ОЈО Скопје поведе постапка за насилство кон новинарската екипа на Алсат

Ивона Петрова — Tue, 22 Aug 2023 13:07:45 +0000

Основното јавно обвинителство Скопје поведе постапка против едно лице за кое постои сомнение дека сторило кривично дело – Насилство од член 386 став 3 во врска со став 1 од Кривичниот законик. -Осомничениот 53-годишник, на 21 август, во Старата скопска чаршија, најпрвин упатил закани и навреди, а потоа и физички нападнал новинарска екипа на Телевизија Алсат-М. Со тупаници го удрил снимателот по главата и телото, а кај двете новинарки предизвикал чувство на вознемиреност и страв. Во насока на целосно расчистување и документирање на настанот, по наредба на јавен обвинител, обезбедени се снимки од видео надзор од околните објекти, информираат од Обвинителството. Јавниот обвинител до судијата на претходна постапка ќе достави предлог за определување мерки на претпазливост – привремено одземање на патната исправа на осомниченото лице, како и забрана за остварување контакти со сведоците и со оштетениот.

Приведен напаѓачот на екипата на ТВ Алсат

Ивона Петрова — Mon, 21 Aug 2023 16:47:30 +0000

Полициски службеници од СВР Скопје денеска го лишија од слобода С.Е. (53) од Скопје, постапувајќи по добиена пријава од Б.Ј. (39) од Скопје, снимател во ТВ Алсат, дека, додека денеска заедно со уште две лица снимале интервју во Старата скопска чаршија, од берберски салон излегло машко лице и физички го нападнало. -Веднаш по добиената пријава, преземени се соодветни мерки и активности и напаѓачот е идентификуван и приведен од страна на полициски службеници, информира МВР. По документирање на случајот, ќе биде поднесен соодветен поднесок.

ТВ Алсат – Kurir.mk

ОЈО Скопје поведе постапка за насилство кон новинарската екипа на Алсат

Приведен напаѓачот на екипата на ТВ Алсат