тв алфа – Kurir.mk

Кога беа опозиција се закануваа, откако се на власт вршат притисоци – „ТВ Алфа“ останува „трн во око“ за СДСМ

Магдалена Андонова — Mon, 07 Mar 2022 14:26:17 +0000

„Aлфа“ останува трн во око за СДСМ. Додека беа опозиција се закануваа, а како власт прават невидени притисоци. сите институции се во спрега во обид да најдат „влакно во јајце“ и да и наштетат на единствената кртичка Телевизија која остана во македонскиот етер. Напади врз телевизија „Алфа“ од повеќе страни – УЈП, обвинителства, инспекции. Она што беше навестено од опозиција, сега се спроведува како власт. Поранешниот премиер и партиски лидер, Зоран Заев, уште пред повеќе од шест години дел од медиумите ги прогласи за политички непријатели. - Во моментот став на СДСМ и мој личен став е дека поголем политички непријател за нас како опозиција се медиумите како што се „Сител“, „Канал 5“, „Алфа Телевизија“, „Дневник“ и „МРТ“, изјави тогашниот претседател на СДСМ, Зоран Заев, на 1 декември 2015 година. „Алфа“ е единствената која остана трн во око. Следуваа суптилни и не толку суптилни закани кои само добиваа на интензитет. - Не ја прифаќаме, не ја прифаќаме на Алфа телевизија, бидејќи вие ќе видите зошто, изјави Зоран Заев на 6 март 2020 година. Примерот на поранешниот партиски лидер го следеа речиси сите функционери – со етикетирање на телевизијата и на новинарите. - Јас разговарам и со вас, би сакала да разговарам и со сопственикот на вашта телевизија ама не го знам кој е, изјави Радмила Шеќеринска, на 10 јули 2020. - Медиумите на Мицкоски имаат задача да го поткопуваат Договорот со Грција и со текстовите негативно да влијаат на членството во НАТО, изјави портпаролката на СДСМ, Богданка Кузеска, на 20 февруари 2020. Но, притисокот врз „Алфа“ не остана само на закани – власта ги користи сите механизми кои и стојат располагање во обид да ја замолчи единствената кртичка Телевизија која остана во македонскиот етер. Како што расте гледаноста на „Алфа“, а паѓа рејтингот на власта – така се засилуваат и притисоците.

Новинар кој го откри скандалот со Рашковски наскоро ќе добие кривична пријава

Дарко Андоновски — Fri, 06 Sep 2019 10:13:58 +0000

Новинарот Љупчо Златев вчеравечер гостуваше во дневникот на телевизија Алфа каде зборуваа за заканите за тужба од страна на генералниот секретар на владата на Република Македонија Драги Рашковски. Тој на својот профил го сподели видеото од гостувањето во кое ги поздравува Драги Рашковски, Нина Ангеловска, Јон Фрчковски и Вице Заев.

Интервју со претседателот на ВМРО-ДПМНЕ утре на телевизија Алфа

Предраг Кукиќ — Mon, 14 Jan 2019 21:37:57 +0000

Претседателот на ВМРО-ДПМНЕ Христијан Мицкоски утре во 18:15 часот ќе гостува во Телевизија Алфа.

Георгиевска: Скандалозна е изјавата на министерот за eкологија Дураку дека не сме Швајцарија , тој веднаш треба да биде разрешен

Дарко Андоновски — Fri, 23 Nov 2018 17:54:09 +0000

Во емисијата Отворено на Алфа Телевизија на тема „До кога ќе се гушат граѓаните “ гостуваа Невенка Георгиевска од 02 Иницијативата и Андреа Јанков од „ Го сакам Водно“. Невенка Георгиевска истакна дека скандалозна е изјавата на министерот за екологија Садула Дураку дека Македонија не е Швајцарија и дека тој треба веднаш да си даде оставка. „Скандалозна е изјавата на министерот за екологија Садула Дураку дека не сме Швајцарија тој веднаш треба да си даде оставка. “ Георгиевска кажа дека срамно е што и Владата не реагирала на оваа изјава и на потфрлањето на работата на ова министерство . Таа смета дека Владата после таква изјава требала да го разреши.

Јанков: Средствата во буџетот издвоени против аерозагадувањето се смешни

Дарко Андоновски — Fri, 23 Nov 2018 17:51:51 +0000

Во емисијата Отворено на Алфа Телевизија на тема „До кога ќе се гушат граѓаните “ гостуваа Невенка Георгиева од 02 Иницијативата и Андреа Јанков од„ Го сакам Водно“. Андреа Јанков кажа дека загадувањето е комбинација од незаинтересираноста на институциите да спроведат мерки и смешно малите средства издвоени во буџетот за оваа потреба. „Средствата во буџетот издвоени за борба против загадувањето се смешни. “ – кажа Јанков. Тој истакна дека Владата и институциите воопшто не даваат приоритет на овој проблем кој е од огромно значење.

ТВ Алфа прашува дали некој организира одмазда за нападот врз Села: Крвнички претепано уште едно лице, а власта молчи и замижува

Матеја Петровски — Sat, 13 Oct 2018 10:18:20 +0000

Уште едно лице крвнички претепано, сомнежи за можна одмазда, власта молчи и не реагира. Имено во вчерашната емисија „Отворено“ на Тв Алфа беше отворена дилема дали некој се одмаздува за случајот со нападот врз пратеникот Зијадин Села во Собрание, случајот на Стојан Павлевски е трет по ред, каде што се претепуваат лица поврзани со настаните од 27 април во Собрание. Стојан Павлевски кој е осуден за насилство, во случајот 27 април, веќе 20 дена е во критична состојба на клиника, бидејќи полицијата и обвинителството не можат да утврдат ни мотив ниту пак сторители. Кој го претепал буквално до смрт, пред камерата на Алфа сведочела неговата мајка. -Ниту може да зборува, само гледа со очите нагоре, ако му дадам вода добро ако не ништо. Нозе, раце се му се отечени, цел е катастрофа. Пробува да збори ама ништо не го разбирам, пошто е удрен повреден во главата, сведочи неговата мајка. Со него настрадал уште еден скопјанец, кој најверојатно се познавал со Павлевски. -И уште еден има со него што бил, тој бил удрен во главата и раката му е скршена ама е во добра состојба, мислам, вели мајката на Павлевски. Полицијата со штури информации за крвавиот напад врз Павлевски. Критичниот 24 септември кога е претепан, има регистрирано само пријава од граѓани. На 24.09.2018 од граѓани било пријавено дека на влезот од Зелен Пазар, во паркот лежеле две лица. Полициски службеници излегле на местото, а лицата со возило на Итна медицинска помош биле однесени во Комплексот клиники „Мајка Тереза“ каде им била укажана лекарска помош. По преземените мерки било утврдено дека станува збор за лицата В.Т. (58) и С. Павлевски (52), двајцата од Скопје, стои во соопштението од МВР. Скопјанецот кој најверојатно поради Павлевски бил натепан, после три дена од нападот случајот го пријавил во полиција, но никаде во пријавата не го споменал Стојан. Во врска со овој настан на 27.09.2018 година во 12 часот во СВР Скопје, В.Т. пријавил дека на 24.09.2018 година околу 18:30 часот во близина на угостителски објект на булевар „Кочо Рацин“ физички бил нападнат од 3 непознати лица при што паднал во бессознание. Се преземаат мерки за расчистување на случајот. Стои во соопштението на МВР за пријавата поднесена од второто лице кое било повредено. Стојан Павлевски после 8 месеци одбрана за обид за убиство, доби преквалификација на делото, а изрази и каење за насилството врз Зијадин Села. Судот го осуди на 3 години затвор. Тој е последната жртва на инциденти кои изминатиов период зачестија, а се поврзани со 27 април. Две тепачки претходеле во притворското одделение во Затворот Скопје, познат како Шутка. Еден притвореник кој кривично го товарат за нападот врз пратеникот Зијадин Села, бил претепан до бессознание.

ТВ Алфа: Како судат судиите и кој им врши притисок ?

Ивона Петрова — Thu, 20 Sep 2018 15:39:21 +0000

Премиерот Зоран Заев, уште пред да дојде на власт ветуваше големи реформи во судството. По едно неуспешно тело за реформи, формира ново, па ги зема работите во свои раце, но ништо не направи. Но тоа не му сметаше на премиерот на трибина во Пробиштип, да тренира строгост и да ги плаши судии, индиректно кажувајќи како работат судиите сега, односно како ќе треба да работат кога ќе сме станеле членка на ЕУ, јавува телевизија Алфа. Заборави ли премиерот, дека тој е на чело на телото кое вети уште пред една година дека ќе го реформира судството, но тоа во изминативе 4 месеци не се состана. Како судат судиите, кој им врши притисок и ги спречува да судат по устав и по закон? Овие прашање се наметнуваат по настапот на Заев, на трибина за промена на името, каде во својот говор вети дека приемот на земјата во европското семејство ќе значи и независно судство. -Судијата кога ќе одлучува ќе знае дека секој ќе му ја гледа пресудата. Секој ќе чита во рочиште, секој ќе знае кои биле доказите, па нема да може да фаќа кривини. Има да носи одлуки по Устав по закон и по сопствено убедување и ќе го правда до крај и судијата и обвинителот – рече претседателот на Владата. Колку судовите се изложени на политички притисок јавноста повеќепати беше сведок, дека Кривичниот, Апелациониот суд, сите бил под директни или индиректни закани. Вчера уставен судија сведочеше јавно дека за одлуката за референдумот, дури 7 негови колеги биле повикувани на состанок изминативе денови пред Судот да одржи јавна седница. Во сите извештаи на ЕУ како најслаба карика во системот е судството. Земјите членки на Унијата секој момент го користат да не потсетат дека Македонија со промена на името нема да стане дел од ЕУ, ако не се стави крај на корупцијата и криминалот и не завладее правото, стои во текстот на Алфа.

Силјановска: Уставниот суд може да направи пресврт, референдумско прашање во минатото било вратено на доработка

Матеја Петровски — Tue, 18 Sep 2018 19:03:02 +0000

Професорката Гордана Силјановска во нејзиното гостување во „Отворено“ на телевизија Алфа, вели дека Уставниот суд може да направи пресврт ако сака и ако може во пресрет на утрешната одлука околу оценување на уставноста на референдумот. Таа како пример го посочи португалскиот случај каде Уставниот суд рече дека прашањето што е поставено во врска со европскиот устав е нејасно и го има вратено назад на доработка. -Уставниот суд е пред предизвик да ја смени перцепцијата кај нас граѓаните. Ова е прилично задоцнета реакција на Уставниот суд. Се надевам дека ќе го оправдаат својот статус. Да се биде уставен судија значи врв во кариерата. Некои од уставните судови одиграа клучна улога во владеењето на демократијата. Уставниот суд треба да биде пример како Шпанскиот и Португалскиот кои се примери за недопирливост, вели Силјановска. Во врска со референдумската кампања, Силјановска вели дека не знае дали да се повика на право или на здрав разум. Таа посочи дека актерите на референдумите се или политички партии или групи на граѓани или здруженија. Според неа непосредната демократија е против тежа на претставничката демократија и за неа е сосема нејасно како во исти субјекти се на едно место собрани пратениците и претставниците на непосредната демократија. -Во кодексот на добри изборни практитки убаво си пишува дека органи не можат да примаат јавни средства поради рамноправноста на субјектите. Примерот со Брегзит. Групи од политичката партија одат во парламетнот и се регистираат за или тие што се против исто така се регистрираат и си овластуваат овластен преставник и тука почнува распределбата на парите. Овде има феномен на гласање за и гледаме како да сме на парламентарни избори па како да имаме кандидати за пратеници, јавни личности кои изјавуваат дека ќе гласаат за, рече Силјановска. Во однос на одвојувањето на партијата од државата Силјановска вели дека во последниве години се нарпавиле големи напори на тоа поле. Таа додава дека важат истите правила за референдумот како и за изборите, а тоа значи дека не смее да има вработување, покачување на плати и други работи. Силјановска притоа додава дека треба да се внимава дури и активностите на министрите да не се злоупотребува, а напротив гледаме учество на генерали па и црковни лица во спотови. Според неа во кодексот на добри изборни практики органите на власта се појавуваат само во информативна кампања, додека овде ние имаме агитирање. Овде Според Силјановоска нема поделба на власта. Сите се и Влада и пратеници и ова е непозната референдумска практика.