тв дуел – Kurir.mk

Вечерва ТВ дуел Николоски-Битиќи

Ивона Петрова — Fri, 23 Dec 2022 17:00:35 +0000

Потпретседателот на ВМРО-ДПМНЕ Александар Николоски вечерва ќе има тв дуел со вицепремиерот за економски прашања Фатмир Битиќи -Вечерва на Канал 5 во емисијата ,,Само Вистина" од 18:30 ТВ Дуел со Фатмир Битиќи.Да ги соочиме аргументите за економијата, енергетската криза и неспособноста на власта да се справи со предизвиците. Ќе зборуваме и за високата корупција и сите последни случувања. Следете, објави Николоски на Фејсбук.

Смилевски на ТВ дуел со Костовски излажа дека се гради градинка во Бутел (ВИДЕО)

Магдалена Андонова — Mon, 04 Oct 2021 15:03:25 +0000

Дарко Костовски и Велимир Смилевски вчера вечер се сретнаа повторно, на втор дуел на ТВ Клан. Во одреден момент, актуелниот градоначалник на Бутел, Велимир Смилевски проба да излаже дека се градела градинка во Бутел 1 при што Костовски веднаш му реплицираше и го потпраша каде се гради. Смилевски виде дека неговата лага нема да му помине па се исправи дека ЌЕ се градела градинка. - Жив фатен во лага, па кога виде дека не поминува се извини. Во име на сите граѓани на Општина Бутел ќе се потрудам до крајот на оваа кампања Велимир да се извини за сите лаги и превари, тој лаже без срам, без елементарен човечки осет, стои во Фејсбук објавата на Дарко Костовски, кандидат за градоначалник на ВМРО-ДПМНЕ за општина Бутел. Костовски пишува дека Велимир е веќе минато и дека Општина Бутел избира нова иднина, без лаги и превари.

ВО ЖИВО: Дуел на д-р Оливер Зафировски со другите кандидати за градоналачници на Карпош

Магдалена Андонова — Fri, 01 Oct 2021 18:19:32 +0000

Во моментов на ТВ Телма се одвива дуел меѓу кандидадите за градоначалници за општина Центар. Во продолжение може да ја следите нивната дебата:

Мицкоски убедлив победник на дебатата- Заев разочаран, нервозен и отсутен од реалноста

Катерина Бојаџиева — Mon, 20 Sep 2021 20:37:07 +0000

Се случи долгоочекуваниот дуел помеѓу лидерите на двете македонски партии, Христијан Мицкоски од една и Зоран Заев од друга страна. Оценката е дека Мицкоски кој е убедлив победник на дебатата со Заев, покажа дека има разлика и не се сите исти. Од друга страна, оценката за премиерот и претседател на СДСМ е дека беше разочаран, нервозен и отсутен од реалноста. Секој кој ќе го изгледа дуелот од почеток до крај, ќе констатира дека премиерот Заев регираше многу бурно и нервозно на фактите кои Мицкоски ги истакна пред целата македонска јавност. Однесување на Заев придонесе уште поголема недоверба и несигурност кај македонските граѓани. Тој буквално дезориентирано ја започна дебатата со лидерот на ВМРО-ДПМНЕ. Очигледно неподготвен, во дебатата почна да зборува со стари флоскули и обвинување кон ВМРО-ДПМНЕ, како тој да е во опозиција и да нема допир со вистинската реалност во Македонија и со трагичните настани и скандали кои се случија. И анкетите и коментарите на социјалните мрежи покажуваат дека Мицкоски бил подобар во ТВ дуелот со Заев, а според многумина ова е јасен доказ дека граѓаните се подготвени за промената која доаѓа по 17 октомври. По дуел на емисијата „Само вистина“ на Канал 5 телевизија, граѓаните на социјалните мрежи велат дека апсолутен победник е Мицкоски, односно оти професорски му одржал лекција на сите теми на Заев кој бил изгубен во просторот и во времето. И двајцата лидери очекуваат да победат со своите коалиции на претстојните локални избори. -Убеден сум дека граѓаните ќе изберат иднина која ќе биде различна од она што го видоа во овие четири години, ќе видат како вистински се сака државата, како се сака Македонија, како се работи за сите граѓани. Граѓаните ќе изберат реформи или ќе видат како е да има реформи, а не криминал и корупција, рече Мицкоски и укажа дека граѓаните на 17 октомври ќе кажат доста е за политиките на Заев, доста е за криминал и корупција. Според Мицкоски, народот е понижен, покраден и разочаран, затоа и не им верува во политичарите. Народот точно знае дека е понижен, покраден, омаловажен и народот е комплетно е разочаран од тоа што се случува и не верува во институциите кои ги предводи оваа влада, изјави Мицкоски и посочи дека токму поради погрешните политики на СДСМ и Заев, како и лагите како таа од авион кога се сликаа дека сме добиле датум, повеќе не веруваат во политичари и е во апатија, нешто што мора да се промени после 17 октомври падот на оваа власт бидејќи не се сите исти. Мицкоски рече дека после падот на оваа власт ќе мора да ги градиме институциите од почеток. -Има луѓе кои ја сакаат државата и сакаат да оди напред и луѓе кои работат само за своите лични интереси, а спротивно на интересите на граѓаните и државата.

Мицкоски: Народот е понижен, покраден и разочаран и затоа не верува во политичарите- не сме сите исти и затоа мораме да се извлечеме од апатијата

Катерина Бојаџиева — Mon, 20 Sep 2021 19:41:18 +0000

Народот точно знае дека е понижен, покраден, омаловажен и народот е комплетно е разочаран од тоа што се случува и не верува во институциите кои ги предводи оваа влада, изјави претседателот на ВМРО-ДПМНЕ, Христијан Мицкоски на ТВ дуелот на „Само вистина“ на Канал 5. Мицкоски посочи дека токму поради погрешните политики на СДСМ и Зоран Заев како и лагите како таа од авион кога се сликаа дека сме добиле датум, повеќе не веруваат во политичари и е во апатија, нешто што мора да се промени после 17 октомври падот на оваа власт бидејќи не се сите исти. - Се сликаа од авион дека преговараме со ЕУ. Заев викаше дека ги решивме сите проблеми со соседите. Истиот тој претходно се колнеше во жицата и викаше дека нема да го прави тоа што го направи. Сега пак вели дека треба да преговараме Што треба да преговараме, до кога ќе преговараме? Нели имаме договор со Бугарија и дека сите проблеми со соседите се решени? Првиот во владата пред 3 години се сликаше во авион и рече декка почнавме преговори и дека сите проблеми со соседите се решени. Тврдам дека не е така. Усложнети се проблемите поради егзибициите на оваа влада и лошата домат меѓународна политика, потенцираше Мицкоски. Мицкоски рече дека после падот на оваа власт ќе мора да ги градиме институциите од почеток. - Има луѓе кои ја сакаат државата и сакаат да оди напред и луѓе кои работат само за своите лични интереси, а спротивно на интересите на граѓаните и државата, нагласи Мицкоски.

Мицкоски со одговор за обвинувањата за профитерство: Заев сетете се на малата Тамара, на Монструм, на случајот Нешковски, како ги злоупотребувавте случаите за да седнете во фотелја

Катерина Бојаџиева — Mon, 20 Sep 2021 19:21:27 +0000

Ако некој злоупотребувал човечки судбини за политиканство тоа е Зоран Заев, истакна претседателот на ВМРО-ДПМНЕ, Христијан Мицкоски во вечерашниот ТВ дуел во „Само вистина“ на Канал 5, одговарајќи на обвинувањата на Заев за политичко профитерство во врска со случајот во модуларната во Тетово. Мицкоски го потсети Заев како лично тој манипулираше и злоупотребуваше човечки судбини само за да дојде на власт и да седне на фотелја, притоа потсетувајќи го на случаи како малата Тамара, Нешковски, Смилковско езеро. - Сетете се на малата Тамара, сетете се како ги лажевте родителите на децата од Смилковско езеро, сетете се на Саздо, на Мартин Нешковски. Ако некој злоупотребувал човечки судбини за политиканство тоа сте вие. Мене тоа никогаш не ми се случило ниту ќе ми се случи, потенцираше Мицкоски. Мицкоски нагласи дека ВМРО-ДПМНЕ е државоторна партија и никогаш не злоупотребувала несреќи за разлика од СДСМ и Заев кои се пример за злоупотреба на човечки несреќи.

Мицкоски до Заев: Обезбедивте хибриден режим- најнесреќна земја во светот, најкорумпирана земја во Европа, ете тоа е ваша заслуга

Катерина Бојаџиева — Mon, 20 Sep 2021 18:53:53 +0000

Лидерот на ВМРО-ДПМНЕ Христијан Мицкоски во вечерашниот ТВ ДУЕЛ во емисијата Само вистина на Канал 5, реплицирајќи му на Зоран Заев кој кажа дека обезбедиле иднина во Македонија, му порача дека сите извештаите покажуваат дека Заев и владата на СДСМ на граѓаните им обезбедила само срам и понижување, читајќи му ги Извештајот од Економист каде што Македонија е оценета како хибриден режим, но и според индексот на корупција на Транспаренси Интернешнл во кој стои дека Македонија е на историско најлошо место според степенот на корупција, извештајот од страна на Стејт Департментот во кој стои дека корупцијата е постојан проблем во Македонија, како и дека Македонците се најнесреќните луѓе во Европа. Знаете ли вие што обезбедивте господине Заев? Сега ќе ви кажам, еве бидејќи велите дека сте ја обезбедиле иднината, јас ќе ви кажам што сте обезбедиле вие, вели вака Македонија е хибриден режим индекс на Економист, Македонија е хибриден режим затоа што се наоѓа на 78 место таму со Киргистан, Танзанија, Молдавија, Нигерија, Уганда, Либан и други, потоа, Македонија е држава со најнесреќни граѓани, и вели Македонците се најнесреќните луѓе во Европа. Одиме понатаму, Стејт Департментот, корупцијата е постојан проблем во Македонија, Извештај на Стејт Департментот, вели одложена правда и мало подобрување на медиумските слободи, Македонија е историски најлошо рангирана според индексот на корупција на 111 место. Да ви читам уште од работите кои што вбие ги обезбедивте? Вие обезбедивте срам и понижување, му порача Мицкоски на Заев. -А што ќе обезбедиме ние? Сега ќе ви кажам, ние си зацртавме како коалиција која што се бори против корупцијата, која што денеска за жал е рак рана за цела држава ќе ја донесе Македонија на она место во кое што ќе обезбедиме пристоен живот, и ќе ја вратиме довербата на граѓаните во институциите и вербата да останат овде, рече Мицкоски.

Мицкоски: Понудата на СДСМ е транзициски кадри, ќе ми биде чест заедно со народот да покажеме разлика и да ја поразиме криминалната коалиција СДСМ –ДУИ

Катерина Бојаџиева — Mon, 20 Sep 2021 18:43:26 +0000

Претседателот на ВМРО-ДПМНЕ, Христијан Мицкоски вечерва во ТВ дуелот со премиерот Зоран Заев во Канал 5 телевизија, во врска со понудата за локални избори на СДСМ-ДУИ, истакна дека таа коалиција од власта и нивната понуда која се состои од транзициски кадри и дел од нив лица кои се заглавени до гуша во криминал, ќе биде поразена од коалицијата против корупцијата на ВМРО-ДПМНЕ, Алијанса и Алтернатива, заедно со народот ќе покаже разлика и како се работи и се сака државата. -Две третини од граѓаните во определени општини, вклучително и градот Скопје се незадоволни од актуелните градоначалници на СДСМ и во најголемиот дел тие истите градоначалници се повторени, јас би рекол дека не гледам нови лица кај овие кои прв пат стануваат градоначалници, има таков еден транзиционен политичар како тој во Прилеп, политичар во Струмица, поранешен директор на едно скопско јавно претпријатие кое гледаме дека до гушпа бил заглавен во криминал, во една скопска општина и тоа граѓаните ќе го препознаат на следните локални избори и ќе видат како вистински се работи па можеби и не би ме зачудило и самиот Зоран Заев за четири години гласа за ВМРО-ДПМНЕ, истакна Мицкоски. Мицкоски вели дека ВМРО-ДПМНЕ и коалицијата ќе покаже дека не се сите исти и има луѓе кои си ја сакаат државата, а во однос на коалицијата истакна дека истата е коалиција против корупцијата на власт, како и коалиција која има намера да ја води понатаму Владата на Македонија, и да расчисти со сиот криминал којшто се случуваше последниве четири години. -Коалицијата против корупција на ВМРО-ДПМНЕ и Алијанса на Албанците и Алтернатива на господинот Села и господинот Гаши ќе ве порази вас и сите останати бидејќи сте до гуша заглавени во криминал господине Заев, му порача Мицкоски во денешниот дуел.

Лидерот на ВМРО-ДПМНЕ до премиерот: Не сме сите исти, ние водиме на анкетите, но најважно е да создадеме иднина за народот

Катерина Бојаџиева — Mon, 20 Sep 2021 18:39:43 +0000

Она што е чувството на терен и вистинските бројки е дека победата на опозицијата на овие локални избори не е доведена во прашање. Тоа е крајот на оваа влада предводена од СДСМ и ДУИ. Јас сум убеден не само затоа што граѓаните тоа ќе го кажат, туку затоа што едноставно не сме сите исти, дека сме различни, дека тоа што ние го нудиме е еден нов квалитет, луѓе кои за прв пат ќе ја бараат довербата од граѓаните. Не сме сите исти, ние водиме на анкетите, но најважно е да создадеме иднина за народот, рече лидерот на ВМРО-ДПМНЕ, Христијан Мицкоски на дебатата со Зоран Заев во емисијата „Само вистина“ што се емитува на телевизија Канал 5. „Јас сум убеден дека тоа граѓаните ќе го препознаат, бидејќи сосема спротивно на тоа е она што го нуди СДСМ. Практично повторувачи, луѓе кои ја имаат изневерено довербата на граѓаните и ќе претрпат пораз“, рече Мицкоски. Тој укажа дека со ова ќе се делегитимира оваа неспособна влада. „Неколку сценарија се во игра. Математичките калкулации да ги оставиме на страна. ВМРО-ДПМНЕ ќе освои повеќе градоначалници од СДСМ, ќе освои повеќе гласови и на советнички листи и ВМРО-ДПМНЕ и Коалицијата ќе биде победник на овие избори“, кажа Мицкоски.

Мицкоски за КОВИДОТ: Заев не смее да ја префрла својата неспособност на сметка на граѓаните

Катерина Бојаџиева — Mon, 20 Sep 2021 18:04:00 +0000

Шокиран сум повторно кога човекот не може да ја види вината и погрешниот начин на функционирање кај себе и кога ќе се обиде на вака брутално банален начин да ја префрли вината кон граѓаните, а е политичар и премиер, јас сум лично шокиран. Исто така можам да кажам сега дека се чудам како може вака со леснотија да се кажуваат работите кои што се тотално надвор од памет, истакна Христијан Мицкоски, претседател на ВМРО-ДПМНЕ во гостување во дуелот на „Само вистина“ на Канал 5 телевизија коментирајќи како Заев ја префрлува вината на граѓаните со КОВИД-19. Мицкоски додаде дека не смее Заев да ја префрла својата неспособност на сметка на граѓаните. „Замислете луѓе во регионот кои што горе доле имаат сличен менталитет, а вие да водите со 2-3 пати поголема смртност и покрај тоа што можеби луѓето имаат коморболитети разни. Што е поразлично менталитетот на луѓето во Македонија од тој во Албанија, во Косово, во Бугарија, тој во Србија. Што е поразлично“, запраша Мицкоски. Мицкоски посочи дека на осми март на социјалните мрежи објави колку е тешка болеста и ги повика граѓаните да се чуваат. А исто така ја примено вакцината против КОВИД-19 од која не правел фестивали како функционерите на власта. „Претпоставувам бидејќи се следите што правам, најверојатно знаете дека сум бил во салата „Борис Трајковски“ заедно со мојата сопруга на почетокот на септември и еве сега ви кажувам да не се мачите, втората доза ќе ја примам во среда откако добив денеска информација дека треба да ја примам втората доза на Синовак“, појасни Мицкоски.