турски државјанин – Kurir.mk

На ГП Табановце кај турски државјанин пронајдена поголема непријавена сума на пари

Тале Кристо — Sat, 01 Apr 2023 08:51:13 +0000

На 31.03.2023 на Граничен премин Табановце од страна на полициски службеници од Полициска станица Табановце е извршен преглед на патничко возило „порше кајен“ со романски национални ознаки, управувано од Ј.О.(60) од Република Турција. При прегледот во возилото се пронајдени и одземени непријавени парични средства во износ од 31.000 евра. Паричните средства се предадени на Царинска управа, а лицето е предадено и задржан за понатамошна постапка и по целосно документирање на случајот против него ќе биде изготвен соодветен поднесок.

Турски државјанин приведен за криумчарење на тројца мигранти

Тале Кристо — Sun, 12 Mar 2023 13:09:56 +0000

Полициски службеници од Полициска станица за граничен надзор Стар Дојран вчера, во 01.35 часот на раскрсница „Богданци“ го лишиле од слобода О.Т.(24) од Република Турција, кој управувал патничко моторно возило „опел вектра“ со црногорски национални ознаки, a во кое превезувал три лица мигранти. Како што соопшти МВР, О.Т. е задржан во Полициска станица Гевгелија за понатамошна постапка. За настанот е известен Јавен обвинител и по целосно документирање на случајот ќе биде поднесен соодветен поднесок.

Турски државјанин е сомнителното лице кое вчера го бараа грчките власти во двата лета на Емирати

Ивана Ефремовски — Fri, 11 Nov 2022 15:49:46 +0000

Турски државјанин со арапско потекло, според грчките медиуми е сомнителното лице кое грчките власти вчера го бараа во двата лета на Емирати од Атина кон Дубаи и Њујорк, по добиените информации од ЦИА, јави дописничката на МИА од Атина. Медиумите во Грција, повикувајќи се на извори од грчката полиција, денеска објавија дека конкретното лице било идентификувано и лоцирано во Атина каде што живее во изминатите години, а имало поднесено барање за американска виза, меѓутоа веројатно не е уапсен. Весникот „Катимерини“ пишува дека безбедносните служби биле мобилизирани, откако амбасадата на САД во Атина добила мејл во кој пишувало дека конкретното лице ќе биде во еден од двата летови, додека пак државната телевизија ЕРТ објави дека во мејлот биле наведени причините зошто мажот треба да се смета за сомнителен за тероризам. -Иако информацијата од надлежните не била оценета како посебно веродостојна, сепак било одлучено да се проверат патниците за секој случај. По расплетот на случајот, се разгледува можноста мејлот да е испратен, злонамерно, од лице кое припаѓа на околината на турскиот државјанин, пишува „Катимерини“. Со слични информации излегоа и другите медиуми во Грција. Вчера попладне во Атина беа извршени безбедносни проверки на два лета на компанијата Емирати, едниот со крајна дестинација Дубаи, кој полета со доцнење, а другиот, се врати на атинскиот аеродром откако леташе над Италија кон Њујорк. Авионот слета во Атина кусо пред 22 часот по локално време, а грчката полиција соопшти дека по извршената проверка на сите патници, како и на авионот, не го пронашле лицето на кое се однесувале добиените информации, ниту пак пронашле било што друго сомнително. (МИА)

Апсење пред казино во ГТЦ: Приведен турски државјанин, кај него бил пронајден пиштол

Магдалена Андонова — Wed, 14 Sep 2022 11:30:35 +0000

Пред казино во Градскиот трговски центар во Скопје, вчера во 17.00 часот полициски службеници од Единицата за недозволена трговија при СВР Скопје го лишиле од слобода О.Х.Х.(29) од Република Турција. Кај него бил пронајден нож, а при преглед во патничко моторно возило „фолксваген пасат“ со гостиварски регистарски ознаки биле пронајдени пиштол-автомат „шкорпион“ со една рамка со 11 куршуми. Од МВР денеска информираа дека со него бил извршен службен разговор и било констатирано дека го пречекорил дозволениот престој во Република Северна Македонија и нема одобрен привремен престој. Тој бил задржан во полициска станица за понатамошна постапка. Известени биле Јавен обвинител и судија од Основен кривичен суд Скопје. По целосното документирање ќе следи соодветен поднесок.

Турски државјанин осомничен за криумчарење на над 13 килограми злато на Табановце

Магдалена Андонова — Mon, 08 Aug 2022 14:16:19 +0000

сновното јавно обвинителство Куманово, постапувајќи по поднесена кривична пријава, донесе Наредба за спроведување истражна постапка против турски државјанин со живеалиште во Скопје, кој е осомничен за кривично дело – Криумчарење од член 278 став 3 во врска со став 1 од Кривичниот законик. Осомничениот 55-годишник бил корисник на старосна пензија во Република Турција, додека во земјава бил ангажиран со договор на дело како возач на автобус во превозник од Скопје. На 7 август осомничениот управувал со автобус на редовна линија Пореч, Р.Хрватска – Гостивар Р.С. Македонија. На граничниот премин Табановце, преку царинска линија, при влез во земјава, се обидел да ја избегне царинската контрола и пренел непријавена стока од големи размери – златен накит, часовници и златни плочки во вкупна вредност од 36.305.644,81 денари. Пратката со златни предмети претходно ја зел од хрватски државјанин и ја скрил во делот каде што се наоѓа вентилацијата на автобусот. При контрола од овластени царински службеници таму биле пронајдени 18 пакувања во кои имало 97 златни прстени, 39 златни огрлици, 133 златни нараквици, 4 парчиња нараквици со полускапоцени камења, 5 парчиња сини златни нараквици, 8 парчиња жолти златни нараквици, 5 парчиња гумени нараквици со златни плочки, 5 парчиња часовници златни без механизми и нивни делови, 33 парчиња златни приврзоци, 91 парчиња златни обетки, 23 парчиња златни монети, 48 парчиња златен кршен накит, 73 парчиња златни плочки во правоаголна и друга форма и 3 пакети злато во гранули. Златните предмети биле со вкупна тежина од 13,3 килограми. Основно јавно обвинителство Куманово до судијата на претходна постапка на Основниот суд во Куманово поднесе предлог за определување на мерката притвор против осомничениот, бидејќи постои основан страв дека може да се даде во бегство, но и да го повтори кривичното дело доколку се брани од слобода.

Уапсен турски државјанин, бил баран со меѓународна потерница

Магдалена Андонова — Fri, 06 May 2022 12:29:00 +0000

На 06.05.2022 во 11.00 часот на подрачје на Бит пазар, полициски службеници од Единица за внатрешни работи, Одделение за криминалистички работи Чаир го лишиле од слобода А.А.(59) од Република Турција. Тој бил баран по меѓународна потерница издадена од Интерпол Анкара. Лицето е предадено на полициски службеници од Полициска станица Бит Пазар за понатамошна постапка.

Приведен турски државјанин во Карпош – бил баран со потерница за убиство

Магдалена Андонова — Thu, 06 May 2021 12:37:48 +0000

На 05.05.2021 во 17 часот од полициски службеници од СВР Скопје на подрачјето на Карпош бил лишен од слобода З.С.(47) од Р.Турција со престојувалиште во Скопје, кој се барал по меѓународна потерница за сторено крвично дело „убиство“. Тој бил задржан во Полициската станица Карпош за понатамошна постапка.

Поднесено обвинение против еден турски и два македонски државјани – фалсификувале ПЦР тест

Магдалена Андонова — Wed, 14 Apr 2021 08:48:03 +0000

Јавен обвинител од Основното јавно обвинителство Скопје поднесе Обвинителен предлог против 72-годишен државјанин на Република Турција кој се товари дека извршил кривично дело – Фалсификување исправа од член 378 став 1 од Кривичниот законик. На 9 април, на граничниот премин на Меѓународниот аеродром Скопје, обвинетиот употребил како вистинска лажна исправа – медицински сертификат за негативен ПЦР тест на SARS-COV-2 вирусот. Иако знаел дека документот е лажен, односно дека на 7 април не се тестирал во наведената лабораторија во Скопје, тој се обидел да ја напушти државата, употребувајќи го сертификатот пред овластените службени лица на аеродромот. За истото кривично дело поведена е постапка и против двајца македонски државјани, маж и жена од Чегране, кои со лажна потврда за негативен ПЦР тест се обиделе да ја напуштат државата на 13 март. За нив надлежен јавен обвинител до Судот достави Предлог за издавање казнен налог со кој на Судот му предложи да им изрече парична казна од по 100 дневни глоби, а поединечната вредност на дневната глоба да биде определена на 20 евра во денарска противвредност.

Лишени од слобода скопјанец и турски државјанин – кај нив била пронајдена марихуана

Магдалена Андонова — Sun, 11 Apr 2021 10:17:29 +0000

На подрачјето на Центар, полициски службеници од СВР Скопје вчера ги лишиле од слобода Е.О.А.(24) од Р.Турција и И.Б.(19) од Скопје, бидејќи при преглед кај нив била пронајдена марихуана. Од МВР денеска информираат дека по целосно документирање на случајот, против нив ќе бидат поднесени соодветни поднесоци.

Турски државјанин приведен на скопскиот аеродром – фалсификувал исправа

Магдалена Андонова — Sat, 26 Dec 2020 11:03:39 +0000

Вчера во 08.00 часот на Граничен премин „Меѓународен аеродром Скопје“, од полициски службеници е лишен од слобода Ф.Ц.(19) од Р.Турција поради постоење основано сомнение за сторено кривично дело „фалсификување на исправа“ бидејќи истиот приложил германска лична карта на име T.Л.(20) од Германија. Лицето е предадено на Одделение за прекуграничен криминал и миграции-Скопје за понатамошна постапка.