У21 – Kurir.mk

У21: Македонските фудбалери поразени од Холандија

Ивана Ефремовски — Tue, 12 Sep 2023 15:49:34 +0000

Македонската фудбалска репрезентација до 21 година го претрпе првиот пораз во квалификациите за пласман на Европското првенство 2025, откако попладнево во Скопје загуби од Холандија со 2-0 (0-0). И покрај поразот, избраниците на селекторот Драган Канатларовски одиграа рамноправен натпревар против уште еден фаворит во квалификациската група Ц која ја стартуваа со гостинска победа минатата недела во Шведска (21). Македонските фудбалери попладнево на Комплексот на ФФМ пропуштија неколку идеални шанси за гол пред Холандија да дојде во водство во 68 минута преку Ноа Охио. Четири минути подоцна Кенет Тејлор од пенал го постигна вториот гол за гостите од Холандија. Со три бода од два натпревари македонските фудбалери се второпласирани во групата пред следниот натпревар против Молдавија на гостински терен на 17 ноември. (МИА)

У21: Македонските фудбалери ќе тестираат против Србија и Кипар

Тале Кристо — Mon, 07 Nov 2022 17:59:17 +0000

Македонската фудбалска репрезентација до 21 година овој месец ќе одигра два пријателски натпревари во Кипар против домашната и селекцијата на Србија. – После контролните натпревари против Албанија и Саудиска Арабија што се одиграа во Хрватска, не очекуваат нови два меча против квалитетни противници. Тест натпреварите против Кипар и Србија се добра можност да добиеме увид во моменталната форма на повиканите репрезентативци. Се надевам дека ќе го продолжиме трендот на остварување позитивни резултати, а тоа дополнително ќе ја крене нашата самодоверба пред почетокот на квалификациите, изјави селекторот на репрезентацијата до 21 година, Драган Канатларовски. Дуелот против Кипар е закажан за 17 ноември, а пет денови подоцна е контролниот натпревар против Србија. – Речиси нема промени во списокот на повиканите фудбалери во однос на претходните наши натпревари. Се соочуваме со објективни проблеми поврзани со малата клупска минутажа на одредени важни фудбалери во составот, но играњето за репрезентацијата е нешто посебно и се надевам дека истите тие играчи ќе го дадат максимумот и во вистинско светло ќе се покажат на претстојните мечеви. Убеден сум дека имаме квалитет, но мора на секој натпревар да бидеме со правилен пристап, одлучни во целта што сакаме да ја оствариме и се разбира со голема желба за победа, посочи Канатларовски. ег/лв/ 2022-11-07 18:48:11, од Емил Гашевски

У21: Прва победа на македонските фудбалери во евроквалификациите

Тале Кристо — Tue, 12 Oct 2021 16:46:50 +0000

Македонската фудбалска репрезентација до 21 година ги задржа шансите за пласман на ЕУРО2023, откако попладнево триумфираше над Ерменија во Ереван со 2:1 (1:0) и ја забележа првата победа во квалификациската група Х. Триумфот на „црвено – жолтите“ го навести Марко Ѓоргиевски со водечкиот гол во 25 минута, а предноста ја удвои Методи Максимов во 84 минута. До крајот на натпреварот Ерменија успеа да постигна само почесен гол во завршните минути преку Нарек Григорјан. Македонската репрезентација по четири одиграни натпревари е четвртопласирана во пет бодови, а следен противник на избраниците на Драган Канатларовски е Украина на 11 ноември во Скопје.

У21: Македонските фудбалери оптимисти пред дуелот со Фарски Острови

Тале Кристо — Wed, 06 Oct 2021 16:13:57 +0000

Македонската фудбалска репрезентација до 21 година денеска го одржа последниот тренинг пред утрешниот натпревар на гостински терен против Фарски Острови во Класвик, во рамки на квалификациите за пласман на ЕУРО 2023. Играчот за врска Али Адем истакна дека целта на сите репрезентативци е со победа да се вратат од Класвик и дуелот со домаќините, кои претходно на домашен терен одиграа нерешено против апсолутниот фаворит во групата, селекцијата на Франција. – Максимално сме фокусирани на натпреварот со Фарски Острови, со нетрпение го очекуваме утрешниот дуел. Имаме доволно време да се приспособиме на временските прилики тука, и да се подготвиме што подобро за мечот. Идеме чекор по чекор, верувам во моите соиграчи, имаме квалитет и доколку одиграме како што од нас очекува селекторот, ќе ја оствариме целта, а тоа е да се вратиме дома со три бода“, изјави Адем – Нема да биде лесно, во денешниот фудбал нема слаба репрезентација, истото важи и за нашата група. Фарски Острови е незгодна селекција, поготово кога игра на домашен терен. Играме на мал стадион, со вештачка трева, нема да биде лесно, но ќе дадеме се од себе за да ги освоиме трите бода, додаде македонскиот репрезентативец во изјава за сајтот на ФФМ.

И Димитар Тодоровски позитивен на Ковид-19 во младата фудбалска репрезентација

Бошко Тасиќ — Sun, 29 Aug 2021 14:21:35 +0000

По Марио Младеновски и Адријан Хајдари уште еден фудбалер на малдата репрезентација до 21 година е позитивен на Ковид-19. По последните тестирања, Димитар Тодоровски (Работнички) имал позитивен ПЦР тест и тој дефинитивно ќе отпадне од комбинација за првиот меч со Франција (2 септември) во квалификациите за ЕП 2023. Селекторот Драган Канатларовски има доста главоболки со откажувањата, затоа што покрај оваа тројка која е позитивна на Ковид-19, од комбинација за првиот дуел со Французите отпадна и Анел Рустемовски кој се повредил. Засега нема најава за дополнително повикани фудбалери во малдинскиот национален тим, кој денеска го имаше првиот собир во Скопје.

Португалија ја совлада Шпанија во полуфиналето на ЕП за фудбалери до 21 година (ВИДЕО)

Бошко Тасиќ — Thu, 03 Jun 2021 18:46:45 +0000

Португалија во денешното полуфинале во Марибор ја совлада Шпанија со 1:0 и тоа со навистина бизарен автогол. Гледавме натпревар со по некоја шанса и на двете страни, а клучниот момент го видовме во 80. минута кога Виера уфрли во средината, а Жорге Куенка со лоб го матираше својот голман за водство. Тој гол на крајот се покажа и како решавчки. Противник на Португалија во финалето ќе биде победникот од дуелот Холандија – Германија. https://www.youtube.com/watch?v=N6ONBNhucx8