тв21 – Kurir.mk

Мицкоски: Заев на примитивен начин на Данела и покажуваше лактови и направи сексистички испад, и нормално е Арсовска да бара извинување, меѓудругото и од Шилегов

Тале Кристо — Tue, 12 Oct 2021 20:15:53 +0000

Претседателот на ВМРО-ДПМНЕ, Христијан Мицкоски во вечерашното гостување на ТВ21 посочи дека премиерот Зоран Заев е примитивец, додека пак актуелниот градоначалник на Град Скопје, Петре Шилегов аплаудирал додека Заев сексистички се обратил кон независната кандидатка за градоначалник Данела Арсовска. Тој додава дека не ги знае околностите за неприсуството на Арсовска во вчерашното соочување на ТВ21 со против кандидатот Петре Шилегов, но кога тој би бил на нејзино место би размислил дали би дебатирал со, како што вели, една ваква личност. Целата изјава во продолжение:

Мицкоски вечерва од 21:30 часот гостин на ТВ21

Тале Кристо — Thu, 01 Apr 2021 12:45:27 +0000

Лидерот на ВМРО-ДПМНЕ Христијан Мицкоски вечерва ќе биде гостин на ТВ21 во емисијата „Кликплус“. -Следете го моето гостување на ТВ 21, вечерва во 21:30 часот, објави на својата Фејсбук страница Мицкоски.

ФОТО: ТВ21 го најде Агим Исмаиловиќ, демантира дека се обидел да избега

Тале Кристо — Fri, 13 Nov 2020 15:13:35 +0000

ТВ21 го најде Агим Исмаиловиќ, обвинетиот по кој МВР трага, откако наводно избегал од Кривичниот суд, каде што денеска имаше рочиште за предметот „Монструм“. Од МВР за ТВ21 претходно рекоа дека се преземаат мерки за пронаоѓање на лицето. ТВ21 разговараше со Исмаиловиќ, а разговорот ќе го емитуваме подоцна. Откако судот издаде решение, се очекува МВР да го приведе Исмаиловиќ и да го однесе во притвор. Исмаиловиќ и Азири се обвинети во случајот Монструм кога на 12-ти април 2012-та беа убиени 4 момчиња и еден жител на Смилковци во близина на Смилковско Езеро. Обвинетите веќе беа осудени на доживотна казна но таа беше укината во Врховниот суд, а случајот го презеде СЈО.

Неколку дена молк од надлежните за нападот врз екипата на ТВ21

Предраг Кукиќ — Sat, 20 Apr 2019 12:14:22 +0000

Пред неколку дена се случи напад на новинарската екипа на ТВ21, инцидент за кој институциите се уште молчат. ТВ екипата на ТВ21 беше нападната од четворица мажи кои барале да бидат избришани снимките од граѓаните кои се жалеле на лошата инфраструктура во селото Арачиново. Потоа, насилниците дрско и безобразно продолжуваат со вербалните закани, а потоа и со сила успеале да ги натераат новинарот и снимателот да влезат во темна просторија од општината, каде повторно им било барано да ги избришат снимките. Според ТВ21 посочените лица се обидувале да „им наредат и да ги научат“ како да известуваат и за што смеат, а за што не смеат да објавуваат. Инцидентот продолжил во просториите на ТВ 21 каде што повторно од уредникот било барано да не се објави никаков негативен материјал за општината и за градоначалничката. Овој чин го осудија од неколку организации и се побара МВР детално да го истражи овој случај и да се преземат мерки да се казнат напаѓачите.

МАН: Осуда за нападот врз екипата на ТВ21, без одлагање да се санкционираат насилниците

Ивана Ефремовски — Thu, 18 Apr 2019 09:42:58 +0000

Македонската асоцијација на новинари МАН остро го осудува нападот, заканите, заложништвото и попречувањето на екипата на ТВ21 да си ја врши својата задача од роднините на градоначалничката на Арачиново, Миликије Халими од СДСМ. - Ги повикуваме Министерството за внатрешни работи и јавното обвинителство без одложување да ги изведат пред Суд насилниците од Арачиново, за кои се знае дека се политички активисти. Градоначалничката Халими и партијата чии активисти се – веднаш и без одлагање самите да ги пријават насилниците и да се извинат до новинарската екипа и до вработените во ТВ21. Нема место за насилници во политиката, соопштува МАН. Македонската асоцијација на новинари, заедно со ЕФЈ и ИФЈ врши засилен мониторинг на состојбата со медиумите во земјава, особено за време на изборни процеси, кога новинарските екипи често се мета на напади, закани и насилства од политички активисти. -За жал, констатираме дека состојбата со слободата на медумите не се подобрува, напротив се влошува. Заканите, нападите и притисоците се зголемуваат од ден во ден, порачуваат од МАН.

ВМРО-ДПМНЕ најостро го осудува нападот на телевизиските екипи на ТВ21: Власта вчера посегна по медиумите

Ивана Ефремовски — Thu, 18 Apr 2019 07:28:23 +0000

Слободните медиуми се нужност на секое општество. Власта вчера посегна по медиумите и оневозможи телевизиска екипа непречено да си ја врши својата работа. Тоа е преседан и недозволиво. Пендаровски и Заев не смеат да се кријат зад насилниците кои по нивна нарачка шиканираат медиуми, порачуваат од ВМРО-ДПМНЕ. -ВМРО-ДПМНЕ најостро го осудува вчерашниот напад на телевизиските екипи на ТВ21 истото е чин на примитивизам и не му доликува на македонското општество. Независното новинарство е придобивка на 21 век и власта не смее да се дрзне истото да го суспендира. Стево Пендаровски е се понервозан. На вчерашната дебата и самиот тој призна дека нема трпение, ваквата нервоза кај Пендаровски е поради се послабиот рејтинг и неминовниот изборен пораз. Соочени со поразот СДСМ тоне уште повеќе, па ангажира партиски членови кои од партиски собири се закануваат дека во ДИК ќе влезат со пиштол, а при тоа никаква реакција од безбедносните служби, истакнуваат од партијата. Од ВМРО-ДПМНЕ порачуваат дека Република Македонија е соочена со политизирани безбедносни служби. -Токму затоа е потребно повторно воведување на принципите на правната држава и владеењето на правото. Гласот за Гордана Силјановска Давкова е глас за Македонија, за право и правдина, порачаа од ВМРО-ДПМНЕ.

Мицкоски: Со Договорот го губиме идентитетот, срушени се преговарачките позиции и се дава можност Грција да не блокира за во ЕУ

Ивона Петрова — Wed, 19 Sep 2018 21:24:38 +0000

Овој Договор има многу недостатоци, но има три клучни работи зошто е катастрофален, истакна во вечерашното гостување во емисијата „Клик плус“ на ТВ21, претседателот на ВМРО-ДПМНЕ, Христијан Мицкоски. -Ние го губиме институционалниот идентитет што е дел од нашиот национален идентитет и тука никој не може да спори зошто е тоа така. Се самооткажуваме од целокупната предност која во процесот на преговори Република Македонија ја стекнала со Република Грција, а тоа е Резолуцијата на ОН од ’93, времената Спогодба од ’95, и пресудата на Меѓународнито суд каде имаме јасна пресуда дека Македонија не треба да биде блокирана од никого во нејзиното приклучување кон меѓународни инситуции како што се НАТО и ЕУ, нагласи Мицкоски. Претседателот на ВМРО-ДПМНЕ нагласи дека ако стане овој Договор ефективен, ние се откажуваме доброволно од овие документи. -Членот 8 , третиот, вели „ќе формираме Комисија и таа комисија ќе има седум члена од македонската и седум члена од грчката страна и ќе разговараме за историјата, археологијата и образованието“. Да претпоставиме дека ќе помине овој договор, и дојде јуни 2018 година и Македонија и оваа влада ќе почне да работи, сите реформи се случат...секогаш кога нашите експери ќе кажат „не“, тие од другата страна во процесот на преговорите ќе кажат „не“. Односно Македонија од кандидат ќе ја смени својата положба во преговарач, во еден момент ќе се случи блокирање, објасни претседателот на ВМРО-ДПМНЕ.

Мицкоски: Нема ниту бесплатно здравство, ниту бесплатно образование во ЕУ, тоа е уште една манипулација на власта

Ивона Петрова — Wed, 19 Sep 2018 20:16:18 +0000

Претседателот на ВМРО-ДПМНЕ, Христијан Мицкоски во вечерашното гостување во емисијата „Клик плус“ на ТВ 21 истакна дека манипулативни се убедувањата на власта дека со влезот во ЕУ ќе има бесплатно здравство. -Го слушавме премиерот како вели дека 75 проценти од граѓаните ќе го поддржеле договорот. Ако е тоа така, чуму потребата од ваква масовна, атактна за сите сетила, манипулативна кампања. Ние не гласаме за бесплатно здравство во Европската Унија, ние гласаме за еден ден да бидеме дел од ЕУ и да направиме супер модерна болница во Македонија, каде ќе можат граѓаните без разлика на нивниот етнички состав, да ги имаат истите услови како што ги имаат граѓаните во ЕУ. Ние не гласаме за бесплатно образование во ЕУ, кое патем речено се лага. Ниту има бесплатно здравство, ниту има бесплатно образование. Сакам да направиме кога ќе влеземе во ЕУ супер модерен универзитет во ТОП 100 на Шангајската листа каде студентите кои се од Македонија ќе ги имаат истите услови како оние од Европската унија. Ставот на владата е лажен и манипулативен и има една цел, да ги измами граѓаните што е основна карактерна особина на оваа влада, нагласи Мицкоски.

Мицкоски вечерва гостин во „Клик плус“ на ТВ21

Ивона Петрова — Wed, 19 Sep 2018 16:28:20 +0000

Претседателот на ВМРО-ДПМНЕ, Христијан Мицкоски вечера ќе гостува на телевизија 21.

-Следете го моето гостување денеска на емисијата ''Click Plus'' на TV21 во 21:30 часот, напиша Мицкоски на Фесјбук. Според најавата на телевизијата во емисијата покрај Мицкоски, ќе гостуваат и Лирим Дулови и Алберт Муслиу.

Мицкоски: Ветувањето за 500 евра просечна плата е лага, економијата е на дното

Даниел Василев — Thu, 26 Apr 2018 20:13:11 +0000

Претседателот на ВМРО-ДПМНЕ, Христијан Мицкоски во гостувањето на телевизијата 21 изјави дека ветувањето на СДСМ во предизборието за 500 евра просечна плата е лага. -Знаете ли колку е планиран порастот на платата според макроекономските индикатори на Министерството за финансии за 2018 година? На ниво од околу 24.900 денари. За до 30.000 денари знаете колку платата треба да расте во ’19 и ’20? По најмалку 25 отсто, рече Мицкоски. Според Евростат, вели Мицкоски, во периодот од 2006. до 2016. година кога на власт беше ВМРО-ДПМНЕ Македонија беше во првите пет земји во Европа по растот на Бруто домашниот производ. -Сега сме на дно. Не претпоследни, не трети од позади. На дно, појаснува Мицкоски. Вели дека во ноември минатата година, министерот за финансии, Драган Тевдосвски рекол оти економијата ќе порасне за 1,6 отсто. Појаснува дека во неколку наврати бил во право, кога рекол дека економскиот раст, ќе биде 0 проценти.