиос пристигнале 23 турски државјани кои наводно бараат политички азил

Магдалена Андонова — Fri, 07 Aug 2020 09:44:02 +0000

Со чамец, од турското крајбрежје на грчкиот остров Хиос вчера пристигнале 23 Турци, меѓу кои и деца и побарале политички азил во Грција, објави онлајн изданието на весникот „Политис“ од островот, јави дописничката на МИА од Атина. Според истите информации, турските државјани рекле дека ги гони влада на Ердоган, додека пак крајбрежната служба од Хиос уапсила две лица кои веројатно се криумчари и управувале со чамецот. (МИА)

Тројца државјани на Турција обвинети за обид да ја поминат границата со лажни израелски пасоши

Дарко Андоновски — Mon, 24 Feb 2020 13:38:55 +0000

Основното јавно обвинителство Скопје против тројца турски државјани поднесе Обвинителен предлог за кривично дело – Фалсификување исправа од член 378 став 3 во врска со став 1 од Кривичниот законик.

Тројцата обвинети, на 22 јануари, при влез на државната граница од Република Косово, на граничниот премин Долно Блаце, употребиле како вистински лажни јавни исправи – израелски пасоши и лични карти. Станува збор за двајца мажи на возраст од 26 и 41 година, како и една жена на возраст од 45 години.

Употребените лажни документи се разликуваат од оригиналните израелски документи по квалитетот на хартијата, застапените техники на печатење на образецот, заштитните знаци, сјајот и интензитетот на застапените бои.

Се расправале, па го прободела со нож и го оставила среде улица- еве ги деталите од љубовната драма во Гостивар

Дарко Андоновски — Thu, 20 Feb 2020 10:10:45 +0000

Едно лице е згрижено синоќа во гостиварската болница, откако претходно во неутврдени околности било прободено со нож. Според неофицијални информации на нападот му претходела расправија. Според СВР Тетово, синоќа (19 февруари) околу 20.30 часот во Полициската станица Гостивар, од Медицински центар Гостивар било пријавено дека на излез од Гостивар, на магистралниот пат кон Тетово, бил пронајден О.А.Х.(23) од Р.Турција со повреда од остар предмет. Повредениот инаку имал регулиран престој во Гостивар. Тој бил пренесен во Ургентен центар Гостивар за укажување на лекарска помош. Во 22.00 часот, во врска со настанот, поради сомнение за сторено кривично дело „убиство во обид“ од слобода била лишена К.Д.(24) од Р.Турција, со привремено живеалиште во Гостивар. По целосно документирање на случајот против неа ќе биде поднесен соодветен поднесок.