Изложба по повод Денот на образование на турски јазик

Тале Кристо — Mon, 21 Dec 2020 07:34:08 +0000

По повод Денот на образование на турски јазик – 21 Декември, Институтот „Јунус Емре“ и Фондацијата на стрелци на Република Турција организираат изложба „Турското стреличарство низ историјата“. Како што соопшти Институтот, изложбата попладне во Куршумли ан ќе ја отвори Мустафа Шентоп, претседател на Големото народно собрание на Турција. Денот на образование на турски јазик е единствен национален празник на Турците во земјава и од 2007 година е неработен за турската етничка заедница. На овој датум се одбележуува почетокот на наставата на турски јазик во 1944 година, во основното училиште „Тефејуз“ во Скопје.

Честитка од Заев по повод Денот на наставата на турски јазик

Ивана Ефремовски — Sat, 21 Dec 2019 14:36:48 +0000

Премиерот Зоран Заев по повод одбележувањето на 21 декември – Денот на наставата на турски јазик, упати честитка до припадниците на турската заедница. -Денес, кога градиме едно општество за сите свои граѓани, припадниците на турската заедница се значаен и конструктивен дел од тоа наше заедничко општество. Наши истакнати сограѓани од турската заедница го даваат личниот, значаен придонес во развојот на нашиот мултикултурен и мултиетнички мозаик, напиша премиерот Заев во честитката.

Почитта кон другиот и поддршката за секоја заедница да го негува и чува мајчиниот јазик, потенцира тој, е од огромно значење зашто ги обединува луѓето.

турски јазик – Kurir.mk

Изложба по повод Денот на образование на турски јазик

Честитка од Заев по повод Денот на наставата на турски јазик