у-21 – Kurir.mk

Фазлагиќ: Македонија во иднина ќе биде подобра

Бошко Тасиќ — Sat, 04 Sep 2021 06:37:45 +0000

Младата македонска фудбалска репрезентација со пораз од 3-0 од апсолутниот фаворит Франција во Ле Ман ги почна новиот евроквалификациски циклус, па сега по први бодови во групата ќе чека од пресметката со Србија на „Билјанини Извори“ во Охрид, за три дена, од 16 часот. Фудбалерите предводени од екс-сениорскиот селектор Драги Канатларовски – Цапар, денеска ќе имаат тренинг, по што ќе заминат на охридското крајбрежје, каде ќе се подготвуваат за пресметката со младите „орли“ и според еден од најискусните во овој состав, Енис Фазлагиќ, кој веќе играше во два претходни циклуси и важи за еден од најталентираните македонски фудбалери за врска, за очекување е многу подобра Македонија од меч во меч. „Имаме одлична комуникација со новиот селектор, иако имавме малку време за да се запознаеме и да се подготвиме за мечевите, нопостепено нѐ запознава со неговите идеи и замисли и верува во оваа селекција. Може да очекуваме само подобра Македонија во иднина. Нe чека меч на домашен терен, имаме големи мотиви, играме пред наша публика и сето тоа е голем мотив да се прикажеме во најдобро светло за да освоиме бодови. Србија загуби од Украина, но е доста квалитетна селекција и тој пораз нималку не го намалува нивниот квалитет. Овој меч ќе биде многу поразличен од тој со Франција“, вели Фазлагиќ.

Младиот фудбалер за врска и капитен, посочува дека Франција во моментов е едноставно пресилна за црвено-жолтите, а признава дека и самите им помогнале на французите за убедливата победа, во која Македонија немаше ни еден директен шут кон голот на противникот. „Свесни сме за грешките и за тоа дека одигравме под очекувањата, но Франција е премногу силна и тоа го покажа и го потврди на треенот во Ле Ман. Има многу квалитетни фудбалери, кои играат во најдобрите клубови во Европа, но сето тоа не е воопшто оправдување за нашата игра. Ние игравме под очекувањата, а требаше да играме на повисоко ниво. Премногу ги респектиравме, правевме грешки и им дозволивме да се разиграат, а со тоа и да го покажат сиот свој квалитет“, посочува Фазлагиќ. Македонија и Србија во моментов пред својот меѓусебен меч се единствени во групата без освоен бод, зашто Франција и Украина имаат по три од еден меч, а три бода имаат и Фарски Острови и Ерменија, но од два меча после меѓусебните пресметки во квалификациите.

Канатларовски: Сигурно дека ќе ја оправдам довербата

Бошко Тасиќ — Wed, 11 Aug 2021 15:50:56 +0000

Драган Канатларовски од 1 август и официјално ја превзема функцијата да биде нов селектор на фудбалската репрезентација на Македонија за играчи до 21 година. Популарниот Цапар ќе го предводи младиот тим во квалификациите за пласман на Европското првенство 2023 година. „Голема чест и привилегија да бидам на чело на оваа селекција која треба да биде сервис на А тимот. Чувствувам упште поголема енергија, поголема сила поголема мотивација да се докажам на оваа нова функција каде што треба да се произведат многу нови пандеви,плаччеви, елмас, барди. Сигурен сум дека ќе ја оправдам оваа доверба, поготово што позади мене имам големо репрезентативно искуство како поранешна СФРЈ, на Македонија, селектор на А тимот два пати. Максимално ќе работам на подобрување на квалитетот, бидејќи со учеството на ЕП за млади оставивме голем печат, а потоа следуваше и учеството на А тимот. Македонија отсекогаш имала таленти. “, рече Канатларовски во изјава за ФФМ.

Во стручниот штаб на селекторот Драги Канатларовски се вклучени асистентите Шкумбин Арслани и Драган Начевски и тренерот на голмани, Зоран Мицевски.

Драган Канатларовски селектор на репрезентацијата до 21 година

Бошко Тасиќ — Fri, 25 Jun 2021 15:38:59 +0000

Фудбалската репрезентација на Македонија до 21 година доби нов селектор во името на Драган Канатларовски, со што тој ќе биде првиот тренер со четири различни селекции. Канатларовски во минатото во два наврати го водеше А-тимот. Исто така беше назначен и за селектор на У16-репрезентацијата, па како што периодот одминуваше, така го водеше тој тим кој е генерација 2004 година скалила погоре, односно како У17.

Малдинците убедливо поразени во Кршко од Словенија

Бошко Тасиќ — Thu, 03 Jun 2021 18:29:59 +0000

Македонската фудбалска репрезентација до 21 година загуби попладнево на гостински терен од Словенија со 3:0 (3:0) во последниот подготвителен натпревар во пресрет на септемврискиот евроквалификациски циклус. Домаќините веќе по првото полувреме ги решија дилемите околу победникот на мечот одигран во Кршко, со головите на Аљоша Матко (2 минута), Ник Прелец (7) и Тамар Светлин (44). Македонската репрезентација до 21 година ќе ги почне квалификациите за пласман на ЕП 2023 во Грузија и Романија на 2 септември против Франција, а во групата Х противници на „црвено – жолтите“ се и репрезентациите на Србија, на Украина, на Фарски Острови и на Ерменија.

Драган Канатларовски ќе биде дел од стручниот штаб на Благоја Милевски

Бошко Тасиќ — Wed, 26 May 2021 15:08:54 +0000

Македонската фудбалска легенда Драган Канатларовски ќе биде соработник во репрезентацијата до 21 година и ќе биде дел од стручниот штаб на селекторот Благоја Милевски. Популарниот Цапар беше дел од младинските селекции во изминатиот период, а сега ќе биде меѓу младинците кои се подготвуваат за новите квалификации и ќе патуваат на подготовки во Терме Чатеж, Словенија, каде ќе се сретнат и ќе одиграат тест меч со домаќинот.

Младинците на Македонија одигра нерешено со Словачка на турнирот во Анталија

Бошко Тасиќ — Sat, 27 Mar 2021 16:01:32 +0000

После поразот од Казахстан во првиот натпревар денес селекцијата на Македонија до 21 година одигра реми иако бевме блиску и до победа, водевме со 0:2, но на крајот Словачка успеа да дојде до 2:2. После ударот на човекот од кого се очекува да биде предводник на оваа генерација Дарко Чурлинов еден репрезентативец на Словачка си постигна автогол во 24. минута. До втор гол стигнавме после само четири минути игра во второто полувреме. Словачка се разбуди во финишот, прво 71. минута намалија на 1:2, за на шест минути пред крајот на регуларните 90 да дојдат до 2:2. До крајот на турнирот во Анталија Македонија ќе одигра уште еден натпревар и тоа против Бугарија, тој дуел е закажан за во понеделник.

Фудбалската селекција до 21 година поразена од Казахстан

Бошко Тасиќ — Wed, 24 Mar 2021 17:41:16 +0000

Со пораз од Казахстан 2-1 младата македонска фудбалска селекција за играчи до 21 година, го започна својот настап на турнирот во Анталија Казахстанците имаа предност од 2:0 со головите постигнати во 56-тата и 70-минута.

Само пет минути подоцна Берат Калкан го намали резултатот на 1-2, но иако до крајот на мечот избраниците на Милевски се обидуваа да стигнат до израмнување сепак, не успеа да избегнат пораз. Покрај денешниот меч со Казахстан, младите македонски фудбалери ќе одиграат и контролни средби со селекциите на Словачка на 27 март (сабота) и Бугарија на 29 март (понеделник)

Овој турнир на селекторот Милевски ќе му послужи за проверка на можностите на играчите и своевиден филтер преку кои треба да се гради тимот кој од септември месец ќе го започне новиот квалификациски циклус.

Јанков, Тодоровски и Чурлинов остануваат во У-21, Дориев се приклучува на А-репрезентацијата

Ивона Петрова — Sat, 14 Nov 2020 08:27:55 +0000

Дарко Чурлинов, Тодор Тодоровски и Ристе Јанков остануваат во селекцијата до 21 година, додека Љупчо Дориев од Шкендија ќе се приклучи на македонската А-селекција, е последната информација која ја објави Фудбалската федерација на Македонија. Иако, вчеравечер беше соопштено дека тројцата од младинската селекција ќе бидат на располагање на селекторот на сениорите Игор Ангеловски, за средбите со Естонија и Ерменија, сепак коронавирусот ги смени плановите. -Поради позитивни тестови на Ковид-19 во македонската репрезентација до 21 година, тројцата репрезентативци, Чурлинов, Тодоровски и Јанков остануваат во МКД-21. Љупчо Дориев ќе биде во составот на А-репрезентација, информира портпаролот на репрезентацијата, Златко Андоновски. Македонската репрезентација која во четвртокот обезбеди пласман на Европското првенство 2020, утре во Ц-сегментот Група-2 од Лигата на нации, ќе ја пречека Естонија, а три дена подоцна (18 ноември) ќе и гостува на Ерменија.

Милевски го објави списокот на фудалери за турнирот во Турција

Дарко Андоновски — Thu, 14 Mar 2019 13:35:35 +0000

Репрезентацијата на Македонија до 21 година од 18 до 27 март во Турција ќе биде дел од силниот „Анталија Куп“, на кој покрај нашата млада селекција ќе учествуваат репрезентациите на Украина, Летонија, Естонија и Казакхстан. Нашата репрезентација нема да се соочи со Казакхстан на контролниот турнир во Турција од причина што двете селекции се во иста група од квалификациите за ЕП 2021. По речиси една година, Благоја Милевски повторно ќе ја предводи младинската репрезентација, под чие водство остваривме историски успех со пласманот на ЕП 2017 во Полска. Тој истакна дека се радува на новите предизвици и можноста повторно да соработува со младата селекција. – Свесен сум за ситуацијата која е пред нас, но не се плашиме, верувам во репрезентацијата, во момците и ќе бидеме подготвени за новите предизвици. Веројатно ова е една од најтешките задачи во мојата кариера, но тука сум, повик од националната репрезентација не се одбива. Квалитет постои, знам дека можеме да успееме и не би прифатил ангажман доколку не верувам во момците и во својата работа. Се надевам дека може да направиме резултат, изјави Милевски, по назначувањето за селектор на Македонија до 21 година. Повкани фудбалери за „Анталија Куп“: Голмани: Томас Божиновски (Фиеренсе, Португалија), Ристе Јанков (Работнички), Даниел Котевски (Победа); Одбрана: Нехар Садики (Ренова), Агрон Руфати (Истра 1961, Хрватска), Есмин Личина (Скопје), Филип Трајановски (Академија Пандев), Филип Антовски (Динамо Загреб, Хрватска), Михаил Маневски (Академија Пандев), Тодор Тодоровски (Осијек, Хрватска), Ване Јованов (Академија Пандев); Среден ред: Давор Здравковски (АЕЛ Лимасол, Кипар), Јани Атанасов (Бурсаспор, Турција), Димитар Митровски (Спортинг Лисабон, Португалија), Кристијан Ацковски (работнички), Милош Тошевски (Земун, Србија), Марко Ферукоски (Офенбах, Германија), Бесард Шабовиќ (Дјургарден, Шведска); Напад: Бејхан Аметов (Борусија Дортмунд, Германија), Милан Ристовски (Ријека, Хрватска), Марио Крстовски (Академија Пандев), Даниел Миловановиќ (Академија Пандев), Кристијан Трапановски (Славија Прага, Чешка), Емил Абаз (Бершот, Белгија), Ердон Даци (Коњаспор, Турција).

Македонија У-21 поразена од Србија

Дарко Андоновски — Fri, 07 Sep 2018 19:55:55 +0000

Македонската репрезентација за фудбалери до 21 година загуби со 2:1 на гостувањето кај Србија во квалификациите за пласман на ЕП 2019 во Италија. Домаќините во 28-та минута дојдоа до водство со гол од пенал кој го реализираше Иван Шапоњиќ, а за Македонија израмни Тихомир Костадинов во 64-та минута. Србија до победата стигна во 80-та минута преку Филип Ступаревиќ. На овој натпревар официјално дебитираше новиот селектор Добринко Илиевски, а Македонија со овој пораз останува на дното со само три освоени бода. Следниот натпревар Македонија го игра против Ерменија во вторник во Скопје.