туш – Kurir.mk

Анкета: Повеќето Германци се тушираат пократко и поретко за да штедат енергија

Ивона Петрова — Thu, 21 Jul 2022 12:09:23 +0000

Апелите на германската Влада, пред се на министерот за економија Роберт Хабек, граѓаните да штедат енергија со помалку туширање вродија со плод, покажа истражувањето на институтот ИНСА. Ова барање доведе 62 отсто од Германците да се тушираат пократко и поретко отколку пред само неколку недели. Од друга страна, 35 отсто тврдат дека не ги промениле навиките за туширање. Поддржувачите на партијата Зелени, 33 отсто, почесто од другите гласачи велат дека таа го намалила времетраењето и зачестеноста на туширањето. А, Германците со помали примања почесто изјавуваа дека на овој начин штедат енергија. Речиси секој втор Германец, 45 отсто, има преземено и мерки на претпазливост за студената зима, односно имаат намера тоа да го направат наскоро, на пример, преку набавка на генератори за струја и слично. Интересно е и тоа што 44 отсто од граѓаните најавија дека сакаат и ќе учествуваат на евентуалните демонстрации против високите цени на енергенсите.

Најдобро средство против БИГОР: Идеално за чистење на туш кабината, не остава траги од ВОДА

Ристе Здравков — Tue, 12 Jul 2022 13:40:19 +0000

НАМЕСТО ДА КУПУВАТЕ СКАПИ ПРЕПАРАТИ ЗА ОТСТРАНУВАЊЕ НА БИГОРОТ ИЛИ МУВЛАТА ОД КАДАТА, САМИТЕ МОЖЕТЕ ДА НАПРАВИТЕ ЕФИКАСНО СРЕДСТВО ЗА ЧИСТЕЊЕ. ЗА ОВОЈ ДОМАШЕН СПРЕЈ ВИ СЕ ПОТРЕБНИ 150 МЛ АЛКОХОЛЕН ОЦЕТ 150 МЛ ДЕТЕРГЕНТ ЗА САДОВИ Најпрво загрејте го оцетот па ставете го во шише со распрскувач. Додадете го детергентот и протресете за да се измешаат состојките. Испрскајте ја кадата и оставете да отстои 30 минути. Потоа, пребришете ја со сунѓер и исплакнете ја со топла вода.

На ова место се кријат опасни микробактерии, еве кој дел од тоалетот мора најдлабински да го чистите

Ивана Ефремовски — Thu, 25 Mar 2021 17:14:32 +0000

Истражувачи открија дека во тушот се наоѓаат микобактерии кои можат да предизвикаат проблеми со белите дробови. Истражувањето уште одамна е направено во 656 домаќинства во Европа и во Америка, а пронајдена е споменатата микобактерија. Овој ситен микроорганизам често се наоѓа во главата на тушевите. Симптомите на инфекција на белите дробови од оваа бактерија вклучуваат хронична или повторувачка кашлица, губење на тежината, температура и губење на енергија. Тоа што ги изненадило научниците е што металните тушеви содржеле повеќе микробактерии од пластичните. „Доволно е да дишете под тушот, а бактериите преку вдишувањето би можеле да навлезат во белите дробови“, објаснува д-р Барбара Кебер. Притисокот и топлината на водата во тушот го прават идеален за експлозија на бактерии. Но, според д-р Кербер, не треба премногу да се возбудувате бидејќи шансите да добиете воспаление на белите дробови поради оваа бактерија не се толку големи. Факт е дека повеќето луѓе веројатно нема да се разболат од микробактериите во тушевите, но постои чувствителен дел од популацијата кој мора да биде повнимателен. „Луѓето со послаб имунитет имаат поголем ризик за инфекција“, вели Лен Хоровиц, специјалист за белодробни заболувања. Превентивни мерки што може да се преземат е редовно чистење на тушот (може да го потопите во алкохолен оцет и вода) и замена кога е тоа потребно.