Тутанкамон – Kurir.mk

На денешен ден пред 100 години пронајдена е импресивната гробница на Тутанкамон: За неа кружи приказна за проклетство

Магдалена Андонова — Fri, 04 Nov 2022 15:13:54 +0000

Едно од најспектакуларните откритија во историјата на археологијата се случи на денешен ден пред сто години, кога во близина на Теба во Долината на кралевите, англискиот археолог Хауард Картер ја откри недопрената гробница на фараонот Тутанкамон, владетелот на деветнаесеттата династија на Египет. . Картер, чие истражување беше финансирано од Лорд Карнарвон, и неговиот тим започнаа со ископување на локацијата во ноември 1922 година. Обрнувал внимание на колибите кои ги запоставувал во претходните сезони. По расчистувањето на колибите, заедно со урнатините под нив, откриено е и скалило врежано во карпа. Скалите беа делумно ископани, сè додека Картер не дојде на влезот во гробницата, која беше испечатена со нејасни картуси. Според Википедија, кога скалите биле целосно исчистени, било можно да се прочита печатот на дното на влезот, а на него било напишано името на Тутанкамон. На крајот од фоајето, за кое макотрпното чистење покажа дека е целосно блокирано, имало уште една запечатена врата. Картер успеал да направи мал отвор во нив и, туркајќи ја свеќата, ѕирнал внатре. - Отпрвин не видов ништо. Свеќата трепереше во контакт со жешкиот воздух, но додека моите очи се прилагодија на светлината, деталите од комората полека излегуваа од маглата. Невообичаени животни, статуи и злато. Насекаде трошка злато - ќе напише подоцна. Ова спектакуларно откритие е познато по големото количество вредни антиквитети пронајдени во гробницата. Беа потребни цели осум години за да се испразни гробницата, а целата негова содржина беше пренесена во Египетскиот музеј во Каиро. Проклетството на гробот на Тутанкамон Поради комбинација на несреќни околности, почнаа да кружат и приказни за проклетството на гробот на Тутанкамон. Не требаше долго да се прошири приказната за проклетството на Тутанкамон кога лорд Карнарвон почина од заразена рана што си ја нанел додека се бричел, пренесува National Geographic Србија. По Карнавон, жртвите на проклетството на Тутанкамон биле споменати како Џорџ Џ. по операција, итн. Згора на тоа, Хауард Картер е исто така на оваа листа, иако истражувачот починал 16 години по отворањето на гробницата. Џенифер Вагнер, египтолог од Универзитетот во Филаделфија, вели дека во секоја древна египетска гробница има инсекти, мувла и бактерии кои се депонирани илјадници години.

Тутанкамон, Црпковото проклетство и по Боки, Зоки…

Љупчо Цветановски — Fri, 18 Mar 2022 11:46:36 +0000

Секој кој се дружел со Црпко, иста клета судбина го чека. Да, Тутанкамон може вода да му носи на Другарче. Докажано, емпириски. Кој се дујдисал со него, го јал. За сите пари. Пари што ги здиплил од државата, па после истиот го „здиплиле“ во марица. И затоа, Црпковото проклетство е поиздржано и факт. Нема бегање од него. Зокиевиот АРАМ... Ок, дилемата е дали е проклетство или лепливи рачиња се во прашање, ама судбата е таа. Секој кој бил близок и муљал со него доживеал ист фатум, да го црпнат од дома и во ќорка да заврши. Ако не верувате, прашајте го Рашко, оној кој од родендени и мекици направи милиони. Ако се уште не сте убедени, втора шанса ви е соселанецот Дончев, кому му го утнале името, па не виде бел ДЕН од дружбата со муртинскиот другар и мораше да фати усвета Автралија со азното кое го броеше наочиглед цела нација. Уште не верувате дека Зочевото проклетство е посилно од Тутанкамоновото? Прашајте ја Димова и магарињата кои за тие пари мораше барем да летаат. Во најмала рака... Неверни Томи сте? Тамам, ви текнува на Катица, Кејти Џејн, специјалната шерифка која наместо да тера правда полнеше џебови? И сега е во најспецијален, домашен затвор, најлуцидната комуњарска измислица. Недоволно? Венко сомоторџијата кој моментално кутрули од тетовската таргедија со модуларните болници и набеди еден кабел? Павле што жив го фатија како шмрка бело, па се спаси со оставка? Малку ви се? Зоче е интернационелен тип, соодветно и адекватно на бројот на јазици кои ги познава. Ако не верувате, прашајте го Бојко Борисов. Да, бугарскиот потписник на Договорот за „пријателство“ кој сега толку пријателски лежи во бугарска ќорка... Или Ципрас. Кој Ципрас? Да, ни во Грција веќе не се сеќаваат на него. На неговата партија уште помалку. Ах, Зоче, Зоче, машни тој што ти даруваше. Па ти му ја врза машната со клетвата што ја носиш. Или ВРЖА, ко престолонаследникот Таче што милува да каже... Интернационалната листа е долга, на неа се и Меркел, Меј и цела плејада државници кои по клетата дружба и поддршка на Црпко, ги црпнаа од функциите и траснаа на земја. Цела армија поддржувачи и милователи на ликот и неделото на ЗЗ кои лошо атерираа... Сепак, најачик пример е рекетарот Боки, најдоброто другарче на Зоки. Оти, само Боки се отвори за Зоки. Од сите муљатори, саде таа малер 13-ката проговори за криминалот и забеганоста на ЗЗ. Нешто што сите го знаевме, беше јавна тајна, ама не е на одмет некој од бандата да го каже и јавно. Банда, за која Далтони се олицетворение на чесност. Од страв од чадорот на Зоки, само Боки се осмели да го повлече другарче долу. Исто така, од целата му банда, само тој и куртули. Мислите ли дека ќе остане така? Дека само три пати аболираниот Муртинхаузен и четврти пат ќе се спаси од правдата? Хмммм, велат дека раката на дотичната е спора, ама секогаш си ја врши работата. Затоа, Македонецот очекува да биде во стилот на она комуњарското, ама модифицирано на условите. Она, И ПО БОКИ, ЗОКИ. А Таче нека му ја мисли. Затоа што, знаете, ова не е Зокиево проклетство, туку македонско. Клетва ли е што ли е. МАКЕДОНСКИ АРАМ...

ФОТО: Се реставрира саркофагот на Тутанкамон

Ивона Петрова — Mon, 05 Aug 2019 09:50:17 +0000

Саркофагот на египетскиот владетел Тутанкамон е подложен на реставрација првпат по откривањето во 1922 година. Потоа, наредната 2020 година, украсниот ковчег на младиот фараон, заедно со други предмети, поврзани со неговото владеење, ќе бидат изложени во новиот голем музеј. Египетските власти и вчера го изложија позлатениот саркофаг на Тутанкамон пред јавноста. Обновувањето почна кон средината на јули кога ковчегот беше префрлен од гробницата од Долината на Кралевите, во јужен Египет, во Големиот египетски музеј во Каиро. Реставрацијата ќе трае осум месеци. Тутанкамон е можеби најславниот египетски фараон, благодарение на британскиот археолог Хауард Картер, кој во 1922 година ја откри неговата недопрена гробница. „Детето фараон” – Тутанкамон бил син на Екнатон и веројатно на неговата далеку пославна сопруга – владетелката Нефертити. Младиот владетел седнал на престолот на девет години, а починал десет години подоцна од маларија. На почетокот на јули, Египет побара од Интерпол да се пронајде портретот на Тутанкамон, стар 3.000 години, што беше продаден во Лондон за 5,3 милиони евра, и покрај противењето на Каиро.

Неговата гробница сурово усмртила шест археолози: Проклетството на Тутанкамон и денес прогонува многумина (ВИДЕО)

Ивана Ефремовски — Thu, 20 Dec 2018 10:09:35 +0000

Проклетството на фараонот е наводна магија за која се вели дека е фрлена на било која личност која ја вознемирува мумијата на моќниот Египќанец. Се вели дека ова проклетство, кое не прави разлика меѓу крадци и археолози, предизвикува лоша среќа, болест, па дури и смрт. Од средината на 20-тиот век, многу историчари тврделе дека проклетството е реално, поради необјаснивите околности кои се случиле по отворањето на древниот ковчег. Фараоните долга низа години биле погребувани во долината на кралството на реката Нил во Египет, а 64 гробници се веќе отворени. Меѓутоа, серијата "Топ 10 тајни и мистерии" покажува како едно откритие ги оставило истражувачите збунети и исплашени. Познатата гробница Тутанкамон е откриена во 1922-ра година, а детално е опишана во еден документарец од 2017-та година. Кратко по откритието, пријавени се мистериозни смртни случаи меѓу членови на тимови од археолози кои го пронашле гробот. Овие случаи биле припишувани на клетвите кои фараонот ги фрлал за да ги исплаши ограбувачите на гробовите. "Меѓутоа, повеќето смртни случаи може да се објаснат медицински, од 12 присутни луѓе во текот на отворањето на саркофагот, шест починале во рок од неколку месеци", се наведува во документарецот. Денес архелозите носат заштитни маски при влегувањето во таквите места. Свесни дека бактериите се активни во разградениот органски материјал и може да влезат во отворени рани и да ја прошират инфекцијата. Меѓутоа, сите смртни случаи не може да се припишат на ова, а во прилог на тоа зборуваат и бизарните искуства кои и денес ги имаат некои истражувачи. Некои детално опишале како доживеале многу живописни сништа, тврдејќи дека "ги прогонувале" мумии кои очигледно ги вознемириле.