тв сонце – Kurir.mk

Мицкоски вечерва во 20 часот гостин на ТВ Сонце

Тале Кристо — Thu, 17 Dec 2020 13:20:12 +0000

Лидерот на ВМРО-ДПМНЕ Христијан Мицкоски вечерва со почеток од 20 часот ќе гостува во емисијата „Јади бурек“ на телевизија Сонце. Следете го моето гостување во 20 часот кај Јанко на ТВ Сонце, објави преку својата Фејсбук страница лидерот на ВМРО-ДПМНЕ.

Две прекршочни постапки за референдумско рекламирање: АВМУ со мерки за 1ТВ и ТВ Сонце

Ивана Ефремовски — Mon, 24 Sep 2018 13:39:23 +0000

Агенцијата за аудио и аудиовизуелни медиумски услуги констатираше дека по јавното укажување од 14 септември, два радиодифузери од оние кои се предмет на надзор за начинот на покривање на референдумот не го усогласија емитувањето на платената јавна пропаганда со Упатството за медиумско претставување за време на референдум. -1ТВ не го почитуваше дозволеното време за емитување на рекламните пораки „ЗА“ референдумот, а ТВ Сонце рекламните пораки за „БОЈКОТ“ на референдумот, спротивно на правилата, ги емитуваше во повеќе изданија на посебни информативни програми. Против двата радиодифузера, Агенцијата ќе покрене прекршочни постапки за прекршувањата констатирани во периодот од 15 до 20 септември 2018 година. Извештаите од надзорот се достапни на веб страницата на Агенцијата www.avmu.mk. Дополнително, проверката на почитувањето на правилата за емитување платена јавна пропаганда во овој период, покажа дека кај неколку радиодифузери, на 20 септември 2018 година, има отстапувања во поглед на лимитите за емитување на рекламните пораки „ЗА“ референдумот. Доколку податоците од следните денови покажат дека не станува збор за ненамерни грешки, и за овие радиодифузери ќе следат мерки согласно регулативата, се наведува во соопштението на АВМУ.

Николоски: Веројатно постои таен договор за промена на преамбулата на Уставот, Заев се откажа од Илинден и АСНОМ

Матеја Петровски — Mon, 25 Jun 2018 20:58:30 +0000

Потпретседателот на ВМРО-ДПМНЕ, Александар Николоски, во гостувањето во емисијата ,,Јади Бурек’’ на телевизија Сонце истакна дека спротивно на она што го вели Зоран Заев, со договорот со Грција за промена на името се менува македонскиот идентитет. Николовски вели дека со договорот ќе се менува и преамбулата на Уставот, бидејќи во детали во договорот не пишува како ќе се менува преамбулата тој верува дека за ова прашање има посебен и таен договор. Преамбулата на Уставот се повикува на историскиот континуитет на македонската држава, во преамбулата се повикуваме на Илинденското востание и Крушевската Република како и АСНОМ. Според Николовски со договорот Заев се откажал и од државниот континуитет на Македонија од АСНОМ и Илинден. Николоски вели се ,,откажуваме од историјата, од Илинден и АСНОМ и се обврзуваме само на историјата која се одвивала на денешната територија’’, а со тоа всушност самите кажуваме дека сме Титова творба како што милуваат да кажат Бугарите’’. На Македонија во договорот и се наложува и промена на Членот 49 од уставот кој се однесува на заштита на македонските национални малцинства потенцира Николоски. Со промена на овој член Македонија според Уставот повеќе нема да има право да се грижи за своите малцинства во соседството забележа Николоски. Македонците од егејскиот дел на Македонија, ќе нема да можат да кажат дека говорат македонски, а ние нема да можеме да ги штитиме нивните права вели тој.

Николоски: Можно е власта да не одржи референдум

Матеја Петровски — Mon, 25 Jun 2018 20:46:52 +0000

Потпретседателот на ВМРО-ДПМНЕ, Александар Николоски во гостувањето кај Јанко Илковски на ТВ Сонце истакна дека во оригиналната верзија на договорот напишана на англиски јазик, постои можност за неодржување на референдум за промена на уставното име на државата. Тој вели дека во оригиналниот договор на англиски се користи зборот ,,or’’, а не зборот ,,and’’, што во превод значи дека референдумот не е обврска која македонската страна мора да ја исполни.Според Николовски сите оние кои се разбираат во меѓународно право знаат дека има голема разлика помеѓу овие две зборчиња, а зборот ,,or’’ означува опционалност на референдумот. Со други зборови во договорот пишува дека стапува во сила кога се ратификува во Собранието или кога ќе се организира референдум, со тоа што после зборот референдум, повторно има запирка и пишува, доколку втората страна (Македонија) така одлучи! Ваквата игра на зборови и дава можност на владата да нема референдум или пак да има и референдумот да биде консултативен, односно да нема потреба за цензус на таквиот референдум. Николоски забележа дека и доколку се спроведе задолжителен референдум, а не биде успешен, тоа нема да влијае на референдумот, бидејќи веќе е ратификуван во Собранието. Николоски забележа дека Заев постојано ги менува своите ставови, и спомена повеќе примери. -Ние имаме работа со човек чиј став не држи три дена, вели тој. Тој ја спомена изјавата на Заев каде, актуелниот премиер вели дека нема да се согласи на промена на уставот, а по само еден месец го промени повторно својот став. Според Николоски не може да му се верува на зборот на Зоран Заев, дури и кога вели тој дека ќе има референдум.

Николоски: Немам намера однапред на Заев да му ги кажам нашите постапки и методи, за зачувување на името на Македонија

Матеја Петровски — Mon, 25 Jun 2018 20:42:29 +0000

Во своето гостување на телевизија Сонце, потпретседателот на ВМРО-ДПМНЕ, Александар Николовски истакна дека најголемата опозициска партија ги гарантира македонските национални интереси, и побара од граѓаните да бидат спокојни. ВМРО-ДПМНЕ нема однапред да му ги соопшти на својот политички противник своите понатамошни чекори и со какви методи ќе се користи опозицијата, додаде тој. -Немам намера три месеци однапред на Заев да му кажувам како ќе постапиме и какви методи ќе користиме, граѓаните да бидат спокојни ВМРО ДПМНЕ ги гарантира националните интереси, вели Николовски Во повеќе наврати од ВМРО-ДПМНЕ истакнуваат дека ќе ги искористат сите демократски и правни механизми да не дозволат овој договор со Грција да стапи во сила.

Потпретседателот на ВМРО-ДПМНЕ Николоски вечерва во 20 часот гостин на ТВ Сонце

Дарко Андоновски — Mon, 25 Jun 2018 14:08:32 +0000

Потпретседателот на ВМРО-ДПМНЕ Александар Николоски вечерва ќе биде гостин во емисијата кај Јанко Илковски на ТВ Сонце. Тој преку својот Фејсбук профил ги информираше сите дека ќе гостува во исти термин со Заев, а граѓаните имаат избор да го гледаат Николоски за да ја дознаат вистината. -Вечерва од 20 часот сум гостин кај Јанко Илковски на ТВ Сонце. Во ист термин Зоран Заев е гостин на друга телевизија. Имате избор да ме гледате мене и да ви ја кажам вистината или да го гледате Заев како повторно се обидува да манипулира. Изборот е ваш!, пишува тој на својот профил.