тутунопроизводители – Kurir.mk

Ристески: Пратеничката група на ВМРО-ДПМНЕ ќе поднесе Предлог за закон за изменување и дополнување на Законот за тутун

Дарко Андоновски — Wed, 26 Jan 2022 10:51:28 +0000

Денес Пратеничката група на ВМРО-ДПМНЕ ќе поднесе Предлог за закон за изменување и дополнување на Законот за тутун, производи од тутун и сродни производи, по скратена постапка, ова денеска преку изјава за медиумите го истакна пратеникот Петар Ристески од пратеничката група на ВМРО-ДПМНЕ. -Со постоечкиот закон кој е изменет во 2019-та година од страна на Владата на СДСM и ДУИ, во овие неколку години, има големи проблеми во откупот на тутунот. Пред се, тука мислиме на забрана на увозот на тутун од страна, склучување на договори со сите коминтетнти и оние кои во изминатите години поднесле жалби за да нема реваншизам кон тутунарите и да се зголеми контролата врз откупувачите од страна на државата, бидејќи се врши очигледен грабеж на тутунарите. Со континуирани консултации со тутнопроизводителите дојдовме до предлог промена на Законот за тутун и производи од тутун, со тоа што би се забранило увоз на надворешен тутун до оној момент додека не се откупи и последниот килограм на домашниот тутун. Со тоа би ги заштитиле тутунопроизводителите чиј што живот и егзистенција зависат од тој тутун, вели Ристески. Тој додава дека не е проблем со увозот на тутун што легално се увезува, но имаме информации дека и лани, а и сега дека се дозволува огромен шверц на тутун од Бугарија и од Албанија. Се носи тутун по многу евтина цена, 60-90 денари и плус за тој тутун, кој се предава како домашен, а дополнително се земаат и субвенции. Поради недоследноста во примената и извршувањето на постоечкиот Закон, потребите на граѓаните се причината за овие предложени измени на Законот за тутун, производи од тутун и сродни производи се во функција на допрецизирање на третманот на неферментираниот тутун. -Целта на Предлог законот кој што ќе го поднесеме е да се надминат проблемите и да се обезбеди правна сигурност при откуп на тутунот и покрај поднесен приговор и да се допрецизира третманот на неферментираниот тутун. Имено, за увезениот необработен тутун, увозникот ги избегнал сите споменати обврски во Глава II, III I IV од Законот за тутун, производи од тутун и сродни производи и не гарантира за потеклото, безбедноста и контролата на производот, што е спротивно на Европската Регулатива 40/2014 како и Рамковната конвенција за контрола на тутунот на СЗО која ја имаме Ратификувано во 2006 година. Должни сме да ги почитуваме одредбите на истата, потсетувајќи на член 15 од Рамковната конвенција за контрола на тутунот од СЗО, потписниците се обврзани за елиминирање на сите форми на недозволена трговија со тутун и тутунски производи, вклучувајќи криумчарење и нелегалното производство, што е суштинска компонента на контролата на тутунот. Сметаме дека со предложеното изменување и дополнување на Законот ќе се создадат услови на целосно и подобро спроведување на Законот и истовремено ги повикуваме пратениците од парламентарното мнозинство да дадат поддршка на измените и дополнувања кои што ги бараат и истовремено ќе ги решат проблемите со кои се соочуваат тутунопроизводителите, истакна Ристески.

Мицкоски: Тутунопроизводителите се понижени од оваа власт, ВМРО-ДПМНЕ ќе го врати достоинството на тутунарите

Ивана Ефремовски — Thu, 27 May 2021 13:56:02 +0000

Претседателот на ВМРО-ДПМНЕ, Христијан Мицкоски одговарајќи на новинарско прашање по изјавата во Прилеп рече дека ВМРО-ДПМНЕ е партија од народот и дека тутунарите се во главните приоритети на партијата. Мицкоски истакна дека тутунарите се крајно понижени и оставени на цедило од оваа власт со недостоинствена и мизерна просечна цена на тутунот. -ВМРО-ДПМНЕ е партија од народот ВМРО-ДПМНЕ е народна партија тутунарите се еден од нашите главни приоритети тоа сме го покажале многу пати во минатото. За жал денеска тутунарите се понижени од страна на оваа власт. Просечната цена добив информација не надминува 107 денари за килограм продаден тутун што претставува една катастрофа општа. Тоа што им беше ветувано од оваа влада за жал не е испорачано дополни Мицкоски. Христијан Мицкоски претседателот на ВМРО-ДПМНЕ потенцираше дека ВМРО-ДПМНЕ како партија се обврзува да го врати достоинството на тутунарите и дека ја очекува нивната доверба и на претстојните локални избори и потоа на предвремени парламентарни избори. Мицкоски дополни дека со ВМРО-ДПМНЕ на власт доаѓаат подобри времиња за тутунопроизводителите каде правично и достоинствено ќе биде вреднуван нивниот труд. -Она кое што ние се обврзуваме е повторно да го вратиме достоинството на тутунопроизводителите и тие да бидат луѓето кои што ќе бидат задоволни од политиките и на централната и на локалната власт. За жал сега како опозиција многу малку можеме односно да предложиме определен закон кој што претпоставувам ќе биде одбиен од страна на владиното мнозинство но затоа ја очекуваме нивната доверба најпрво на локалните избори а потоа на предвремени парламентарни избори каде што ќе ја поразиме и локалната и централната власт на СДСМ и доаѓаат подобри времиња и за нив односно времиња каде што секој тутунопроизводител ќе се чувствува достоинствен и горд со тоа што производот кои што го произведува има достоинствена цена и за него и за неговото семејство кажа Мицкоски.

Четири месеци тутунопроизводителите оставени на милост и немилост, утре масовен протест

Магдалена Андонова — Wed, 10 Mar 2021 09:36:06 +0000

Изгласаните измени на Законот за тутун и продолжување на рокот за откуп за еден месец нема да го решат проблемот на тутунарите. Имено, откако вчера во Собранието се изгласаа измените на Законот за тутун, за тутунопроизводителите се незадоволни бидејќи како што велат ова е половично решение кое не значи дека проблемот со кој се соочуваат скоро четири месеци ќе биде надминат. Со носење на измените на Законот за тутун вчера во собранието нема да се реши нашиот проблем. Нашиот проблем ќе заврши кога ќе се откупи целата количина на тутун по реална проценка, а не како до сега. Мора да се плати трудот и еднаш за секогаш да почнат да не ценат, а не да не потценуваат. Ние веќе не веруваме во владата и во вакви краткорочни решенија, поучени од минатото, владата и Министерството секогаш носеа решенија штетни за нас. Токму затоа во четврток ќе излеземе на протест да го искажеме нашиот револт и ќе поставиме јасни услови и барања до владата која ако навистина се грижи за македонското земјоделство и земјоделците тогаш ќе мора да ги прифати, вели еден од тутунопроизводителите кој од разбирливи причини сака да остане анонимен. Протестот на тутунопроизводителите ќе се одржи во четврток со почеток од 12 до 14 часот, а ќе се блокира Плетвар кај бензинската пумпа Лук Оил, а како што информираат истиот е уредно пријавен во полиција од страна на здруженијата. Организаторите на официјалната страна на фејбук, упатија апел до сите тутунопроизводители да се приклучат на протестот бидејќи како што велат маката и целта ни е иста, а тутунот мора да се откупи до последниот производен килограм. Новоформираните здруженија со заеднички протест. Кога се работи за интересот на тутунарите недоразбирањата мора да се остават и се оставени на страна. Ги повикуваме сите тутунопроизводители без разлика на вера нација или политичка определба, маката ни е иста и целта ни е иста. Тутунот мора да се откупи до последниот произведен килограм .Тука ќе се потенцира и барањето за 90 денари субвенција по сите класи за што на министерот му беше доставен и документ на каков начин и од кој ставки од буџетот ќе се обезбедат овие средства бидејќи ги има во буџетот само треба волја да се искористат за намалуваме на штетите од ниската откупна цена во минатата реколта. Ако кон овие 90 денари по килограм ги додадеме и 10 денари од КОВИД мерката која ги планира владата ќе дојдеме до цена која барем малку ќе ја амортизира загубата која ја претрпеа тутунарите. Исто така за новата реколта имаме решенија кои исто така ќе бидат доставени до Министерството со кои сметаме дека сега треба да се решат проблемите за да не наидеме повеќе на ваква тешка реколта по тутунарите, пишуваат организаторите на протестот на ФБ групите. За потсетување, проблемот на тутунопроизводителите е од почетокот на месец декември, а власта и министерот за земјоделство, шумарство и водостопанство Аријанит Хоџа и понатаму остануваат неми на проблемите на тутунарите, туку напротив токму владејачкото мнозинство на СДСМ во собранието го изгласа Законот за увоз на тутун, со кој се дозволува увезување на странски тутун пред да биде откупен домашниот тутн.

Ристески: Барањата на пратеничката група на ВМРО-ДПМНЕ соодвестуваат со барањата на тутунопроизводителите, откупот на тутун катастрофален

Тале Кристо — Thu, 11 Feb 2021 12:24:37 +0000

Откупната цена на тутунот во Република Македонија е ниска и откупот е катастрофален, му реплицираше Петар Ристески на својот колега од СДСМ Коле Чаракчиев. -По информациите од официјалните податоци кои ги доставува министерството во моментов откупната цена е 164 денари од килограм тутун, што е за 60 денари пониска од ланската откупна цена, а искуствата од терен говорат дека откупната цена е многу пониска, бидејќи ова на некој начин е наштелувана цена, но и така наштелувана е ниска, истакна Ристески. Ристески додаде дека и ветеното обештетување од страна на Заев е мачкање на очи, а тутуно производителите се оштетени со 60 до 100 денари. -Искуствата од терен покажуваат дека откупната цена е помеѓу 120 и 140 денари. Значи еден просечен земјоделец, тутунопроизводител е оштетен за најмалку од 60 до 100 денари. Заев им вети 5 милиони евра обештетување на тутунарите, но доколку се подели таа сума, секој тутунопроизводител ќе добие по 10 денари и претставува замачкување на очи, додаде Ристовски. -Барањата на пратеничката група на ВМРО-ДПМНЕ соодвестуваат со барањата на тутунопроизводителите, соодвестуваат со реалната слика во моментот, со катастрофалниот откуп на тутун во Република Македонија, посочи Ристески во своето излагање. Целото излагање на Ристески погледнете го во продолжение:

Заев го погази трудот на тутунопроизводителите, следува ли бунт?

Ивана Ефремовски — Wed, 09 Dec 2020 12:25:21 +0000

Тутунопроизводителите и оваа година мака мачат со откупот на тутунот. Откупувачите со високи барања до тутунопроизводителите поради тоа што не ги обезбедиле договорените 23 милиони килограми тутун. Тутунопроизводителите, пак, велат дека поради лошите временски услови тутунот бил оштетен и не се во можност да произведат повеќе тутун од оној кој веќе го имаат, односно околу 20 милиони килограми тутун. Иако според договорот помеѓу тутунопроизводителите и откупувачите треба да се произведат над 23 милиони килограми, сепак и оваа година тутунопроизводителите имаат обезбедено над 20 милиони килограми тутун кој сметаат дека треба да биде откупен по повисока цена од предвидената. Тутунопроизводителите бараат оваа година цената на тутунот да биде покачена, односно цената за прва класа да остане иста (280 денари), додека пак за втората, третата и четвртата класа цената да биде сразмерно покачена. Тие велат дека оваа година со голема мака е изработена и оваа количина која ја имаат и очекуваат државата да помогне во откупот на тутунот. Нашите извори од таборот на тутунопроизводителите велат дека ниту министерот за земјоделие Харијанит Хоџа, ниту пак премиерот Заев имал слух за нивните барања. Исто така велат дека времето кое поминува без да се изнајде решение за проблемот, дополнително му влијае на квалитетот на тутунот, а со тоа се заканува и намалување на и онака помалата количина тутун во однос на изминатите години. Тутунопроизводителите досега не наидоа на решение од надлежните во однос на откупот на тутунот, па поради таквиот пристап велат дека бунтот ќе биде уште поголем, а можни се и блокади со кои ќе го искажат револтот. Според нив, Зоран Заев иако во текот на кампањата ги користел како адут преку кој би можел да ги придобие, моменталната ситуација со откупот покажува дека биле измамени и изманипулирани за политички поени.